ប្រទេសប្រេស៊ីល ៖ បន្ទាប់ពីការកើនឡើងជាលំដាប់នៃតម្លៃផ្ទះក្នុងប្រទេសប្រេស៊ីលអស់ជាច្រើនឆ្នាំមក ទីផ្សារអចលនទ្រព្យក៏បានធ្លាក់ចុះវិញតាំងពីសេដ្ឋកិច្ចធ្លាក់ចុះ ។ លើសពីនេះទៀត ឆ្នាំក្រោយនឹងក្លាយជា
ប្រទេសប្រេស៊ីល ៖ បន្ទាប់ពីការកើនឡើងជាលំដាប់នៃតម្លៃផ្ទះក្នុងប្រទេសប្រេស៊ីលអស់ជាច្រើនឆ្នាំមក ទីផ្សារអចលនទ្រព្យក៏បានធ្លាក់ចុះវិញតាំងពីសេដ្ឋកិច្ចធ្លាក់ចុះ ។ លើសពីនេះទៀត ឆ្នាំក្រោយនឹងក្លាយជាឆ្នាំដែលប្រទេសនេះមានការធ្លាក់ចុះបន្ថែមទៀតក្នុងផ្នែកអចលនទ្រព្យ ។
ក្រុមហ៊ុន Fitch Ratings បាននិយាយកាលពីថ្ងៃអង្គារកន្លងមកថា តម្លៃផ្ទះក្នុងប្រទេសប្រេស៊ីលនឹងធ្លាក់ចុះថែមទៀតដោយសារសេដ្ឋកិច្ចបន្តជួបឧបសគ្គ ។ ភាគហ៊ុនផ្នែកអចលនទ្រព្យរបស់ប្រេស៊ីល ជាពិសេស Gafisa បានធ្លាក់ចុះ៩,៧% ឯណោះ ។
Fitch បានព្រមានថា អចលនទ្រព្យខ្លះៗក្នុងទីក្រុងមួយចំនួន គួរតែដាក់កម្រិតលើការកាត់បន្ថយថ្លៃផ្ទះ ប៉ុន្តែក៏មិនបាននិយាយថាទីក្រុងណាខ្លះទេ ។ ទីក្រុង Sao Paulo និង Rio de Janeiro អាចនឹងនៅក្នុងចំណោមនោះ។ ក្រុមហ៊ុនអចលនទ្រព្យមួយចំនួនអាចនៅតែបន្តដំណើរការល្អ ប្រសិនបើពួកគេមិនបានពឹងផ្អែកលើកម្មវិធីឧបត្ថម្ភធនរបស់រដ្ឋាភិបាលទេនោះ ។
GDP របស់ប្រេស៊ីលត្រូវបានព្យាករណ៍ថា នឹងធ្លាក់ចុះ៣,៣%បន្ថែមទៀតក្នុងឆ្នាំនេះ។ កំណើននៃអត្រាគ្មានការងារធ្វើ អសន្តិសុខការងារ កំណើនអត្រាការប្រាក់ និងការកាត់បន្ថយថវិការដ្ឋាភិបាល នឹងបន្តធ្វើឲ្យតម្រូវការខ្ចីប្រាក់ទិញអចលនទ្រព្យធ្លាក់ចុះ ។ ភាពទន់ខ្សោយរបស់សេដ្ឋកិច្ចអាចមើលឃើញតាមរយៈបរិមាណនៃការលក់ផ្ទះ ដែលបានធ្លាក់ចុះ៩%ពីខែតុលា ឆ្នាំ២០១៥ ដល់ខែកញ្ញា ឆ្នាំ២០១៦ ។
អ្នកវិភាគក្នុង Fitch បាននិយាយកាលពីថ្ងៃអង្គារថា អត្រាគ្មានការងារធ្វើ និងអត្រាការប្រាក់ដ៏ខ្ពស់អាចបង្ខំឲ្យប្រជាជនប្រេស៊ីលប្រើប្រាស់ប្រាក់សន្សំរបស់ពួកគេ ។ ការកាត់បន្ថយនៃការតម្កល់ប្រាក់សន្សំបានធ្វើឲ្យធនាគារកាត់បន្ថយការផ្តល់ប្រាក់កម្ចី ។ ក្នុងអំឡុងខែមករា ឆ្នាំ២០១៥ និងខែមិថុនា ឆ្នាំ២០១៦ អត្រាប្រាក់តម្កល់បានធ្លាក់ចុះ១៧% ជាមួយនឹងការផ្តល់ប្រាក់កម្ចីទិញផ្ទះប្រចាំខែជាមធ្យមធ្លាក់ចុះ៣៥% ។
ផ្ទះក្នុងទីក្រុងធំៗមានតម្លៃខ្ពស់ បើធៀបនឹងប្រាក់ចំណូលរបស់ប្រជាជន ។ ប៉ុន្តែ Fitch ជឿជាក់ថា យ៉ាងណាក្តី នេះមិនមែនជាការដួលរលំនៃទីផ្សារអចលនទ្រព្យឡើយ ៕
ចែករំលែកព័តមាននេះ