ក្មេងទំនើងប្រុសស្រីចំនួន៩នាក់ បានត្រូវនគរបាលក្រុងពោធិ៍សាត់ឃាត់ខ្លួននាំយកមកសាកសួរ បន្ទាប់ពីរកឃើញពួកគេប្រមូលផ្ដុំគ្នានៅផ្ទះជួលមួយកន្លែង ស្ថិតក្នុង
ខេត្តពោធិ៍សាត់ ៖ ក្មេងទំនើងប្រុសស្រីចំនួន៩នាក់ បានត្រូវនគរបាលក្រុងពោធិ៍សាត់ឃាត់ខ្លួននាំយកមកសាកសួរ បន្ទាប់ពីរកឃើញពួកគេប្រមូលផ្ដុំគ្នានៅផ្ទះជួលមួយកន្លែង ស្ថិតក្នុងភូមិបាក់រទេះ សង្កាត់ព្រៃញី ក្រុងពោធិ៍សាត់ កាលពីវេលាម៉ោងប្រមាណ៨និង៣០នាទីព្រឹក ថ្ងៃទី១៧ ខែឧសភា ឆ្នាំ២០២២កន្លងទៅ ។
លោក កែវ សារិ អធិការនគរបាលក្រុងពោធិ៍សាត់ បានឲ្យដឹងថា ក្រុមក្មេងទំនើងប្រុសស្រីដែលសមត្ថកិច្ចឃាត់ខ្លួននេះ សុទ្ធតែជាអ្នករស់នៅក្នុងក្រុងពោធិ៍សាត់ ។ ប្រតិបត្តិការនេះធ្វើឡើងបន្ទាប់ពីកងកម្លាំងសមត្ថកិច្ចចុះស្រាវជ្រាវរកមុខសញ្ញាក្រុមចោលឆក់កាបូប ហើយប្រទះឃើញពួកគេប្រមូលផ្ដុំគ្នានៅផ្ទះជួលមួយកន្លែងខាងលើ ។
ក្រុមក្មេងទំនើងទាំង៩នាក់ ត្រូវបានបញ្ជូនមកអធិការដ្ឋាននគរបាលក្រុង ដើម្បីធ្វើការអប់រំ និងធ្វើកិច្ចសន្យា ដោយឲ្យមានការធានាពីអាណាព្យាបាល និងអាជ្ញាធរមូលដ្ឋាន រួចឲ្យវិលត្រឡប់ទៅផ្ទះវិញ ៕
ចែករំលែកព័តមាននេះ