ឃាត់ខ្លួនជនសង្ស័យ៤នាក់ ពាក់ព័ន្ធករណីគ្រឿងញៀ.ន
ខេត្តព្រៃវែង ៖ កងរាជអាវុធហត្ថខេត្តព្រៃវែងឃាត់ខ្លួនជនសង្ស័យ៤នាក់ ពាក់ព័ន្ធករណីគ្រឿងញៀ.ន កាលពីថ្ងៃទី២៧ ខែតុលា ឆ្នាំ២០១៦ វេលាម៉ោង០៨ និង២០នាទីយប់
ខេត្តព្រៃវែង ៖ កងរាជអាវុធហត្ថខេត្តព្រៃវែងឃាត់ខ្លួនជនសង្ស័យ៤នាក់ ពាក់ព័ន្ធករណីគ្រឿងញៀន កាលពីថ្ងៃទី២៧ ខែតុលា ឆ្នាំ២០១៦ វេលាម៉ោង០៨ និង២០នាទីយប់ នៅចំណុចវត្តជីធំ ដែលស្ថិតនៅក្នុងភូមិសឹង ឃុំកំពង់សឹង ស្រុកព្រះសេ្តច ខេត្តព្រៃវែង។ បើតាមកងរាជហត្ថខេត្តបានឱ្យដឹងថា ក្នុងប្រតិបត្តិការណ៍ចុះបង្ក្រាបនេះ សមត្ថកិច្ចឃាត់ខ្លួនបានជនសង្ស័យបានចំនួន៤នាក់ ក្នុងនោះទី១.ឈ្មោះ ណុប ណារ៉ា ភេទប្រុស អាយុ២៥ឆ្នាំ រស់នៅភូមិអូរបែកក្អម សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ទី២.ឈ្មោះ ផន ភឿប ភេទប្រុស អាយុ៣០ឆ្នាំ រស់នៅខណ្ឌសែនសុខ រាជធានីភ្នំពេញ។ ទី៣.ឈ្មោះ ហេង ពិសី ភេទប្រុស អាយុ២៩ឆ្នាំ រស់នៅភូមិកន្ទ្រាន ឃុំរោងដំរី ស្រុកបាភ្នំ ខេត្តព្រៃវែង និងទី៤.ឈ្មោះ ហ៊ុន ឧត្តម ភេទប្រុស អាយុ២២ឆ្នាំ រស់នៅភូមិរោងដំរី ឃុំជើងភ្នំ ស្រុកបាភ្នំ ខេត្តព្រៃវែង។
ប្រភពបន្តថា នៅក្នុងប្រតិបត្តិការនេះដែរសមត្ថកិច្ចរឹបអូសបាន ម្សៅក្រាមពណ៌ស(ម៉ាទឹកកក)១កញ្ចប់ ទម្ងន់ទាំងសំបកថង់ ស្មើនឹង១១,១៥ក្រាម ទូរស័ព្ទដៃ២គ្រឿង និងម៉ូតូ២គ្រឿង។ បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចឃាត់ខ្លួន ហើយបញ្ជូនទៅកាន់ទីបញ្ជាការកងរាជអាវុធហត្ថខេត្តព្រៃវែង ដើម្បីដោះស្រាយតាមនីតិវិធី៕
ចែករំលែកព័តមាននេះ