រាជធានីភ្នំពេញ ៖ ហេតុការណ៍គ្រោះថ្នាក់ចរាចរណ៍ដែលបណ្តាលអោយឪពុកម្តាយរបស់តារាចម្រៀង សុវត្ថិឌី ធារិកា បាត់បង់ជីវិត បានធ្វើអោយមហាជន ជាពិសេសអ្នកសិល្បៈបានសម្តែងការស្លុ.តចិត្តយ៉ាងខ្លាំង ។
រហូតមកទល់ពេលនេះ គេនៅមិនទាន់ដឹងច្បាស់ពីហេតុការណ៍ទេថា រថយន្តដែលបើកបរដោយឪពុករបស់សុវត្ថិឌី ធារិកា មានមូលហេតុអ្វីដែលបណ្តាលអោយក្រឡាប់ធ្លា.ក់ចូលប្រឡាយបែបនេះ ។
យ៉ាងណា សុវត្ថិឌី ធារិកា បានរៀបរាប់ខ្លះជុំវិញដែលធ្វើអោយឪពុកម្តាយរបស់នាងត្រូវស្លា.ប់ ចំណែកប្អូន និងជីដូន របស់នាងបានរួចពីសេចក្តីស្លា.ប់ ក្នុងករណីគ្រោះថ្នាក់ចរាចរណ៍នេះ ។
យោងតាមឃ្លីបវីដេអូ ដែលត្រូវបានបង្ហោះដោយតារាសម្តែង នាង ដួង ម៉ានិច នោះ សុវត្ថិឌី ធារិកា បានរៀបរាប់ប្រាប់នាង និងអ្នកនាង ចន ច័ន្ទលក្ខិណាថា នាងស្ទើរមិនគួរជឿត្រឹមរយៈពេល៥នាទីនាងត្រូវបានបាត់បង់ឪពុកម្តាយបែបនេះឡើយ ។
នាងបញ្ជាក់ថា តាមពិត ប្រសិនបើឪពុកម្តាយរបស់នាងមិនមានជំងឺប្រចាំកាយទេនោះ ទំនងជាអ្នកទាំងពីរអាចរួចផុតពីសេចក្តីស្លា.ប់បាន ។
នាងថា ឪពុកនាងមានជំងឺលើសឈាម ចំណែកម្តាយមានជំងឺបេះដូង ហេតុនេះក្រោយជួបហេតុការណ៍ដ៏រន្ធ.ត់នេះ ពួកគាត់អាចសន្ល.ប់ ហើយ ប្រសិនបើមិនអញ្ចឹងទេ ពួកគាត់អាចក្រោកចេញពីឡានដែលក្រឡាប់ធ្លា.ក់ទឹកនោះ ។
នាងបន្ថែមថា ពេលនោះនាងបានព្យាយាមជួយសង្គ្រោះឪពុកម្តាយដោយការផ្លំខ្យល់តាមមាត់ តែមិនអាចទៅរួច ខណៈពេលដែលក្រុមគ្រូពេទ្យមកដល់ក៏មិនមានឧបករណ៍គ្រប់គ្រាន់ ។
សុវត្ថិឌី ធារិកា បានលើកឡើងបន្ថែមថា តាមពិតក្រុមគ្រូពេទ្យបានបញ្ជាក់ថា ឪពុកម្តាយរបស់នាងបានផុតដង្ហើម មុនពេលបញ្ជូនមកដល់មន្ទីរពេទ្យមកម្ល៉េះ ។
យ៉ាងណាគេនៅមិនទាន់អាចសន្និដ្ឋានអោយបានច្បាស់នៅឡើយទេថា ក្នុងហេតុការណ៍នោះ សុវត្ថិឌី ធារិកា បានជិះរថយន្តជាមួយឪពុកម្តាយនាង ឬយ៉ាងណាឡើយ ប៉ុន្តែតាមបទសម្ភាសន៍ជាមួយសារព័ត៌មានក្នុងស្រុកតារារូបនេះមិនមានរួមដំណើរជាមួយឡានក្រុមគ្រួសារនាងឡើយ ។
នាងបញ្ជាក់ថា ក្រោយបញ្ចប់បេសកម្មនៅខេត្តព្រះវិហារនាងជាមួយនឹងក្រុមគ្រួសារបានវិលត្រឡប់មកផ្ទះវិញ ដោយរថយន្តពីរតំណាលគ្នា ប៉ុន្តែរថយន្តរបស់នាងបានឈាងចូលចាក់សាំងតាមផ្លូវ ប្រមាណ៥នាទីប៉ុណ្ណោះក៏បន្តធ្វើដំណើរវិញ ។ លុះពេលធ្វើដំណើរមកក៏ឃើញរថយន្តឪពុកម្តាយរបស់នាងជួបហេតុការណ៍ក្រឡាប់រថយន្តនេះតែម្តង ។
ជាការកត់សម្គាល់ បន្ទាប់ពីហេតុការណ៍បានកើតឡើងស.ពឪពុកម្តាយរបស់សុវត្ថិឌី ធារិកា ក៏ត្រូវបានដឹកមកធ្វើបុណ្យនៅវត្តស្ទឹងមានជ័យរាជធានីភ្នំពេញ នៅថ្ងៃដដែលនោះ ក្រោមការចូលរួមពីសាច់ញាតិ និងអ្នកសិល្បៈយ៉ាងច្រើនកុះករ ។
តាមគម្រោងស.ពឪពុកម្តាយរបស់នាងនឹងត្រូវបូជានៅថ្ងៃទី១៩ ខែឧសភា ឆ្នាំ២០២២ នៅវត្តស្ទឹងមានជ័យ ខណៈពេលកម្មវិធីត្រូវបានគេរំពឹងថា នឹងមានអ្នកសិល្បៈច្រើនចូលរួម៕
ចែករំលែកព័តមាននេះ