ជំហានទី១ ! ហៅមកអប់រំ និងធ្វើកិច្ចសន្យា ជំហានទី២នឹង…
ខេត្តឧត្តរមានជ័យ ៖ លោក ហោ ជិតវីរៈយុទ្ធ អភិបាលស្រុកអន្លង់វែង បានប្រាប់ឱ្យដឹងនៅព្រឹកថ្ងៃទី២៨ ខែតុលា ឆ្នាំ២០១៦នេះថា អាជ្ញាធរបានដាក់វិធានការជំហានទី១ …
ខេត្តឧត្តរមានជ័យ ៖ លោក ហោ ជិតវីរៈយុទ្ធ អភិបាលស្រុកអន្លង់វែង បានប្រាប់ឱ្យដឹងនៅព្រឹកថ្ងៃទី២៨ ខែតុលា ឆ្នាំ២០១៦នេះថា អាជ្ញាធរបានដាក់វិធានការជំហានទី១ …
ខេត្តឧត្តរមានជ័យ ៖ លោក ហោ ជិតវីរៈយុទ្ធ អភិបាលស្រុកអន្លង់វែង បានប្រាប់ឱ្យដឹងនៅព្រឹកថ្ងៃទី២៨ ខែតុលា ឆ្នាំ២០១៦នេះថា អាជ្ញាធរបានដាក់វិធានការជំហានទី១ ដល់កម្លាំងប្រដាប់អាវុធក្រោមរដ្ឋបាលស្រុក កោះហៅដល់អ្នកដែលបើកឱ្យលេងល្បែងស៊ីសងគ្រប់ប្រភេទ ដើម្បីធ្វើកិច្ចសន្យាបញ្ឈប់ និងអប់រំព្រមានជាលើកទី១ បើពុំនោះទេអាជ្ញាធរនឹងអនុវត្តទៅតាមសារាចរណែនាំរបស់សម្តេចក្រឡាហោមក្រសួងមហាផ្ទៃ ។
លោកអភិបាលស្រុកក៏បានបន្តថា វិធានការទៅលើល្បែងស៊ីសង អាជ្ញាធរនៅមានការយោគយល់ទៅលើប្រជាពលរដ្ឋ ដោយនៅព្រឹកថ្ងៃទី២៨ ខែតុលា លោកក៏បានជម្រុញដល់សមត្ថកិច្ចជំនាញ និងក្រុមការងារថ្នាក់ស្រុក ធ្វើការកោះអញ្ជើញប្រជាពលរដ្ឋដែលបើកលក់ល្បែងឆ្នោតកន្ទុយលេខនៅក្នុងផ្សារទីរួមស្រុក នៅតាមភូមិ-ឃុំដាច់ស្រយាល និងកន្លែងផ្សេងៗទៀត ដូចជាល្បែងខ្លាឃ្លោក អាប៉ោង បៀរ ភ្នាល់បាល់ជាដើម ដោយក្រុមការងារគ្រាន់តែអប់រំដល់ពួកគាត់ជាបឋមសិន ។
លោក ហោ ជិន វីរៈយុទ្ធ បានបញ្ជាក់ថា នៅជំហានទី២ ក្នុងករណីដែលមិនបញ្ឈប់ការបើកលេងល្បែងស៊ីសងទេនោះ អាជ្ញាធរមានសមត្ថកិច្ចនឹងអនុវត្តទៅតាមច្បាប់ ដោយមិនអាចយោគបល់បានទេ ។ ដោយឡែកបញ្ហាមួយទៀត ដែលអាជ្ញាធរមានសមត្ថកិច្ចពិបាកក្នុងការទប់ស្កាត់ពាក់ព័ន្ធនឹងសកម្មភាពពលរដ្ឋខ្មែរចូលទៅលេងកាស៊ីណូនៅជាប់មាត់ច្រកអន្តរជាតិជាំ ហើយអាជ្ញាធរក៏កំពុងតែស្នើសុំទៅថ្នាក់លើដើម្បីដាក់វិធានការទប់ស្កាត់ ហើយកន្លងមកគេឃើញមានពលរដ្ឋខ្មែររាប់រយនាក់បានចាញ់កាស៊ីណូ មានអ្នកខ្លះបានលក់អស់ទ្រព្យសម្បត្តិ ដីស្រែចម្ការ និងផ្ទះសំបែងក៏មាន ព្រោះបើយោងតាមច្បាប់មិនអនុញ្ញាតឱ្យពលរដ្ឋខ្មែរចូលទៅលេងល្បែងក្នុងកាស៊ីណូជាប់ព្រំដែនបានទេ ។
ប្រជាពលរដ្ឋបានសម្តែងការសប្បាយចិត្តចំពោះវិធានការរបស់អាជ្ញាធរស្រុក បើទោះបីជាមានពលរដ្ឋខ្លះដែលលួចបើកលេងល្បែងស៊ីសងក្តី ក៏ប៉ុន្តែអាជ្ញាធរនិងសមត្ថកិច្ចកោះហៅពលរដ្ឋទាំងនោះមកអនុវត្តចាត់វិធានការអប់រំ ជាជំហានដំបូងមិនមានការឃាត់ខ្លួនទេ ហាក់ដូចជាផ្តល់ឱកាសដល់គាត់កែប្រែមុខរបរខុសច្បាប់ចេញ ។ ប្រជាពលរដ្ឋក្នុងស្រុកមានក្តីសង្ឃឹមថា វិធានការក្តៅគគុកនេះនឹងអាចទប់ស្កាត់ល្បែងស៊ីសងបាន ៕
ចែករំលែកព័តមាននេះ