ភ្នំពេញ ថ្ងៃទី២៣ ខែតុលា ឆ្នាំ២០១៦ ៖ ការសាទរដល់វប្បធម៌កម្ពុជា បានក្លាយជាទស្សនីយភាពសំខាន់សម្រាប់អ្នកចូលរួមទាំងអស់ក្នុងពេលកន្លងទៅថ្មីៗនេះ ដែលរួមមានការប្រកួតវីដេអូ នៃយុទ្ធនាការ #KFCAlwaysOriginal ។
ភ្នំពេញ ថ្ងៃទី២៣ ខែតុលា ឆ្នាំ២០១៦ ៖ ការសាទរដល់វប្បធម៌កម្ពុជា បានក្លាយជាទស្សនីយភាពសំខាន់សម្រាប់អ្នកចូលរួមទាំងអស់ក្នុងពេលកន្លងទៅថ្មីៗនេះ ដែលរួមមានការប្រកួតវីដេអូ នៃយុទ្ធនាការ #KFCAlwaysOriginal ។
បេក្ខជនទាំង៤០រូបដែលបានចូលរួមប្រកួត បានបង្ហាញពីប្រធានបទផ្សេងៗគ្នាចាប់ពីអាហារខ្មែរ សិល្បៈ ម៉ូដសម្លៀកបំពាក់ខ្មែរ តន្ត្រី និងឧបករណ៍តន្ត្រីខ្មែរ ពិធីបុណ្យខ្មែរ ។ល។ មានបេក្ខជនមានទេពកោសល្យមួយចំនួន បានដាក់ស្នាដៃចម្រៀងនិពន្ធដោយខ្លួនឯង និងកំណាព្យថ្មីៗ ដើម្បីចូលរួមប្រកួតផងដែរ។
គ្រប់ស្នាដៃវីដេអូនេះ សុទ្ធតែបង្កប់សារអប់រំដល់ការអភិរក្សវប្បធម៌ និងប្រពៃណីខ្មែរ ដែលជាអត្តសញ្ញាណជាតិខ្មែរយ៉ាងពិតប្រាកដ។
វីដេអូជ័យលាភីដែលមានចំណងជើងថា «ខ្ញុំស្រឡាញ់ភាសាខ្មែរ» ជាស្នាដៃរបស់ ហ៊ត់ ថុនា បានបង្ហាញអំពីតម្លៃភាសាខ្មែរដែលជាអត្តសញ្ញាណជាតិដ៏សំខាន់បំផុតមួយ។ នៅក្នុងខ្សែវីដេអូ ដ៏ទាក់ទាញនេះ ហ៊ត់ ថុនា បានទាញចំណាប់អារម្មណ៍អ្នកទស្សនាជុំវិញបញ្ហាដែលយុវជន ខ្មែរបោះបង់លែងប្រើអក្សរខ្មែរ ដើម្បីភាពងាយស្រួលរបស់ពួកគេ ដោយអនុវត្ត «ខ្មែររ៉ូម៉ាំងនីយកម្ម» (ដោយប្រើតួអក្សរអង់គ្លេសកត់សូរខ្មែរ) នៅក្នុងបណ្ដាញសង្គម និងកម្មវិធីឌីជីថលផ្សេងៗទៀត។ ការលើកឡើងនេះ បានបង្ហាញថា ប្រសិនបើយុវជនបច្ចុប្បន្ន មិនព្យាយាមរក្សា ឬអភិរក្សអក្សរសាស្ត្រខ្មែរទេ នោះគេនឹងមិនអាចរក្សាភាសាជាតិឲ្យគង់វង្សសម្រាប់មនុស្សជំនាន់ក្រោយបានឡើយ ហើយអត្តសញ្ញាណខ្មែរក៏ត្រូវបាត់បង់ផងដែរ។
គណៈវិនិច្ឆ័យដែលមានសមាសភាពពី KFC និងក្រុមហ៊ុន Hybrid Advertising បានសម្រេចជាឯកច្ឆន្ទ ក្នុងការជ្រើសរើសវីដេអូមួយនេះជាវីដេអូជ័យលាភី ដោយផ្ដល់ពន្ទុខ្ពស់ជាងគេទាំងសាច់រឿង និងគុណភាពវីដេអូ។
លោក Y.B Cheah នាយកគ្រប់គ្រងទូទៅរបស់ KFC ខេមបូឌា បានមានប្រសាសន៍ថា «វីដេអូរបស់ ហ៊ត់ ថុនា ជាស្នាដៃដែលល្អជាងគេក្នុងចំណោមស្នាដៃដែលបង្ហាញអំពីមរតកដើមរបស់កម្ពុជា និងជានិមិត្តរូបដ៏មានតម្លៃតំណាងឲ្យជំនឿចិត្តរបស់ KFC ដែលតែងតែបង្ហាញពីភាពពិត និងលើកទឹកចិត្ត ក៏ដូចជាលើកតម្លៃមនុស្សយើងម្នាក់ៗ ព្រមទាំងទទួលស្គាល់អំពីជំនាញផ្សេងៗគ្នារបស់មនុស្សយើងម្នាក់ៗថែមទៀតផង។ ខ្ញុំសូមថ្លែងអំណរគុណដល់អ្នកទាំងអស់គ្នាដែលបានខិតខំប្រឹងប្រែងចែករំលែកភាពច្នៃប្រឌិត និងពេលវេលា ដើម្បីធ្វើឲ្យគំនិតរបស់ខ្លួនលេចជារូបរាងឡើង។ សរុបជារួមស្នាដៃទាំងអស់សុទ្ធតែមានខ្លឹមសារអប់រំល្អ ដើម្បីបង្ហាញពីការអភិរក្សវប្បធម៌ខ្មែរ ហើយយើងពិតជាមានសេចក្ដីសោមនស្សរីករាយជាខ្លាំងដែលបានរំលេចបង្ហាញពីស្មារតីអត្តសញ្ញាណជាតិនេះឡើងសម្រាប់យុវជនយើង»។
ម្ចាស់ជ័យលាភី ត្រូវបានប្រកាសក្នុងអំឡុងព្រឹត្តិការណ៍ ប្រកាសលទ្ធផល និងបិទយុទ្ធនាការ #KFCAlwaysOriginal នៅថ្ងៃទី២៣ ខែតុលា ឆ្នាំ២០១៦ នៅ Lively Plaza ផ្សារទំនើបអីុអន ដោយមានអ្នកចូលរួមទស្សនាប្រមាណ 20.000 នាក់។
បញ្ជីឈ្មោះម្ចាស់ជ័យលាភី
កម្មវិធីប្រកាសលទ្ធផល និងបិទយុទ្ធនាការ #KFCAlwaysOriginal មានការចូលរួមសំដែងពីតារាចម្រៀង ក្មេងខ្មែរ អ្នកនាងរុន ស៊ីរ៉ា លោកដួង សុខ គា និង កញ្ញា សារីតា ដែលជាពិធីករ និងពិធីការិនី។ ក្នុងព្រឹត្តិការណ៍នេះ ក៏មានកម្មវិធីកម្សាន្តជាច្រើនទៀតដូចជា ហ្គេមបង្វិលកងយករង្វាន់ និងការចាប់ឆ្នោតយកកាដូពិសេស «ពិសាអាហារ KFC មួយឆ្នាំដោយឥតគិតថ្លៃ» ចំនួន៥រង្វាន់។
ជាយុទ្ធនាការមួយធ្វើឡើងដើម្បីលើកម្ពស់មុខម្ហូបដ៏ល្បីរបស់ KFC ជាមុខម្ហូបរសជាតិដើម ដែលមានគុណតម្លៃស្របទៅនឹងវប្បធម៌ខ្មែរ៕
ចែករំលែកព័តមាននេះ