បណ្ឌិតសភាសម្រាប់ពេទ្យគាំពារកុមារអាមេរិក(AAP) បានចេញគោលនយោបាយគ្មានអេក្រង់ក្រោមអាយុ២ឆ្នាំ (no screens under 2) និងបានផ្លាស់ប្តូរនិយមន័យនៃពាក្យថា ពេលវេលាមានអេក្រង់ (screen time) ដែលសំដៅលើពេលវេលារបស់ក្មេងដែលចំណាយលើការមើលទូរសទ្សន៍ លេងហ្គេមជាដើម ។ លើសពីនេះទៀត AAP ក៏បានបង្ហាញពីព័តិមានវិជ្ជមានដែលក្មេងអាចមើលបាន ។
AAP អាមេរិកបានដោះស្រាយភាពមន្ទិលសង្ស័យដល់ឪពុកម្តាយមួយចំនួនដែលបានបណ្តោយឲ្យកូនរបស់ខ្លួនមើលទូរទស្សន៍ ឬលេងវីដេអូហ្គេម ឬលេងទូរស័ព្ទរបស់ពួកគេ។
អង្គភាពដ៏លេចធ្លោមួយនេះបានចេញសេចក្តីប្រកាសព័ត៌មានកាលពីថ្ងៃសុក្រ ពីការណែនាំថ្មីសម្រាប់ក្មេងក្រោមអាយុ២ឆ្នាំ ដោយបោះចោលអនុសាសន៍ចាស់របស់ខ្លួនថា ក្មេងក្រោមអាយុ២ឆ្នាំដាច់ខាតមិនឲ្យមើលអេក្រង់អ្វីទាំងអស់ ។
យោងតាមសេក្តីណែនាំថ្មីថាក្មេងនៅអាយុ១៨ខែតែង OK សម្រាប់ឪពុកម្តាយក្នុងការបញ្ចូលកម្មវិធីផ្សព្វផ្សាយដែលមានគុណភាពខ្ពស់ដល់ក្មេង ។ ការណែនាំថ្មីនោះអាចបញ្ចប់ការ សង្ស័យរបស់ឪពុក ម្តាយដែលយល់ថា ត្រូវកំណត់ការប្រើប្រាស់ប្រព័ន្ធបច្ចេកវិទ្យាសម្រាប់ក្មេង ហើយក្មេងដែលមានវ័យ១៨ខែ ត្រូវកំណត់ការប្រើប្រាស់កម្មវិធីសន្ទនាតាមវីដេអូ។
AAP បានបន្តទៀតថា screen time ត្រូវកំណត់ម៉ោងពេលសម្រាប់ក្មេងពីអាយុ២ទៅ៥ឆ្នាំ ហើយឪពុកម្តាយគួរតែមើលកម្មវិធីផ្សព្វផ្សាយនានាជាមួយកូន ដើម្បីជួយពន្យល់អ្វីគ្រប់យ៉ាង ដែលវាបានមើលឃើញ សម្រាប់ជាទុនក្នុងការអនុវត្តនៅក្នុងពិភពលោកជាក់ស្តែង ។
AAP បានស្នើរឲ្យគ្រួសារទាំងអស់បង្កើតផែនការក្នុងការមើលទូរទស្សន៍ ឬការផ្សព្វផ្សាយនានា ដើម្បីអាចឲ្យយើងដឹងច្បាស់ថា អ្វីត្រូវមើល និងអ្វីត្រូវប្រើប្រាស់ ហើយអាចឲ្យយើងបែងចែកពេលវាច្បាស់ថា ពេលណាយើងនៅមុខទូរទស្សន៍ ឬគ្រឿងអេឡិចត្រូនិក និងពេលណាយើងធ្វើអ្វីផ្សេង ។
លោក Jenny Radesky អ្នកដឹកនាំការនិពន្ធគំរោងនេះនិយាយថា អ្វីដែលសំខាន់បំផុតនោះគឺ ឪពុកម្តាយគឺជាអ្នកឃ្លាំមើលកូនរបស់ខ្លួន មានន័យថា បង្រៀនកូនឲ្យចេះប្រើប្រាស់ឧបករណ៍នានាដើម្បីបង្កើតភ្ជាប់ និងរៀន ៕
ចែករំលែកព័តមាននេះ