«Mirror» កាលពីពេល ថ្មីៗកន្លងមកផ្សាយថា យុវជនអាយុ១៦ឆ្នាំ ម្នាក់បាត់ពីផ្ទះដោយអ្នកជិតខាងមិនដឹងថា តើបាត់ទៅណាទេ ខណៈឪពុកម្តាយចិញ្ចឹមមិនខ្វល់ខ្វាយសោះ ។ ការណ៍ពិតរូបគេត្រូវឪពុកម្តាយចិញ្ចឹម
«Mirror» កាលពីពេល ថ្មីៗកន្លងមកផ្សាយថា យុវជនអាយុ១៦ឆ្នាំ ម្នាក់បាត់ពីផ្ទះដោយអ្នកជិតខាងមិនដឹងថា តើបាត់ទៅណាទេ ខណៈឪពុកម្តាយចិញ្ចឹមមិនខ្វល់ខ្វាយសោះ។ ការណ៍ពិតរូបគេត្រូវឪពុកម្តាយចិញ្ចឹមចាប់ឃុំក្នុងបន្ទប់ក្រោមដី អស់រយៈពេលប្រហែល២០ឆ្នាំ ដោយបច្ចុប្បន្នមានអាយុ៣៦ឆ្នាំហើយ ។
អាជ្ញាធរបានប្រទះឃើញបុរសរូបនោះ ត្រូវចងជាប់នឹងគ្រែក្នុងបន្ទប់ក្រោមដីរបស់ផ្ទះមួយខ្នងនៅខណ្ឌ «Guarulhos» ក្រុងសៅប៉ាវឡូ ប្រទេសប្រេស៊ីល ។ រូបរាងកាយគេស្ថិតក្នុងសភាពស្គមស្គាំង មានពុកមាត់ និងមិនអាចនិយាយបានទេ ។ តាមការស៊ើបអង្កេតលើកដំបូងឃើញថា រូបគេបាត់ពីផ្ទះកាលពី២០ឆ្នាំមុន និងក្នុងរយៈពេលកន្លងមករូបគេត្រូវចាប់ឃុំឃាំងក្នុងបន្ទប់ក្រោមដី ដោយមិនបានឃើញពន្លឺថ្ងៃ ឃើញតែបរិស្ថានជុំវិញខ្លួនប៉ុណ្ណោះ ។
បុរសរងគ្រោះរូបនោះឈ្មោះ Armando De Andrade អាយុ៣៦ឆ្នាំ ។ តាមចំលើយអ្នកជិតខាងថា គេបាត់ខ្លួនពីផ្ទះអស់រយៈពេលយូរមកហើយ ដោយកាលណោះគេមានអាយុ១៦ឆ្នាំ ។ ជាធម្មតាគេជាមនុស្សចូលចិត្តលេងហ្គីតា ប៉ុន្តែស្រាប់តែបាត់ខ្លួនដោយមិនដឹងមូលហេតុ។ ក្រុមគ្រួសាររបស់ Armando បានឆ្លើយនឹងសំនួររបស់បណ្តាអ្នកសង្ស័យថា គេបានផ្លាស់ទៅរស់នៅកន្លែងផ្សេង ។
អធិការប៉ូលិស ដែលប្រចាំការនៅតំបន់នោះនិយាយថា «នៅពេលប៉ូលិសប្រទះឃើញ គឺគេមិននិយាយអ្វីទេ ខណៈមិនដឹងថា ក្រុមមនុស្សដែលទៅជួបគេនោះជាប៉ូលិសដែរ។ រូបគេត្រូវប៉ូលិសបញ្ជូនទៅសង្គ្រោះបន្ទាន់នៅឯមន្ទីរពេទ្យ»។
បច្ចុប្បន្នប៉ូលិសកំពុងស៊ើបអង្កេតឪពុកម្តាយចិញ្ចឹមរបស់បុរសរងគ្រោះ ដើម្បីបានដឹងពីការណ៍ពិត ប៉ុន្តែនៅមិនទាន់ចាប់ខ្លួនទេ ព្រោះពួកគេបានគេចពីផ្ទះដោយសារខ្លាចអ្នកជិតខាងខឹង ហើយវាយធ្វើបាប ។ ចំពោះ Armando បច្ចុប្បន្នកំពុងស្ថិតក្រោមការថែទាំរបស់ក្រុមគ្រូពេទ្យចិត្តសាស្ត្រនៅក្នុងមន្ទីរពេទ្យ ហើយគេមិនអាចនិយាយអ្វីបានទេ៕
ចែករំលែកព័តមាននេះ