ដីព្រៃកប់ស.ពទំហំប្រមាណជិត២ហិកតា នៅទល់មុខការដ្ឋានវា.យថ្មចាស់ ក្នុងភូមិឡៅការ និងភូមិដោះក្រមុំ សង្កាត់សុខដុម ក្រុងសែនមនោរម្យ ត្រូវបានជនជាតិដើមភាគតិចព្នង ប្រមូលផ្តុំគ្នា
ខេត្តមណ្ឌលគិរី ៖ ដីព្រៃកប់ស.ពទំហំប្រមាណជិត២ហិកតា នៅទល់មុខការដ្ឋានវា.យថ្មចាស់ ក្នុងភូមិឡៅការ និងភូមិដោះក្រមុំ សង្កាត់សុខដុម ក្រុងសែនមនោរម្យ ត្រូវបានជនជាតិដើមភាគតិចព្នង ប្រមូលផ្តុំគ្នាកាលពីរសៀលថ្ងៃទី១៦ ខែឧសភា ឆ្នាំ២០២២ ដើម្បីតវ៉ារក្សាទុក ក្រោយពេលមានឧកញ៉ាម្នាក់នៅរាជធានីភ្នំពេញ ឃុបឃិបគ្នាទិញលក់ដីចំណុចនោះជាកម្មសិទ្ធិផ្ទាល់ខ្លួន ។
បើតាមបងប្អូនជនជាតិដើមភាគតិច ដែលមានផ្នូរស.ពសាច់ញាតិនៅកន្លែងទីតាំងដីនោះ បាននិយាយថា ដីនេះ ពួកគាត់បានប្រើប្រាស់សម្រាប់កប់ស.ពជាច្រើនជំនាន់មកហើយ ស្រាប់តែថ្មីៗនេះ បែរជាមានមនុស្សប្លែកមុខមកអះអាងថា ដីនោះជារបស់ខ្លួន និងមានបោះបង្គោលព័ទ្ធដីនោះថែមទៀត។
តំណាងអ្នកភូមិបានបន្តថា នៅពេលដែលអ្នកភូមិបានទៅហាមឃាត់ កុំឲ្យមានការយកដីព្រៃកប់ខ្មោចរបស់អ្នកភូមិ ជាកម្មសិទ្ធិ ក៏មានបុរសម្នាក់បង្ហាញពីឯកសារកាន់កា.ប់ និងលក់ដូរដីនោះ ដោយអះអាងថា មានប្លង់ត្រឹមត្រូវ។ ប៉ុន្តែក្រដាសប្លង់នោះ បានបង្កឲ្យអ្នកភូមិមានការងឿងឆ្ងល់ ដោយមានត្រាទទួលស្គាល់ពីភូមិ-សង្កាត់ ប៉ុន្តែបែរជាគ្មានឈ្មោះ ឬស្នាមមេដៃអ្នកទទួលសិទ្ធិទៅវិញ ប្រៀបដូចជាពាក្យចាស់ថា «កូនកើតមុនឪពរតាដើរលេង អ៊ីចឹង»។
យោងតាមលិខិតដែលកោះសន្តិភាពទទួលបានពីប្រជាពលរដ្ឋបានឲ្យដឹងថា ឈ្មោះ អន ប៊ុនធូ ភេទប្រុស អាយុ៣៥ឆ្នាំ មានទីលំនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ បានព្រមព្រៀងឯកភាពប្រគល់សិទ្ធិកាន់កា.ប់ដីចំការមួយកន្លែង ដែលមិនទាន់មានប័ណ្ណសម្គាល់សិទ្ធិកាន់កា.ប់អចលនវត្ថុនៅឡើយ ស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី មានផ្ទៃក្រឡាប្រមាណជា ១៦ ០០០ម៉ែត្រការ៉េ ទៅឲ្យឈ្មោះ ឆែ ភាព ភេទប្រុស អាយុ៤២ឆ្នាំ ដែលមានចុះកាលបរិច្ឆេទថ្ងៃទី០១ ខែធ្នូ ឆ្នាំ២០០៤។ ក្រោយមកឈ្មោះ ឆែ ភាព បានបន្តលក់ដីមួយកន្លែងនេះទៅឈ្មោះ អ៊ុត ធី ភេទប្រុស អាយុ៤៨ឆ្នាំ ដោយមានការចុះថ្ងៃបរិច្ឆេទថ្ងៃទី១៤ ខែកញ្ញា ឆ្នាំ២០០៦។
បងប្អូនជនជាតិដើមដែលមានលំនៅដ្ឋាន និងអាស្រ័យដីព្រៃខាងលើ ទុកសម្រាប់កប់ស.ពសាច់ញាតិ បានសំណូមពរដល់អភិបាលខេត្តមណ្ឌលគិរី ជួយរកដំណោះស្រាយសមស្របសម្រាប់ពួកគាត់។ ហើយអ្នកភូមិក៏បានស្នើដល់អាជ្ញាធរមូលដ្ឋានមុនចុះហត្ថលេខា ឬទទួលស្គាល់ដីកន្លែងណាមួយ ឲ្យនរណាម្នាក់ សូមចុះពិនិត្យឲ្យបានច្បាស់លាស់ ចៀងវាងការប៉ះពាល់ផលប្រយោជន៍រួម ជាពិសេសបង្កទៅជាទំនាស់រ៉ាំរ៉ៃដោះស្រាយមិនចប់។
ជុំវិញករណីខាងលើនេះ អ្នកសារព័ត៌មានមិនអាចសុំការបំភ្លឺពីអាជ្ញាធរមូលដ្ឋានបានទេ នារសៀលថ្ងៃទី១៧ ខែឧសភា ឆ្នាំ២០២២ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ