ទណ្ឌិត សោម ឯក ត្រូវបានបញ្ជូនទៅពន្ធនាគារព្រៃសវិញហើយ !
រាជធានីភ្នំពេញ ៖ ទណ្ឌិតឈ្មោះ សោម ឯក ដែលបានគេចខ្លួនកាលពីថ្ងៃទី៨ ខែតុលា កន្លងមកនេះ ទីបំផុតក្នុងរយៈពេល១៨ថ្ងៃក្រោយការរត់គេចខ្លួន សោម ឯក
រាជធានីភ្នំពេញ ៖ ទណ្ឌិតឈ្មោះ សោម ឯក ដែលបានគេចខ្លួនកាលពីថ្ងៃទី៨ ខែតុលា កន្លងមកនេះ ទីបំផុតក្នុងរយៈពេល១៨ថ្ងៃក្រោយការរត់គេចខ្លួន សោម ឯក
រាជធានីភ្នំពេញ ៖ ទណ្ឌិតឈ្មោះ សោម ឯក ដែលបានគេចខ្លួនកាលពីថ្ងៃទី៨ ខែតុលា កន្លងមកនេះ ទីបំផុតក្នុងរយៈពេល១៨ថ្ងៃក្រោយការរត់គេចខ្លួន សោម ឯក ត្រូវបានចាប់ខ្លួនបាននៅលើកំពូលភ្នំគូលែន នៅវេលាម៉ោងជាង១១ព្រឹក ថ្ងៃទី២៦ ខែតុលា ហើយបញ្ចូនមកនាយកដ្ឋានប្រឆាំងភាវរ:កម្មក្រសួងមហាផ្ទៃ ដើម្បីសួរចម្លើយ។ ក្រោយសាកសួរចម្លើយពីទណ្ឌិត សោម ឯក កម្លាំងសមត្ថកិច្ចបានបញ្ជូនទៅឃុំខ្លួននៅពន្ធនាគារព្រៃសវិញហើយ នៅព្រឹកថ្ងៃទី២៧ ខែតុលានេះ។
តាមប្រភពព័ត៌មានខ្លះៗពីមន្ត្រីជិតដិតនឹងបេសកកម្មតាមប្រមាញ់ សោម ឯក បានឱ្យដឹងថា ក្រោយពីរត់គេចខ្លួនចេញពីមន្ទីរពេទ្យមិត្តភាពខ្មែរ-សូវៀត ហៅមន្ទីរពេទ្យរុស្ស៊ី សោម ឯក បានធ្វើដំណើរទៅកាន់ខេត្តសៀមរាប និងស្នាក់នៅផ្ទះមិត្តភក្តិក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប រហូតដល់ថ្ងៃចាប់ខ្លួន។ មុនការចាប់ខ្លួន តាមប្រភពបានទម្លាយឱ្យដឹងថា ទណ្ឌិត សោម ឯក បានជួលម៉ូតូឌុបជិះទៅលេងភ្នំគូលែនក្នុងតម្លៃ១៥ដុល្លារ ។ នៅវេលាម៉ោងប្រមាណជាង១០ព្រឹកថ្ងៃទី២៦ ខែតុលា សោម ឯក ត្រូវបានចាប់ខ្លួននៅកន្លែងទឹកធ្លាក់លើខ្នងភ្នំគូលែន ក្នុងភូមិព្រះអង្គធំ ឃុំខ្នងភ្នំ ស្រុកស្វាយលើ ខេត្តសៀមរាប។
ក្រោយការចាប់ខ្លួន សោម ឯក ត្រូវបាននាំភ្លាមៗមកកាន់ក្រសួងមហាផ្ទៃ ដែលការនាំខ្លួននោះធ្វើឡើងដោយនករបាលនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែនក្រសួងមហាផ្ទៃ។ ជាការកត់សម្គាល់នាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ កាលពីល្ងាចថ្ងៃទី១០ ខែតុលា បានចេញបទបញ្ជាដោយបង្គាប់ឱ្យសមត្ថកិច្ចនៅច្រកអន្តរជាតិទាំងអស់នៃកម្ពុជា ទាំងផ្លូវគោក ផ្លូវទឹក និងផ្លូវអាកាសធ្វើការឃាត់ខ្លួនទណ្ឌិត សោម ឯក បើសិនជាប្រទះឃើញទណ្ឌិតដែលទើបរត់ចេញពីពន្ធនាគាររូបនេះប្រុងឆ្លងដែននៅកន្លែងណាមួយ ដោយមិននឹកស្មានថាទណ្ឌិតរូបនេះបែរជាលាក់ខ្លួនធ្វើព្រងើយក្នុងក្រុងសៀមរាបទៅវិញ ។
លោកឧត្តមសេនីយ៍ ចាន់ គឹមសេង អគ្គនាយកនៃអគ្គនាយកដ្ឋានពន្ធនាគារបានបញ្ជាក់ថា ទណ្ឌិត សោម ឯក ត្រូវបានដឹកពីពន្ធនាគារប៉េហ្ស៊ី(PJ)នៅវេលាម៉ោងប្រមាណ៧យប់ ថ្ងៃទី៦ តុលា មកសង្គ្រោះនៅមន្ទីរពេទ្យរុស្ស៊ី បន្ទាប់ពីរូបគេបានដួលនៅក្នុងបន្ទប់ទឹក លុះដល់វេលាម៉ោង១១យប់ ថ្ងៃទី៨ តុលា ក៏បានរត់គេចខ្លួនបាត់តែម្តង។ គួរបញ្ជាក់ថាទណ្ឌិត សោម ឯក ហៅ ជា គឹមហ៊ួន ជាអតីតទាហានចូលបម្រើការនៅក្រសួងការពារជាតិតាំងពីឆ្នាំ១៩៧៩រហូតដល់ឆ្នាំ២០០៣។
សោម ឯក ត្រូវបានតុលាការកាត់ទោសឱ្យជាប់ពន្ធនាគារសរុប៤៦ឆ្នាំ ក្នុងនោះករណីទី១ពីបទបង្កើតចលនាកងទ័ពក្បាលខ្លាខុសច្បាប់ ដែលត្រូវតុលាការផ្តន្ទាទោសដាក់ពន្ធនាគារចំនួន១៨ឆ្នាំ និងមួយករណីទៀតពីបទបំផ្ទុះគ្រាប់ធ្វើភេរវកម្មនៅមុខក្រសួងការពារជាតិកាលពីថ្ងៃទី៧ ខែមករា ឆ្នាំ២០០៩ ដោយតុលាការផ្តន្ទាទោសឱ្យជាប់ពន្ធនាគារចំនួន២៨ឆ្នាំ៕
ចែករំលែកព័តមាននេះ