ពលរដ្ឋនាំគ្នានេសាទត្រីតាមដងស្ទឹងសិរីសោភ័ណ ក្រោយជំនន់ទឹកភ្លៀងលិចស្រូវ៣ឃុំ
- បន្ទាយមានជ័យ
ប្រជាពលរដ្ឋបាននាំគ្នានេសាទត្រីតាមដងស្ទឹងសិរីសោភ័ណ នៅពេលដែលជំនន់ទឹកភ្លៀងបានជន់លិចស្រូវស្រុកមង្គលបូរី ហើយត្រូវបាន
ប្រជាពលរដ្ឋបាននាំគ្នានេសាទត្រីតាមដងស្ទឹងសិរីសោភ័ណ នៅពេលដែលជំនន់ទឹកភ្លៀងបានជន់លិចស្រូវស្រុកមង្គលបូរី ហើយត្រូវបាន
ខេត្តបន្ទាយមានជ័យ ៖ ប្រជាពលរដ្ឋបាននាំគ្នានេសាទត្រីតាមដងស្ទឹងសិរីសោភ័ណ នៅពេលដែលជំនន់ទឹកភ្លៀងបានជន់លិចស្រូវស្រុកមង្គលបូរី ហើយត្រូវបានអាជ្ញាធរបើករំដោះទឹកចូលស្ទឹងសិរីសោភ័ណ ដែលសកម្មភាពនេសាទត្រីជាច្រើននាក់នេះគឺកើតឡើងនៅថ្ងៃទី១៦ ខែឧសភា ឆ្នាំ២០២២ ស្ថិតក្នុងភូមិគៀប សង្កាត់ទឹកថ្លា ក្រុងសិរីសោភ័ណ។
បើតាមប្រជាពលរដ្ឋនេសាទត្រីបានប្រាប់ឱ្យដឹងថា ការដែលនេសាទត្រី ដោយបង់សំណាញ់ប្រយ៉ុង ជាប្រភេទក្រញឹក២ទៅ៣ហ៊ុននេះ គឺបង់បានមានរយៈពេល២ទៅ៣ថ្ងៃមកហើយ ដែលបង់ត្រីបានភាគច្រើនជាប្រភេទត្រីស និងត្រីរៀល ហើយក្នុង១ថ្ងៃគឺអាចបាន៤គីឡូទៅ៥គីឡូក្រាម គ្រាន់សម្រាប់ធ្វើម្ហូបអាហារ។
ប្រជាពលរដ្ឋបានបញ្ជាក់ថា នៅពេលបង់សំណាញ់បានត្រីនេះ គឺពេលមានជំនន់ទឹកភ្លៀងបានជន់លិចស្រូវប្រជាកសិករចំនួន៣ឃុំ ដែលនៅជាប់ដងស្ទឹងមង្គលបូរី ហើយត្រូវអាជ្ញាធរខេត្ត និងមន្ទីរជំនាញបានបើកទឹករំដោះចេញពីដងស្ទឹងមង្គលបូរីផ្នែកខាងលើ រួចបើករំដោះទម្លាក់ទឹកចូលដងស្ទឹងសិរីសោភ័ណ និងធា្លក់ចូលអូរ ដែលត្រូវបានស្តារប្រវែង២៧គីឡូម៉ែត្រ ពីឃុំរហាត់ទឹក រហូតដល់ឃុំសំបួរ ស្រុកមង្គលបូរីវិញ។
ប្រជាពលរដ្ឋបញ្ជាក់ថា ក្រោយពេលបើករំដោះទឹកទម្លាក់ចូលដងស្ទឹងសិរីសោភ័ណ ចំណុចស្ទឹងវាលឥទ្រីនោះ ពេលត្រីឡើងភ្លាម ក៏ឃើញមានប្រជាពលរដ្ឋបាននាំគ្នានេសាទប្រភេទសំណាញ់ប្រយ៉ុង ក្រឡា២ទៅ៣ហ៊ុន ដើម្បីបង់ស្រាវ និងដួស ឬបោយត្រី និងសន្ទូចត្រី នៅក្បែរ និងក្រោមស្ពានឆ្លងស្ទឹងសិរីសោភ័ណ រកត្រី ដោយម្នាក់ៗរកត្រីបានចំនួន៤ទៅ៥គីឡូក្រាម ដែលភាគច្រើនជាប្រភេទត្រីស និងត្រីរៀល៕
ចែករំលែកព័តមាននេះ