រាជធានីភ្នំពេញ៖ ដោយឃើញទុក្ខលំបាករបស់ប្រជាពលរដ្ឋក្នុងការធ្វើដំណើរតាមផ្លូវលេខ ៦១៨ ស្ថិតក្នុងភូមិលេខ១៨ សង្កាត់បឹងកក់២ ខណ្ឌទួលគោក ក្រុមហ៊ុនយូខេ ខុនដូរ បានធ្វើការជួសជូលដោយចំណាយថវិកាផ្ទាល់ខ្លួនប្រមាណ៨ពាន់ដុល្លារអាមេរិក ។
រាជធានីភ្នំពេញ៖ ដោយឃើញទុក្ខលំបាករបស់ប្រជាពលរដ្ឋក្នុងការធ្វើដំណើរតាមផ្លូវលេខ ៦១៨ ស្ថិតក្នុងភូមិលេខ១៨ សង្កាត់បឹងកក់២ ខណ្ឌទួលគោក ក្រុមហ៊ុនយូខេ ខុនដូរ បានធ្វើការជួសជូលដោយចំណាយថវិកាផ្ទាល់ខ្លួនប្រមាណ៨ពាន់ដុល្លារអាមេរិក ។
នាយកក្រុមហ៊ុនយូខេខុនដូរ លោកឌី រ៉ាដា បានឲ្យដឹងនាព្រឹកថ្ងៃទី២៧ តុលា ២០១៦ថា ផ្លូវដែលក្រុមហ៊ុនលោកជួសជុលនោះ ស្ថិតនៅក្នុងគម្រោងអភិវឌ្ឍន៍របស់រាជធានីភ្នំពេញ ប៉ុន្តែដោយឃើញការលំបាកធ្វើដំណើរនោះ ក្រុមហ៊ុនបានធ្វើការជួសជុលផ្លូវនេះឡើងវិញ ។ លោកនាយក្រុមហ៊ុនឲ្យដឹងថា ផ្លូវដែលជួសជុលមានប្រហែលជាង២០០ម៉ែត្រ និងទទឹង៨ម៉ែត្រ ។
លោកបញ្ជាក់ថា« យើងជួសជុលផ្លូវដោយកាយយកដីអាក្រក់ចេញ ហើយដាក់ថ្មបង្ហាប់ រួចកិនបង្ហាប់ដើម្បីងាយស្រួលធ្វើដំណើរ របស់បងប្អូនតាមផ្លូវនេះ »។ ជាមួយគ្នានោះដែរ នាយកក្រុមហ៊ុនបានឲ្យដឹងថា ក្រុមហ៊ុននឹងបន្តចូលរួមសកម្មភាពសង្គមបន្ថែមទៀត ពិសេសការជួសជុលផ្លូវតាមលទ្ធភាពដែលក្រុមហ៊ុនមាន ។
លោកប៉ែន ស្រឿង មេភូមិ១៨ សង្កាត់បឹងកក់២ ខណ្ឌទួលគោកបានឲ្យដឹងថា ផ្លូវខ្សែដែលក្រុមហ៊ុនកំពុងជួសជុលនេះបានខូចអស់រយៈពេលមួយឆ្នាំមកហើយ និងពិបាកធ្វើដំណើរណាស់ ពិសេសនោះប្រជាពលរដ្ឋបានរអ៊ូរទំាដាក់លោកយ៉ាងខ្លាំង។ លោកថា«ផ្លូវ៦១៨ មានទឹកដក់ និង ភក់ខ្លំាងណាស់ បងប្អូនប្រជាជនយើងរអ៊ូមិនឈប់ទេ ឃើញមេភូមិស្អប់ដល់មេភូមិទៀត ប៉ុន្តែឥឡូវនេះបងប្អូនយើងអរណាស់នៅពេលក្រុមហ៊ុនធ្វើ »។
ប្រជាពលរដ្ឋម្នាក់ដែលរស់នៅតាមបណ្តោយផ្លូវដែលកំពុងជួសជុលបានឲ្យឲ្យដឹងថា លោកមានចិត្តសប្បាយរីករាយណាស់ដែលក្រុមហ៊ុនបានជួយជួសជុលផ្លូវមួយខ្សែនេះ លោកថាផ្លូវធ្វើទៅ ប្រជាពលរដ្ឋនៅក្នុងភូមិនិងមកពីទីជិតឆ្ងាយធ្វើដំណើរឆ្លងកាត់នឹងមានភាពងាយស្រួល ។
គួរបញ្ជាក់ថាក្រុមហ៊ុន UK condo បានចូលរួមសកម្មភាពសង្គមជាច្រើននាពេលកន្លងមក ដូចជា ការចែកអង្ករដល់ប្រជាពលរដ្ឋក្រក្រី ការលក់អង្កតម្លៃថោក ចែកបាយដល់អ្នកជំងឺនៅបន្ទីពេទ្យគន្ធបុប្ផារ និងផ្តល់សំភារ ថវិកាមួយចំនួនទៀត ៕
ចែករំលែកព័តមាននេះ