នារីវ័យក្មេង២នាក់ចេញពីម្តុំវត្តស្ទឹងមានជ័យ ត្រូវគេធាក់ផ្តួលធ្វើសកម្មភាពផ្អើល
- ភ្នំពេញ
នារីវ័យក្មេង២នាក់ ជិះម៉ូតូចេញពីម្តុំវត្តស្ទឹងមានជ័យ ជូនមិត្តភក្តិទៅកន្លែងធ្វើការនៅខណ្ឌទួលគោក បានត្រូវ
នារីវ័យក្មេង២នាក់ ជិះម៉ូតូចេញពីម្តុំវត្តស្ទឹងមានជ័យ ជូនមិត្តភក្តិទៅកន្លែងធ្វើការនៅខណ្ឌទួលគោក បានត្រូវ
រាជធានីភ្នំពេញ ៖ នារីវ័យក្មេង២នាក់ ជិះម៉ូតូចេញពីម្តុំវត្តស្ទឹងមានជ័យ ជូនមិត្តភក្តិទៅកន្លែងធ្វើការនៅខណ្ឌទួលគោក បានត្រូវជនសង្ស័យមួយក្រុមឆក់យកទូរស័ព្ទដែលទុកនៅឃ្លុបម៉ូតូ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៨និង៥០នាទីយប់ ថ្ងៃទី១៥ ខែឧសភា ឆ្នាំ២០២២កន្លង
ទៅ នៅចំណុចមុខវិទ្យាល័យ ជា ស៊ីម សាមគ្គី ផ្លូវលេខ២៧១ ស្ថិតក្នុងសង្កាត់បឹងសាឡាង ខណ្ឌទួល
គោក ។
នារីរងគ្រោះដែលសុំមិនបញ្ចេញឈ្មោះបានប្រាប់ថា ទូរស័ព្ទដែលត្រូវចោរឆក់យកទៅនោះ ម៉ាកអាយហ្វូន ប្រូម៉េក ។ មុនពេលកើតហេតុ ពួកនាងទាំង២នាក់ បានជិះម៉ូតូហុងដាឃ្លីក ពណ៌ស ចេញពីម្តុំវត្តស្ទឹងមានជ័យ ជូនមិត្តភក្តិទៅកន្លែងធ្វើការនៅម្តុំស្ពានអាកាស៧មករា ខណ្ឌទួលគោក ។ ពេលធ្វើដំណើរតាមផ្លូវលេខ២៧១ ពីខាងត្បូងទៅខាងជើងដល់ចំណុចខាងលើ ស្រាប់តែមានជន២នាក់ជិះម៉ូតូស្គូពី ពណ៌ស មិនចាំផ្លាកលេខ បានធាក់ផ្តួលម៉ូតូពួកនាង ហើយឆក់យកទូរស័ព្ទដែលនាងទុកនៅក្នុងឃ្លុបម៉ូតូខាងមុខ រួចបន្ថែមល្បឿនម៉ូតូរត់គេខ្លួនបាត់ស្រមោលអស់ទៅ ។
ក្រោយពេលកើតហេតុ ពួកនាងត្រូវបានបងប្អូនប្រជាពលរដ្ឋ ជួយជូនទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបឹងសាឡាង ដើម្បីឲ្យសមត្ថកិច្ចជួយស្រាវជ្រាវរកជនសង្ស័យនាំយកមកចាត់ការតាមច្បាប់ និងយកទូរសព្ទ័របស់នាងមកវិញផងដែរ ៕
ចែករំលែកព័តមាននេះ