ខេត្តព្រៃវែង ៖ បុរសម្នាក់ស្លាប់ដោយសារចេញទៅឆក់ត្រីពេលយប់ មិនប្រយ័ត្នបែរជាឆក់ខ្លួនឯងទៅវិញ លុះព្រឹកឡើងទើប បង្កការភ្ញាក់ផ្អើល បន្ទាប់ពីត្រូវគេប្រទះឃើញសាកសព នៅវេលាម៉ោងប្រហែល០៥ព្រឹកថ្ងៃទី២៦ តុលា ស្ថិតនៅចំណុចទួលពកអង្កោល ក្នុងភូមិពន្លៃឃុំព្រៃកណ្តៀង ស្រុកពាមរក៍ ខេត្តព្រៃវែង ។
ប្រភពពីក្រុមគ្រួសារឱ្យដឹងថា នៅមុនពេលកើតហេតុ យប់ថ្ងៃទី១៥ តុលា ជនរងគ្រោះឈ្មោះរស់ សាបាន រស់នៅភូមិ-ឃុំខាងលើ បានចេញទៅឆក់ត្រីដោយប្រើម៉ូទ័រចាប់អាគុយឆក់ នៅវេលាម៉ោងប្រហែលជា៨យប់ដូចធម្មតា ។ ដោយចេះតែចាំបាត់ៗ ក្រុមគ្រួសារនាំគ្នាដើររក ។ ក្រោយមកនៅវេលាម៉ោង០៥ព្រឹកថ្ងៃទី២៦ តុលា ឆ្នាំ២០១៦ ក៏ប្រទះដេកស្លាប់តែម្តង ។
ចែករំលែកព័តមាននេះ