ព្រោះតែរឿងសុំទៅស្រុកដើម្បីលេងកូន បុរសជាប្តីទាញកាំបិ.តកា.ប់ផ្អើល
- បន្ទាយមានជ័យ
ជម្លោះក្នុងគ្រួសារមួយបានកើតឡើង និងបង្កការភ្ញាក់ផ្អើលដល់អ្នកភូមិ កាលពី
ខេត្តបន្ទាយមានជ័យ ៖ ជម្លោះក្នុងគ្រួសារមួយបានកើតឡើង និងបង្កការភ្ញាក់ផ្អើលដល់អ្នកភូមិ កាលពីវេលាម៉ោងប្រមាណ៧យប់ ថ្ងៃទី១៥ ខែឧសភា ឆ្នាំ២០២២កន្លងទៅ ដោយបុរសម្នាក់យកកាំបិតខ្វែវកា.ប់ប្រពន្ធ បណ្តាលឲ្យរងរបួសធ្ងន់ ។ ហេតុការណ៍នេះ បានកើតឡើងនៅភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ។
ហើយជនរងគ្រោះខាងលើមានឈ្មោះ ព្រំ ផល្លី ភេទស្រី អាយុ៥៦ឆ្នាំ ត្រូវបុរសជាប្តីឈ្មោះ វែង ខៀវ អាយុ៥៣ឆ្នាំ កា.ប់រងរបួសធ្ងន់ក្បាល ដៃឆ្វេង ម្រាមដៃខាងឆ្វេង និងដាច់ត្រចៀកខាងឆ្វេង ។ បន្ទាប់ពីកា.ប់ប្រពន្ធរួច បុរសជាប្តីក៏បានរត់គេចខ្លួនបាត់ស្រមោលតែម្តង ។
បើតាមស្ត្រីជាប្រពន្ធនិយាយថា មុនកើតហេតុ គាត់បានសុំប្តីទៅស្រុក ដើម្បីទៅលេងកូន តែប្តីមិនឲ្យទៅ ហើយក៏ឈានដល់ការឈ្លោះប្រកែកគ្នាបន្តិចបន្តួច ស្រាប់តែប្តីគាត់ផ្ទុះកំហឹងទាញកាំបិតខ្វែវមកកា.ប់គាត់តែម្តង ។
យោងតាមការស្រាវជ្រាវ សមត្ថកិច្ចបានប្រាប់ថា គ្រួសារខាងលើនេះ តែងតែមានជម្លោះនឹងគ្នាជាញឹកញាប់នៅពេលផឹកស្រាស្រវឹង ។
ក្រោយពេលកើតហេតុ កម្លាំងនគរបាលក្រុងប៉ោយប៉ែត និងកម្លាំងប៉ុស្តិ៍នគរបាលផ្សារកណ្តាល បានទៅដល់ ដើម្បីសាកសួររឿងរ៉ាវនេះ និងកំពុងតាមប្រមាញ់បុរសជាប្តី ដើម្បីនាំយកមកផ្តន្ទាទោសតាមផ្លូវច្បាប់ ។ ចំណែកជនរងគ្រោះ ត្រូវបានដឹកតាមរថយន្តសង្គ្រោះទៅមន្ទីរពេទ្យបង្អែកក្រុងប៉ោយប៉ែត៕
ចែករំលែកព័តមាននេះ