យោងតាមអង្គការសិទ្ធិមនុស្សស៊ីរីOSDH ថា ការវាយប្រហារតាមអាកាសកាលពីថ្ងៃទី២៦ តុលា របស់របបស៊ីរី ឬរបស់រុស្ស៊ីជាសម្ព័ន្ធមិត្តលើខេត្តអីុដលីបជាទីតាំងរបស់បណ្តាក្រុមឧទ្ទាមអ៊ិស្លាមនិយម ឬពួកជីហាដបណ្តាលឱ្យមនុស្សស្លាប់៣៥នាក់ ។
អង្គការយូនីសេហ្វប្រកាសថាកុមារ២២នាក់និងគ្រូបង្រៀន៦នាក់ស្លាប់ដោយសារការវាយប្រហារតាមអាកាស លើសាលារៀនមួយក្នុងខេត្តនោះ តែពុំនិយាយថា តើការវាយប្រហារទាំងនោះជាស្នាដៃរបស់នរណាឡើយ ។
OSDH និយាយថា កងយន្តហោះបានធ្វើការវាយប្រហារ៦លើកលើភូមិHASS ប្រឆាំងសាលារៀនមួយនិងជុំវិញសាលារៀននោះសម្លាប់ជនស៊ីវិល៣៥នាក់ក្នុងនោះមានកុមារ១១នាក់ ។ សមាជិកក្រុមឧទ្ទាមម្នាក់អះអាងប្រាប់ AFPថា គ្រាប់បែក១គ្រាប់បានធ្លាក់ត្រង់ខ្លោងទ្វារសាលារៀនមួយ ពេលសិស្សានុសិស្សកំពុងរត់ចេញមកពីការទម្លាក់គ្រាប់បែក ។
ខេត្តអីុដលីប ភាគពាយ័ព្យស៊ីរីជាទីតាំងមួយរបស់ក្រុម JAICH AL-FATAH ជាក្រុមចម្រុះប្រមូលផ្តុំពួកឧទ្ទាមអ៊ិស្លាមនិយមនិងពួកជីហាដក្រុមFATEH AL-CHAM ពីមុនមានឈ្មោះថាក្រុមរណសិរ្សអាល់ណូស្ត្រា ។
យោងតាមOSDH ថាការវាយប្រហារតាមអាកាសរបស់ស៊ីរីនិងរុស្ស៊ីលើខេត្តអីុដលីប បណ្តាលឱ្យមនុស្សស្លាប់យ៉ាងតិច៨៩នាក់និងរបួស១៥០នាក់រយៈពេល៧ថ្ងៃចុងក្រោយនេះ ៕
ចែករំលែកព័តមាននេះ