បណ្តាសារព័ត៌មានរុស្ស៊ីរាយការណ៍កាលពីថ្ងៃទី២៦ តុលាថា បណ្តាឧទ្ធម្ភាគចក្រវាយប្រហារធុន KA-52 ដែលស្ថិតលើនាវាផ្ទុកយន្តហោះរុស្ស៊ី ADMIRAL KOUZNETSOV ដែលកំពុងធ្វើដំណើរឆ្ពោះមកកាន់សមុទ្រមេឌីទែរ៉ាណេនឹងធ្វើការបាញ់សាកល្បងជាក់ស្តែងមីស៊ីលប្រឆាំងរថក្រោះបាញ់ពីចម្ងាយធុន HERMES នៅស៊ីរី ។
ការបាញ់សាកល្បងមីស៊ីលនោះនៅស៊ីរីនឹងអាចកែលម្អការផលិតមីស៊ីលមុនពេលដាក់ឱ្យកងទ័ពរុស្ស៊ីប្រើប្រាស់ ។ កងនាវាចរណ៍សមុទ្រខាងជើងរបស់រុស្ស៊ីដឹកនាំដោយនាវាផ្ទុកយន្តហោះ ADMIRAL KOUZNETSOV បានចាកចេញពីកំពង់ផែ SEVEROMORSK កាលពីថ្ងៃទី១៥ តុលា ឆ្ពោះមកកាន់ភាគឦសាន មហាសមុទ្រអាត្លង់ទិក និងតំបន់ខាងកើតសមុទ្រមេឌីទែរ៉ាណេ ដែនទឹកស៊ីរី ។
មីស៊ីលប្រឆាំងរថក្រោះHERMES អាចបាញ់បានចម្ងាយ៣៤គ.ម ទល់នឹង១០គ.ម សម្រាប់មីស៊ីលប្រឆាំងរថក្រោះភាគច្រើនបាញ់ចេញពីឧទ្ធម្ភាគចក្រ ។ ជាផ្លូវការចាត់ទុកជាមីស៊ីលប្រឆាំងរថក្រោះ មីស៊ីលHERMES អាចបំពេញបេសកកម្មច្រើនទៀត ពិសេសប្រើប្រឆាំងមនុស្សនិងផ្ទះទាំងឡាយ ។
ផលិតដោយការិយាល័យសិក្សា KBP នៅ TOULA មីស៊ីលHERMES មានបំពាក់ក្បាលតម្រង់ឡាស៊ែរនិងអាំងហ្វ្រារូ ក៏ប៉ុន្តែប្រព័ន្ធមីស៊ីលដែលបច្ចុប្បន្នបំពាក់ឱ្យឧទ្ធម្ភាគចក្រ KA-52 មានលក្ខណៈកាន់តែងាយដោយវាស្រាលជាងព្រមទាំងមានប្រព័ន្ធតម្រង់អាំងហ្វ្រារូ ។ មីស៊ីលនោះអាចបាញ់បានចម្ងាយ៣៤គ.ម គឺជិតជាងបណ្តាមីស៊ីលសម្រាប់យន្តហោះដែលអាចបាញ់បានចម្ងាយរវាងពី១០០ទៅ២៣០គ.ម ៕
ចែករំលែកព័តមាននេះ