បុគ្គលិកអង្គការគ្រួសារថ្មីម្នាក់នៅប៉ោយប៉ែតរំលោ.ភយកដីសាធារណៈធ្វើជាកម្មសិទ្ឋិ
ខេត្តបន្ទាយមានជ័យ៖ ដីផ្លូវសាធារណៈរបស់រដ្ឋមួយកន្លែងនៅជាប់របងអង្គការគ្រួសារថ្មី មានទីតាំងជាប់ផ្លូវដើមពុទ្រា ស្ថិតក្នុង
ខេត្តបន្ទាយមានជ័យ៖ ដីផ្លូវសាធារណៈរបស់រដ្ឋមួយកន្លែងនៅជាប់របងអង្គការគ្រួសារថ្មី មានទីតាំងជាប់ផ្លូវដើមពុទ្រា ស្ថិតក្នុង
ខេត្តបន្ទាយមានជ័យ៖ ដីផ្លូវសាធារណៈរបស់រដ្ឋមួយកន្លែងនៅជាប់របងអង្គការគ្រួសារថ្មី មានទីតាំងជាប់ផ្លូវដើមពុទ្រា ស្ថិតក្នុងភូមិក្បាលស្ពាន១ សង្កាត់ និង ក្រុងប៉ោយប៉ែត ត្រូវបានក្រុមជនខិលខូចនាំគ្នាបំពានជាបន្តបន្ទាប់ យកមកធ្វើជាផលប្រយោជន៍កម្មសិទ្ឋិផ្ទាល់ខ្លួន ដោយពុំមានការខ្លាចច្បាប់បន្តិចសោះឡើយ ។
តាមប្រភពបានឲ្យដឹងថា ជនដែលរំលោភបំពានទន្ទ្រានយកដីផ្លូវសាធារណៈរបស់រដ្ឋមកធ្វើជាកម្មសិទ្ឋិនាពេលថ្មីៗនេះឈ្មោះ យ៉ាង ភេទប្រុស អាយុប្រមាណ៤០ឆ្នាំ ជាបុគ្គលិកបំរើការងារនៅក្នុងមូលនិធិខ្មែរទី១(អង្គការគ្រួសារថ្មី)ជួយកុមារកម្ពុជាទីទ័លក្រ មណ្ឌលសង្គ្រោះកុមារតាមចិញ្ចើមផ្លូវ ។
សេចក្តីរាយការណ៍បានបន្តថាឈ្មោះ យ៉ាង ជាបុគ្គលិកអង្គការខាងលើ បានបំពានយកដីផ្លូវលំសាធារណៈរបស់រដ្ឋមួយខ្សែ ជាប់របងឈាងខាងកើតផ្នែកខាងក្រោយ ទីតាំងអង្គការគ្រួសារថ្មី ពុះជាដីល្វែងសាងសង់ជាបន្ទប់ជួលស្នាក់នៅរបៀបអនាធិបតេយ្យ យកមកធ្វើជាប្រយោជន៍ផ្ទាល់ខ្លួនយ៉ាងរំភើយ ដោយមិនខ្វល់ពីសណ្តាប់ធ្នាប់សង្គមនោះឡើយ ។
ជុំវិញការចោទប្រកាន់បុគ្គលិកអង្គការខាងលើ លោកស្រី ម៉ុក វ៉ាន់ជិត ប្រធានអង្គការគ្រួសារថ្មីប្រចាំក្រុងប៉ោយប៉ែត មិនអាចសុំការបំភ្លឺបានទេនៅព្រឹកថ្ងៃទី២៧ តុលា ២០១៦នេះ ដោយទូរសព្ទ័របស់លោកស្រីទទួលការហៅចូលបានហើយតែគ្មានអ្នកទទួល ។
ចំណែកលោកង៉ោ ម៉េងជ្រួន អភិបាលក្រុងប៉ោយប៉ែត បានប្រាប់តាមទូរសព្ទ័ឲ្យដឹងថា ដីផ្លូវលំសាធារណៈរបស់រដ្ឋមួយខ្សែនោះ គឺលោកទទួលស្គាល់ថា «ពិតជាមែន គេបានបំពានយកធ្វើជាកម្មសិទ្ឋិពិតមែន តែគ្មានបុគ្គណាម្នាក់មានសិទ្ឋិធ្វើលិខិតកាន់កាប់ស្របច្បាប់នៅលើដីនោះបានឡើយ »។ លោកបន្តថា «ចំណែកសំណង់ទាំងនោះ ដែលពួកគេជាពលរដ្ឋបានសាងសង់នៅលើដីផ្លូវនោះ ពេលណារដ្ឋត្រូវការអភិវឌ្ឍ ពង្រីកបើកផ្លូវគឺត្រូវតែវាយកម្ទេចចោលដោយគ្មានសំណងឡើយ »។
គួរកត់សម្គាល់ថា ដីផ្លូវលំរបស់រដ្ឋមួយខ្សែនោះ ត្រូវបានក្រុមប្រជាពលរដ្ឋដែលជាអ្នកមានអំណាចទឹកលុយ រួមទាំងមានមន្ត្រីរាជការមួយចំនួនតូចបានឃុបឃិតគ្នាជាមួយនឹងអាជ្ញាធរមូលដ្ឋាន បំពានយកមកធ្វើជាកម្មសិទ្ឋិជាបន្តបន្ទាប់នាពេលកន្លងមក ដោយគេពុំដែលឃើញមានអស់លោកស្ថាប័នជំនាញណាមួយចុះមកទប់ស្កាត់ម្តងណាឡើយ រហូតមកទល់ពេលនេះផ្លូវលំមួយខ្សែនេះត្រូវបានគេរំលោភយកធ្វើជាកម្មសិទ្ឋិស្ទើរទាំងស្រុងទៅហើយ ។
ប្រជាពលរដ្ឋមួយចំនួនដែលរស់នៅជាប់សងខាងផ្លូវលំមួយខ្សែនេះ បានទទូចសុំអំពាវនាវដល់ថ្នាក់ដឹកនាំខេត្តដែលមានលោកសួន បវរ ជាអភិបាលខេត្តបន្ទាយមានជ័យ ដែលទើបនឹងឡើងកាន់តំណែងថ្មីៗនេះ ក៏ដូចជាសម្តេចតេជោហ៊ុន សែន ជួយធ្វើយ៉ាងណារកដំដោះស្រាយបើកផ្លូវលំមួយខ្សែនេះឡើងវិញឲ្យបានទាន់ពេលវេលា ដើម្បីឲ្យពួកគាត់អាចធ្វើដំណើរឆ្លងកាត់ បានដោយរលូនទៅថ្ងៃអនាគតផង ៕
ចែករំលែកព័តមាននេះ