ជំងឺហឺតប៉ះពាល់ដល់មនុស្សជាង៣០០លាននាក់នៅទូទាំងពិភពលោក ។ វាជាការរលាកដែលទឹករំអិលត្រូវបានផលិតច្រើនលើសកំណត់ក្នុងផ្លូវដង្ហើម នាំឱ្យផ្លូវដង្ហើមមានលក្ខណៈចង្អៀត និងហើម ។ អ្នកកើតជំងឺហឺតអាច
ជំងឺហឺតប៉ះពាល់ដល់មនុស្សជាង៣០០លាននាក់នៅទូទាំងពិភពលោក ។ វាជាការរលាកដែលទឹករំអិលត្រូវបានផលិតច្រើនលើសកំណត់ក្នុងផ្លូវដង្ហើម នាំឱ្យផ្លូវដង្ហើមមានលក្ខណៈចង្អៀត និងហើម ។ អ្នកកើតជំងឺហឺតអាចបង្កឲ្យក្អក និងពិបាកក្នុងការដកដង្ហើម ។ ភាពធ្ងន់ធ្ងរនៃជំងឺហឺតអាចគំរាមកំហែងដល់អាយុជីវិតបាន ។
នៅក្នុងប៉ុន្មានខែចុងក្រោយនេះ ការសិក្សាជោគជ័យទាំងពីរបានបង្ហាញពីវិធីដើម្បីកាត់បន្ថយបញ្ហាដែលបង្កឡើងដោយជំងឺហឺត។ ហានិភ័យនៃជំងឺហឺតនេះអាចត្រូវបានកាត់បន្ថយដោយការបំបៅកូនដោយទឹកដោះ និងការទទួលទានវីតាមីន D ។
១-ថ្នាំគ្រាប់វីតាមីន D អាចកាត់បន្ថយភាពធ្ងន់នៃជំងឺហឺត
លទ្ធផលទាំង ៧ នៃការធ្វើតេស្តលើកុមារ ៤៣៥នាក់ និងការធ្វើតេស្តទាំង២ លើមនុស្សពេញវ័យ៦៥៨នាក់មកពីសាកលវិទ្យាល័យ ផ្សេងៗគ្នាបានរកឃើញថា អ្នកកើតជំងឺហឺតកម្រិតស្រាលទៅមធ្យមដែលបានលេបថ្នាំគ្រាប់វីតាមីន D ទៀងទាត់រយៈពេល៦ទៅ១២ខែមានការធ្លាក់ចុះបញ្ហាដែលបង្កឡើងដោយជំងឺហឺតពី ៦% ទៅ ៣% ។
វីតាមីន D ជួយពង្រឹងមុខងារប្រព័ន្ធភាពស៊ាំដែលវាមានភាពចាំបាច់សម្រាប់មុខងារកោសិកានីមួយៗ ។ ប្រព័ន្ធភាពស៊ាំអាចប្រយុទ្ធប្រឆាំងនឹងការឆ្លងមេរោគតាមផ្លូវដង្ហើម និងគ្រប់គ្រងការរលាក ។
២-ការបំបៅដោះកូនអាចកាត់បន្ថយរោគសញ្ញាមួយចំនួននៃជំងឺហឺត
នៅថ្ងៃទី៤ ខែកញ្ញាឆ្នាំ២០១៦ សមាគមផ្លូវដង្ហើមអឺរ៉ុបបានធ្វើបទបង្ហាញនៅសភាអន្តរជាតិស្តីពីលទ្ធផលនៃការសិក្សាលើទារក ៣៦៨នាក់ ដែលពួកគេមានហ្សែនទាក់ទងនឹងជំងឺហឺត ។ ការសិក្សានេះបានរកឃើញថា កុមារដែលបៅទឹកដោះម្តាយរហូតដល់អាយុមួយឆ្នាំមានការថយចុះគ្រោះថ្នាក់នៃការមានរោគសញ្ញាផ្លូវដង្ហើម ២៧% ខណៈពេលទារកដែលមិនទទួលបានការបំបៅទឹកដោះមានការកើនឡើងហានិភ័យនៃការវិវឌ្ឍទៅរកជំងឺផ្លូវដង្ហើមនិងជំងឺហឺត ។
ការបំបៅកូនដោយទឹកដោះត្រូវបានគេទទួលស្គាល់ថា អាចជួយពង្រឹងប្រព័ន្ធភាពស៊ាំរបស់កុមារ និងបន្ថយហានិភ័យនៃការវិវឌ្ឍទៅរកជំងឺហឺត ៕
ចែករំលែកព័តមាននេះ