នាងHilary Swank តារាសម្តែងអាមេរិក បានបង្ហាញភាពអយុត្តិធម៌រវាងតារាសម្តែងស្រី និងតារាសម្តែងប្រុសហូលីវូដថា មានគ្រាមួយនាងធ្លាប់ទទួលសំណើតម្លៃខ្លួន៥សែនដុល្លារក្នុងការសម្តែងរឿងមួយ ខណៈពេលតួ
នាងHilary Swank តារាសម្តែងអាមេរិក បានបង្ហាញភាពអយុត្តិធម៌រវាងតារាសម្តែងស្រី និងតារាសម្តែងប្រុសហូលីវូដថា មានគ្រាមួយនាងធ្លាប់ទទួលសំណើតម្លៃខ្លួន៥សែនដុល្លារក្នុងការសម្តែងរឿងមួយ ខណៈពេលតួសម្តែងប្រុស ទទួលតម្លៃខ្លួនដល់ទៅ១០លានដុល្លារឯណោះ ។
តារាសម្តែងអាយុ៤២ឆ្នាំ នាង Hilary Swank បានបង្ហើបឱ្យដឹងពីរឿងនេះក្នុងពេលសម្ពោធរឿងថ្មីរបស់ខ្លួន ។ នាងប្រាប់ថា ភាពអយុត្តិធម៌នោះកើតឡើងកាលពី១០ឆ្នាំមុន ខណៈពេលរូបនាងទើបទទួលពានរង្វាន់ «Oscar» ទី២ពីរឿង «Million Dolla Baby» ។ នាង Hilary Swank បញ្ជាក់ថា «ពេលនោះខ្ញុំទើបទទួលរង្វាន់ Oscar ទី២ និងប៉ុន្មានខែក្រោយពីបានទទួលសំណើឱ្យសម្តែងភាពយន្តមួយរឿងទៀត ។ ចំណែកតួប្រុសដែលសម្តែងរួមគ្នា គេមិនធ្លាប់ទទួលជោគជ័យទេ គេបានសម្តែងភាពយន្តព្រោះតែរូបសង្ហាប៉ុណ្ណោះ ប៉ុន្តែបានតម្លៃខ្លួនដល់ទៅ១០លានដុល្លារ រីឯខ្ញុំបានត្រឹមតែ៥សែនដុល្លារ» ។
នាង Hilary Swank បង្ហើបឱ្យដឹងទៀតថា នាងទទួលយកមិនបានពីភាពអយុត្តិធម៌នេះ ទើបសម្រេចចិត្តមិនទទួលការសម្តែង ហើយអ្នកដឹកនាំរឿងជ្រើសរើសរកតារាសម្តែងថ្មីមកជំនួស ។ អ្នកដឹកនាំរឿងទទួលបានតួសម្តែងស្រីថ្មី ដែលព្រមទទួលយកតម្លៃខ្លួន ៥០.០០០ដុល្លារ ដូច្នេះក្រុមហ៊ុនចំណេញបានប្រាក់ចំនួន៤៥០.០០០ដុល្លារ ហើយទំនងជាប្រាក់នោះបានជារង្វាន់ដល់តារាសម្តែងបុរស ។
Hilary Swank បញ្ជាក់ថា «ខ្ញុំមិនទទួលការសម្តែងដែលមានថ្លៃឈ្នួលតិចជាងបុរសទេ ពិសេសប្រសិនបើតួឯករបស់ខ្ញុំ និងគេ មានសារសំខាន់ប្រហាក់ប្រហែលគ្នា ។ ដោយសារការប្រកាន់យកជំហរនោះ ទើបធ្វើឱ្យខ្ញុំខកខានសម្តែងជាច្រើនរឿងទៀត» ៕
ចែករំលែកព័តមាននេះ