តុលាការសម្រចឃុំខ្លួនពលរដ្ឋ៣នាក់បណ្តោះអាសន្ននៅពន្ធនាគារ
ខេត្តស្ទឹងត្រែង ៖ ប្រជាពលរដ្ឋ៣នាក់ប្រឈមនឹងជាប់ពន្ធនាគារពី១ឆ្នាំរហូតដល់៥ឆ្នាំ និងពិន័យជាប្រាក់ពី១០លានរៀលដល់១០០លានរៀល ក្រោមបទចោទប្រកាន់ប្រមូល
ខេត្តស្ទឹងត្រែង ៖ ប្រជាពលរដ្ឋ៣នាក់ប្រឈមនឹងជាប់ពន្ធនាគារពី១ឆ្នាំរហូតដល់៥ឆ្នាំ និងពិន័យជាប្រាក់ពី១០លានរៀលដល់១០០លានរៀល ក្រោមបទចោទប្រកាន់ប្រមូល
ខេត្តស្ទឹងត្រែង ៖ ប្រជាពលរដ្ឋ៣នាក់ប្រឈមនឹងជាប់ពន្ធនាគារពី១ឆ្នាំរហូតដល់៥ឆ្នាំ និងពិន័យជាប្រាក់ពី១០លានរៀលដល់១០០លានរៀល ក្រោមបទចោទប្រកាន់ប្រមូល និងដឹកជញ្ជូនឈើដោយគ្មានលិខិតអនុញ្ញាតតាមបទបញ្ញាតិ្តមាត្រា៩៦ និង៩៨ នៃច្បាប់ស្តីពីព្រៃឈើ។ ក្រោយដឹកឈើប្រភេទសុក្រំតាមរថយន្តសាំងយ៉ុងមួយគ្រឿងជាងមួយម៉ែត្រគូប ហើយត្រូវកម្លាំងកងរាជអាវុធហត្ថលើផ្ទៃប្រទេសចាប់ និងចងក្រងសំណុំឯកសារផ្អែកលើមាត្រនៃច្បាប់ព្រៃឈើខាងលើជាកំហិត។
ប្រជាពលរដ្ឋទាំង៣នាក់ខាងលើត្រូវជំនាញរដ្ឋបាលព្រៃឈើបញ្ជាក់ថា ជាពលរដ្ឋរស់នៅភូមិសង្គម ឃុំសណ្តាន់ ស្រុកសំបូរ ខេត្តក្រចេះ ដែលមានឈ្មោះទី១. ហុង គឹមស្រេង ភេទប្រុស អាយុ៥៤ឆ្នាំ ទី២.ឈ្មោះ ងួន ភ័ក្រណា ភេទប្រុសអាយុ៣២ឆ្នាំ និងទី៣.ឈ្មោះ ជំ សុខគង់ ភេទប្រុស អាយុ២៨ឆ្នាំ។ មន្ត្រីខណ្ឌរដ្ឋបាលព្រៃឈើស្ទឹងត្រែងបន្តថា ពលរដ្ឋទាំង៣នាក់ខាងលើត្រូវកម្លាំងកងរាជអាវុធហត្ថលើផ្ទៃប្រទេស ឃាត់ចាប់នៅលើកំណាត់ផ្លូវជាតិលេខ៧ ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង កាលពីថ្ងៃទី២៤ តុលា ២០១៦ ពេលកំពុងដឹកឈើទ្វារបង្អួចប្រភេទសុក្រំចំនួន១៣៤ដើម ស្មើនឹង១,៤២៩ ម៉ែត្រគូប។ ខណៈធ្វើចរាចណ៍ចេញពីស្រុកឆែប ខេត្តព្រះវិហារ ឆ្លងកាត់ស្រុកថាឡាបរិវ៉ាត់ ខេត្តស្ទឹងត្រែង ឆ្ពោះទៅកាន់ស្រុកសណ្តាន់ ខេត្តក្រចេះ។
ក្រោយការចាប់ខ្លួនប្រជាពលរដ្ឋទាំង៣នាក់ខាងលើនោះ នាព្រឹកថ្ងៃទី២៥ តុលា ២០១៦រហូតដល់រសៀលថ្ងៃដដែលនេះ មានព្រះសង្ឃ រួមនឹងពុទ្ធបរិស័ទចំណុះជើងវត្តមួយចំនួនស្នើការលើកលែងពីរដ្ឋអំណាច តុលាការ និងសមត្ថកិច្ចពាក់ព័ន្ធលើប្រជាពលរដ្ឋទាំងនោះ ដោយផ្អែកថា ឈើដែលពួកគេដឹកជញ្ជូនជាឈើត្រូវប្រើប្រាស់ធ្វើទ្វារបង្អួចនៅវត្តពោធិ៍វណ្ណារាមភូមិធំ ហៅវត្តភូមិធំ ស្ថិតនៅភូមិធំ ឃុំសណ្តាន់ ស្រុកសំបូរ ខេត្តក្រចេះ។ ទោះបីយ៉ាងណាក៏ដោយ ប្រជាពលរដ្ឋ៣នាក់ខាងលើនោះ ត្រូវបានតុលាការសម្រចចេញដីកាបង្គាប់ឲ្យឃុំខ្លួនជាបណ្តោះអាសន្ននៅពន្ធនាគារក្រោយសាកសួរនៅតុលាការកាលពីថ្ងៃត្រង់ទី២៦ តុលា ២០១៦នេះទៅហើយ។
ព្រះចៅអធិការវត្តពោធិ៍វណ្ណារាម ហៅវត្តភូមិធំបានមានសង្ឃដីកាថា ឈើសុក្រំទាំងនោះគឺគណៈកម្មការវត្តទិញដឹកជញ្ជូនដោយធ្វើជាទ្វារបង្អួចទាំងអស់មានចំនួន១៤សម្រាប់ដើម្បីសាងសង់វិហារ ដោយពុំមានឯកសារបញ្ជាក់ពីផ្លូវច្បាប់នោះទេ។ សង្គមស៊ីវិលបានលើកឡើងថា ការបង្ក្រាបបទល្មើសជាកក្តាភារកិច្ចរបស់សមត្ថកិច្ច និងមន្ត្រីជំនាញ តែគួរបន្ធូរបន្ថយលើពលរដ្ឋដែលមានហេតុផលពិតប្រាកដលើតម្រូវការពួកគេ ក្រៅពីឈ្មួញរត់ពន្ធកាប់បំផ្លាញធនធានធម្មជាតិដូចជាព្រៃឈើនេះជាដើម។
ហើយទាក់ទងបញ្ហាការចាប់ខ្លួន និងដាក់កំហិតឲ្យពួកគេជាប់ទោសក្រោមមាត្រាខាងលើវាហាក់បីដូចជាធ្ងន់ធ្ងរពេកហើយ។ មន្ត្រីខណ្ឌរដ្ឋបាលព្រៃឈើស្ទឹងត្រែងសុំមិនបញ្ចេញឈ្មោះបានបញ្ជាក់ថា ពួកគាត់ពិតជាប្រព្រឹត្តខុសច្បាប់ស្តីពីព្រៃឈើពិតមែនហើយ តែប្រសិនជារដ្ឋអំណាច សមត្ថកិច្ច និងមន្ត្រីជំនាញកសាងសំណុំរឿងឲ្យពួកគាត់ជាប់ទោសទណ្ឌធ្ងន់គឺធ្ងន់ ស្រាលគឺស្រាល វាអាស្រ័យលើឆន្ទៈមនោសញ្ចេតនាខ្មែរ និងខ្មែរប៉ុណ្ណោះ។ មន្ត្រីជំនាញរដ្ឋបាលព្រៃឈើដដែលបញ្ជាក់ថា ពលរដ្ឋទាំង៣នាក់នោះ ក្រោយការស៊ើបសួរចប់បានចេញដីកាបង្គាប់ឲ្យឃុំខ្លួនបណ្តោះអាសន្នដោយលោក អៀង គឹមថុល ចៅក្រមស៊ើបសួរនៃសាលាដំបូងខេត្តស្ទឹងត្រែង អមដោយលោកស្រី អ៊ែល ពិសី ជាក្រឡាបញ្ជីតាមមាត្រា២០៣ និងមាត្រាបន្តបន្ទាប់នៃក្រមនីតិវិធីព្រហ្មទណ្ឌ។
ដាក់ឲ្យស្ថិតក្រោមការត្រួតពិនិត្យពីបទប្រមូល និងដឹកជញ្ជូនឈើដោយគ្មានលិខិតអនុញ្ញាតតាមបទបញ្ញាតិ្តមាត្រា៩៦ កថាខណ្ឌ១ ចំណុចទី២ និងមាត្រា៩៨ កថាខណ្ឌ២ ចំណុចទី១ នៃច្បាប់ស្តីពីព្រៃឈើ។ ប្រព្រឹត្តនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង កាលពីថ្ងៃទី២៤ តុលា ២០១៦៕
ចែករំលែកព័តមាននេះ