មុនពេលចាប់ខ្លួន សោម ឯក ជួលម៉ូតូ១៥ដុល្លារ ទៅភ្នំគូលែន
ខេត្តសៀមរាប ៖ ប៉ូលិសក្រុងភ្នំពេញសហការជាមួយប៉ូលិសខេត្ត បានឃាត់ខ្លួនទណ្ឌិតឈ្មោះ សោម ឯក ដែលកម្លាំងអនុរក្សដឹកយកមកព្យាបាលនៅមន្ទីរពេទ្យរ៉ូស្ស៊ី
ខេត្តសៀមរាប ៖ ប៉ូលិសក្រុងភ្នំពេញសហការជាមួយប៉ូលិសខេត្ត បានឃាត់ខ្លួនទណ្ឌិតឈ្មោះ សោម ឯក ដែលកម្លាំងអនុរក្សដឹកយកមកព្យាបាលនៅមន្ទីរពេទ្យរ៉ូស្ស៊ី
ខេត្តសៀមរាប ៖ ប៉ូលិសក្រុងភ្នំពេញសហការជាមួយប៉ូលិសខេត្ត បានឃាត់ខ្លួនទណ្ឌិតឈ្មោះ សោម ឯក ដែលកម្លាំងអនុរក្សដឹកយកមកព្យាបាលនៅមន្ទីរពេទ្យរ៉ូស្ស៊ី ដោយមានការធ្វេសប្រហែស ត្រូវបានទណ្ឌិតរត់ចេញពីមន្ទីរពេទ្យ កាលពីថ្ងទី៨ ខែតុលា ចូលមកសម្ងំលាក់ខ្លួនក្នុងខេត្តសៀមរាប ដោយស្នាក់នៅក្នុងផ្ទះមិត្តភក្តិក្នុងខេត្តសៀម ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប ។
រហូតមកដល់ថ្ងៃចាប់ខ្លួន ខណៈដែលទណ្ឌិត សោម ឯក បានជួលម៉ូតូឌុបតម្លៃ 15ដុល្លារ ដើម្បីជិះទៅលេងនៅភ្នំគូលែន ។ ការឃាត់ខ្លួនទណ្ឌិតនេះធ្វើឡើងនៅវេលាម៉ោងប្រមាណជាង១០ព្រឹក ថ្ងៃទី២៦ ខែតុលា ២០១៦នេះ ស្ថិតនៅចំណុចលើខ្នងភ្នំគូលែន កន្លែងទឹកធ្លាក់ ក្នុងភូមិព្រះអង្គធំ ឃុំខ្នងភ្នំ ស្រុកស្វាយលើ ខេត្តសៀមរាប។
បន្ទាប់ពីបានឃាត់ខ្លួនទណ្ឌិតឈ្មោះ សោម ឯក បាននៅលើខ្នងភ្នំគូលែនភ្លាមៗ ត្រូវបានកម្លាំងជំនាញបញ្ជូន ទៅភ្នំពេញ នៅវេលាម៉ោងជាង១១ព្រឹកថ្ងៃខែដដែល ។
សូមរម្លឹកថា ទណ្ឌិតឈ្មោះ សោម ឯក ដែលតុលាការផ្តន្ទាទោសដាក់ពន្ឋនាគារសរុប៤៦ឆ្នាំ ពាក់ព័ន្ឋនឹងសំណុំរឿងជាច្រើនដូចជាបង្កើតរណសិរ្សចលនាកងទ័ពក្បាលខ្លា ការបង្កៃគ្រាប់បែកប៉ងបំផ្លាញស្តូបមិត្តភាពកម្ពុជា-វៀតណាមនិងករណីបង្កៃគ្រាប់បែកនៅមុខក្រសួងការពារជាតិជាដើមនោះ បានរត់គេចខ្លួនបាត់ បន្ទាប់ពីអនុរក្សពន្ឋនាគាររាជធានីភ្នំពេញ (PJ) បាននាំទៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី) កាលពីយប់ថ្ងៃទី០៨ តុលា ២០១៦ ។
នៅខែមករា ឆ្នាំ២០០៩ ក្រោយពីព្រឹត្តិការណ៍បង្កៃគ្រាប់បែកច្នៃនៅមុខក្រសួងការពារជាតិ និងជិតទីស្តីការគណៈរដ្ឋមន្ត្រី លោក សោម ឯក ដែលមានឈ្មោះហៅជាច្រើនដូចជា ជា គឹមហ៊ួន ជាអតីតទាហានចូលបំរើការនៅក្រសួងការពារជាតិពីឆ្នាំ១៩៧៩ដល់ឆ្នាំ២០០៣ ត្រូវបានចាប់ខ្លួននៅប៉ោយប៉ែត ខេត្តបន្ទាយមានជ័យ ។ អំឡុងពេលចាប់ខ្លួននោះ សមត្ថកិច្ចក៍បានរកឃើញជាតិផ្សំគ្រឿងផ្ទុះ និងឯកសារភស្ថុតាងជាច្រើនទៀត ។ ជនឈ្មោះ សោម ឯក ក៍ពាក់ព័ន្ឋនឹងការបង្កើតចលនាកងទ័ពរំដោះក្បាលខ្លា ឬ រណសិរ្សរួបរួមជាតិ ដើម្បីប្រឆាំងនឹងរដ្ឋាភិបាលកម្ពុជាផងដែរ។
ក្រោយមកនៅព្រឹកថ្ងៃទី១៧ កញ្ញា ២០១០ សាលាដំបូងរាជធានីភ្នំពេញ បានបើកសវនាការជំនុំជម្រះលើសំណុំរឿងដាក់បង្កៃគ្រាប់បែកច្នៃ បំផ្ទុះនៅមុខក្រសួងការពារជាតិ និងកែងច្រមុះជ្រូក ជិតគណៈរដ្ឋមន្ត្រី ។
ក្នុងសំណុំរឿងបង្កៃគ្រាប់បែកច្នៃនេះដែរ តុលាការបានចោទប្រកាន់លើក្រុមជនសង្ស័យចំនួន ៥ នាក់ រួមមាន៖ ទី១ ឈ្មោះ សោម ឯក ហៅ ទី តូ ជាមេខ្លោង, ទី២ ឈ្មោះ ភី សុវឹង, ទី៣ ឈ្មោះ ទ្បឹក ប៊ុនញៀន, ទី៤ ឈ្មោះ ពៅ វណ្ណារ៉ា និងទី៥ ឈ្មោះ ជា កឹមយ៉ាន ។ បុរសទាំង ៥នាក់ ត្រូវបានចាប់ខ្លួននៅទីកន្លែងផ្សេងៗគ្នា កាលពីឆ្នាំ២០០៩ ។
ក្រៅពីសំណុំរឿងខាងលើនេះ បុរសជាប់ចោទ សោម ឯក និងបក្សពួក ក៏ជាប់ចោទក្នុងសំណុំរឿងជាច្រើនទៀត ចាប់តាំងពីឆ្នាំ២០០៥ ដែលរួមមាន ការកេណ្ឌ និងបណ្តុះបណ្តាលភេរវក អំពើដាក់គ្រឿងផ្ទុះ គ្រឿងប្រល័យនៅទីសាធារណៈ ការផ្តល់ប្រាក់ក្នុងអំពើភេរវកម្ម បទសមគំនិតក្នុងអំពើប្លន់ និងមនុស្សឃាតគិតទុកជាមុន៕
ចែករំលែកព័តមាននេះ