ចេញពីដេកជាមួយស្រីខារ៉ាអូខេ ត្រូវសមត្ថកិច្ចចាប់ខ្លួន
ខេត្តកំពង់ធំ ៖ យុវជនវ័យក្មេងម្នាក់ត្រូវបានសមត្ថកិច្ចចាប់វាយខ្នោះកាលពីវេលាម៉ោង១១ និង៥០នាទីព្រឹក ថ្ងៃទី២៦ ខែតុលា ឆ្នាំ២០១៦ នៅតាមផ្លូវក្នុងភូមិដោម ឃុំបាក់ស្នា …
ខេត្តកំពង់ធំ ៖ យុវជនវ័យក្មេងម្នាក់ត្រូវបានសមត្ថកិច្ចចាប់វាយខ្នោះកាលពីវេលាម៉ោង១១ និង៥០នាទីព្រឹក ថ្ងៃទី២៦ ខែតុលា ឆ្នាំ២០១៦ នៅតាមផ្លូវក្នុងភូមិដោម ឃុំបាក់ស្នា …
ខេត្តកំពង់ធំ ៖ យុវជនវ័យក្មេងម្នាក់ត្រូវបានសមត្ថកិច្ចចាប់វាយខ្នោះកាលពីវេលាម៉ោង១១ និង៥០នាទីព្រឹក ថ្ងៃទី២៦ ខែតុលា ឆ្នាំ២០១៦ នៅតាមផ្លូវក្នុងភូមិដោម ឃុំបាក់ស្នា ស្រុកបារាយណ៍ ខណៈយុវជនរូបនោះជិះម៉ូតូចេញពីដេកជាមួយស្រីខារ៉ាអូខេមួយកន្លែងនៅចំណុចអូរឆ្អេះ ។
លោកវរសេនីយ៍ត្រី កែ កញ្ចនា អធិការរងនគរបាលស្រុកបារាយណ៍ បានឲ្យដឹងថា ជនសង្ស័យឈ្មោះ ទុយ វី ភេទប្រុស អាយុ២១ឆ្នាំ មុខរបរមិនច្បាស់លាស់ រស់នៅភូមិទូក២ ឃុំគគីរធំ ស្រុកបារាយណ៍ ខេត្តកំពង់ធំ ត្រូវបានចាប់ខ្លួនបន្ទាប់ពីមានពាក្យបណ្ដឹងពីជនរងគ្រោះឈ្មោះ ស្រ៊ុន ស្រេង ភេទប្រុស អាយុ៣៥ឆ្នាំ រស់នៅភុមិល្បើក ឃុំគគីរធំ ស្រុកបារាយណ៍ ខេត្តកំពង់ធំ ថាបានបាត់ម៉ូតូ១គ្រឿងម៉ាកសង់កូរ៉េ ពណ៌ក្រហម គ្មានស្លាកលេខ ។
លោកវរសេនីយ៍ត្រី កែ កញ្ចនា ឲ្យដឹងទៀថា កាលពីយប់ថ្ងៃទី២៥ តុលា ជនរងគ្រោះបានទុកម៉ូតូចោលកៀនផ្ទះ លុះព្រឹកឡើងថ្ងៃទី២៦ តុលា ទើបដឹងថាបាត់ម៉ូតូក៏នាំគ្នាដើររកតែរកមិនឃើញទេ ក៏ទៅប្តឹងសមត្ថកិច្ចប៉ុស្តិ៍គគីរធំដើម្បីឲ្យជួយរក ។ បន្ទាប់ពីទទួលបានពាក្យបណ្ដឹងហើយ កម្លាំងនគរបាលប៉ុស្តិ៍សហការជាមួយកម្លាំងនគរបាលស្រុកបានធ្វើការស្រាវជ្រាវរហូតឃាត់ខ្លួនជនសង្ស័យបានតែម្តង ។
នៅចំពោះមុខសមត្ថកិច្ច ជនសង្ស័យបានសារភាពថា ពិតជាបានលួចយកម៉ូតូរបស់ជនរងគ្រោះខាងលើពិតប្រាកដម៉ែន ។
ជនសង្ស័យបានឲ្យសមត្ថកិច្ចដឹងទៀតថា រូបគេបានខ្ចីម៉ូតូម៉ាកវ៉េវរបស់ជីតាគេជិះ ហើយក៏បានយកទៅបញ្ចាំបានលុយ២០ម៉ឺនរៀល ដល់យប់២៥ ខែតុលា ឆ្នាំ២០១៦ ក៏បានធ្វើសកម្មភាពលួចយកម៉ូតូរបស់ជនរងគ្រោះដែលទុកចោលនៅសំយ៉ាបផ្ទះជិះទៅដេកជាមួយស្រីខារ៉ាអូរខេមួយកន្លែងនៅចំណុចអូរឆ្អេះ ឃុំក្រយា ស្រុកសន្ទុក រហូតដល់ម៉ោងជាង១១ព្រឹក ថ្ងៃទី២៦ ខែតុលា ទើបជិះម៉ូតូចេញមកវិញដល់ចំណុចខាងលើក៏ត្រូវសមត្ថកិច្ចចាប់ខ្លួនតែម្តង ។
បន្ទាប់ពីធ្វើការសាកសួរ និងធ្វើកំណត់ហេតុរួច ម៉ូតូក៏ត្រូវបានប្រគល់ជូនម្ចាស់វិញ ចំណែកជនសង្ស័យត្រូវបានកសាងសំណុំរឿងបញ្ជូនមកកាន់អធិការដ្ឋាននគរបាលស្រុកបារាយណ៍ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ