គោពុលងាប់អស់10ក្បាល ម្ចាស់គោប្ដឹងយួនឱ្យសង
ខេត្តកំពត ៖ គោដែលពុលថ្នាំកណ្ដុរយួនងាប់ជាបន្តបន្ទាប់ចំនួន៦ក្បាលមន្លងមក រហូតមកដល់ពេលនេះ គឺងាប់បន្តរហូតដល់១០ក្បាលទៅហើយ ។ ម្ខាស់គោកាលពីព្រឹកថ្ងៃទី
ខេត្តកំពត ៖ គោដែលពុលថ្នាំកណ្ដុរយួនងាប់ជាបន្តបន្ទាប់ចំនួន៦ក្បាលមន្លងមក រហូតមកដល់ពេលនេះ គឺងាប់បន្តរហូតដល់១០ក្បាលទៅហើយ ។ ម្ខាស់គោកាលពីព្រឹកថ្ងៃទី
ខេត្តកំពត ៖ យួនដែលជួលដីកសិករខ្មែរ ពង្រាយថ្នាំកណ្តុរតាមភ្លឺស្រែ គោខ្មែរស៊ីងាប់អស់6ក្បាលកន្លងមក រហូតមកដល់ពេលនេះ គឺងាប់បន្តរហូតដល់១០ក្បាលទៅហើយ ។ ម្ខាស់គោកាលពីព្រឹកថ្ងៃទី២៥ តុលា បានមកដាក់ពាក្យបណ្ដឹងនៅប៉ុស្ដិ៍នគរបាលឃុំត្នោតចុងស្រង់ ប្ដឹងពីឈ្មោះ ញ៉ឺង សាង និងប្រពន្ធឈ្មោះស្រី អុក ជាជនជាតិវៀតណាម រស់នៅភូមិញ៉សាត់ ស្រុកយ៉ាងថាន់ ខេត្តកៀងយ៉ាង ប្រទេសវៀត ណាម ដែលបានមកជួលដីស្រែពីកសិករខ្មែរនៅឃុំរំដេង ស្រុកគិរីវង់ ខេត្តតាកែវ ថាបានយកអង្ករ និងស្រូវលាយជាមួយថ្នាំកណ្ដុរដើរដាក់តាមភ្លឹស្រែ ធ្វើឱ្យគោគាត់ដើរស៊ីស្មៅនៅទីនោះពុលងាប់នៅនឹងកន្លែងចំនួន៦ក្បាល កាលពីរសៀលថ្ងៃទី២១ តុលា កន្លងទៅនេះ ។
ក្រោយហេតុការណ៍នេះកើតឡើង គេមិនបានឃើញអាជ្ញាធរស្រុកគិរីវង់ចុះពិនិត្យទេ មានតែអ្នកកាសែត៣-៤នាក់ នគរបាលវរសេនាតូចលេខ៦០១ ការពារព្រំដែនគោកខេត្តកំពត និងយោធាការពារព្រំដែនខេត្តកំពតប៉ុន្មាននាក់ ប៉ុណ្ណោះដែលចុះមកមើល ។ ពេលនោះម្ចាស់គោនិងសាច់ញាតិបានប្រមូលគោទាំងងាប់ទាំងរស់មិនទាន់ដាច់ខ្យល់យកមកដល់ផ្ទះក៏ងាប់អស់ចំនួន៤ក្បាលទៀត។
លោកឡុង សូយ អាយុ៥៦ឆ្នាំ នៅភូមិត្នោតចុងស្រង់ ឃុំត្នោតចុងស្រង់ ស្រុកបន្ទាយមាស ត្រូវជាម្ចាស់គោ១០ក្បាល ដែលពុលងាប់នោះ បាននិយាយថា គាត់ចិញ្ចឹមគោទាំងអស់២១ក្បាល ហើយដីដែលជនជាតិវៀតណាមមកជួលធ្វើស្រែនោះជាស្រូវពង្រោះទេមិនទាន់ដុះស្រូវផង ទើបគាត់លែងគោឱ្យដើរស៊ីស្មៅធម្មតា មិននឹកស្មានថាជួបបញ្ហាអាក្រក់បែបហ្នឹងសោះ ។
លោក ង៉ែត ធូ ប្រធានពេទ្យសត្វស្រុកបន្ទាយមាស បានប្រាប់ឲ្យដឹងថា កុំតែបានពេទ្យសត្វជួយចាក់ថ្នាំបន្សាបជាតិពុលទាន់ពេលកុំអីគោទាំងនេះងាប់ទាល់តែអស់ ។ លោក បញ្ជាក់ថា គោដែលបានពុលថ្នាំកណ្ដុរងាប់នោះមានចំនួន១០ក្បាលហើយ ។ លោកវរសេនីយ៍ត្រី ទន់ រ៉ូ អធិការនគរបាលស្រុកបន្ទាយមាសដែលទើបតែចូលកាន់តំណែងថ្មីបានប្រាប់ឱ្យដឹងថា ដីស្រែដែលដាក់ថ្នាំកណ្ដុរបណ្តាលឱ្យពុលគោងាប់នោះ គឺនៅភូមិសាស្ត្រស្រុកគិរីវង់ទេ តែម្ចាស់គោនៅក្នុងស្រុកបន្ទាយមាស ។
លោកបន្តថា ម្ចាស់គោបានមកដាក់ពាក្យបណ្ដឹងនៅស្រុកហើយតែសំណុំរឿងមិនទាន់ដល់ដៃលោកនៅឡើយទេ ៕
ចែករំលែកព័តមាននេះ