ស្នងការជាន់ខ្ពស់ អ.ស.ប ខាងជនភៀសខ្លួន HCR អះអាងនាថ្ងៃទី២៥ តុលាថា ចំនួនជនភៀសខ្លួននិងជនអន្តោប្រវេសន៍ដែលស្លា.ប់ពេលធ្វើដំណើរផ្សងព្រេងកាត់សមុទ្រមេឌីទែរ៉ាណេក្នុងឆ្នាំ២០១៦មានខ្ពស់បំផុត ខណៈ
ស្នងការជាន់ខ្ពស់ អ.ស.ប ខាងជនភៀសខ្លួន HCR អះអាងនាថ្ងៃទី២៥ តុលាថា ចំនួនជនភៀសខ្លួននិងជនអន្តោប្រវេសន៍ដែលស្លាប់ពេលធ្វើដំណើរផ្សងព្រេងកាត់សមុទ្រមេឌីទែរ៉ាណេក្នុងឆ្នាំ២០១៦មានខ្ពស់បំផុត ខណៈសល់ពេលតែ២ខែទៀតដាច់ឆ្នាំ ។
យោងតាម HCR ថា មនុស្សដល់ទៅ៣.៧៤០នាក់ ស្លាប់មកទល់ពេលនេះក្នុងឆ្នាំ២០១៦ ខណៈអ្នកស្លាប់កាលពីឆ្នាំ២០១៥ទាំងមូលមានត្រឹម៣.៧៧១នាក់ ។ អ្នកនាំពាក្យរបស់ HCR លោក WILLIAM SPINDCER ក្នុងសន្និសីទសារព័ត៌មានមួយនាទីក្រុងហ្សឺណែវ ថ្លែងកាលពីថ្ងៃទី២៥ តុលាថា នោះជាសភាពការណ៍យ៉ាងអាក្រក់បំផុតដែលយើងពុំធ្លាប់ជួប ។ ខណៈមនុស្សម្នាក់ស្លាប់ក្នុងចំណោមជនអន្តោប្រវេសន៍២៦៩នាក់ កាលពីឆ្នាំទៅមិញលទ្ធភាពនៃអ្នកស្លាប់ពេលធ្វើដំណើរផ្សងព្រេងកាត់សមុទ្រមេឌីទែរ៉ាណេក្នុងឆ្នាំ២០១៦ឡើងខ្ពស់ជាមួយអ្នកស្លាប់ម្នាក់សម្រាប់អ្នកផ្សងព្រេង៨៨នាក់ ។
ការកើនឡើងនៃចំនួនអ្នកស្លាប់កើតមានទោះបីមានការចុះថយច្រើននាឆ្នាំនេះ នៃចំនួនមនុស្សដែលផ្សងព្រេងធ្វើដំណើរកាត់សមុទ្រមេឌីទែរ៉ាណេមកកាន់អឺរ៉ុបក្តី ។ ឆ្នាំនេះមកទល់បច្ចុប្បន្នអ្នកផ្សងព្រេងមានត្រឹមតែ៣២៧.៨០០នាក់ប៉ុណ្ណោះ ៕
ចែករំលែកព័តមាននេះ