នៅឃុំជាមួយគ្នាសោះ ចេះលួចម៉ូតូទៅកើតដែរ !
ខេត្តកំពង់ធំ ៖ ចោរលួចម៉ូតូម្នាក់ត្រូវបានសមត្ថកិច្ចស្រាវជ្រាវចាប់វាយខ្នោះ បន្ទាប់ពីទទួលបានពាក្យបណ្តឹងពីម្ចាស់ពាក់ព័ន្ធករណីខាងលើនេះ។ លោកវរសេនីយ៍ត្រី វ៉ន សុភ័ណ
ខេត្តកំពង់ធំ ៖ ចោរលួចម៉ូតូម្នាក់ត្រូវបានសមត្ថកិច្ចស្រាវជ្រាវចាប់វាយខ្នោះ បន្ទាប់ពីទទួលបានពាក្យបណ្តឹងពីម្ចាស់ពាក់ព័ន្ធករណីខាងលើនេះ។ លោកវរសេនីយ៍ត្រី វ៉ន សុភ័ណ
ខេត្តកំពង់ធំ ៖ ចោរលួចម៉ូតូម្នាក់ត្រូវបានសមត្ថកិច្ចស្រាវជ្រាវចាប់វាយខ្នោះ បន្ទាប់ពីទទួលបានពាក្យបណ្តឹងពីម្ចាស់ពាក់ព័ន្ធករណីខាងលើនេះ។ លោកវរសេនីយ៍ត្រី វ៉ន សុភ័ណ អធិការរងនគរបាលស្រុកស្ទោងបានឲ្យដឹងថា មុខសញ្ញាចោរលួចម៉ូតូរបស់ប្រជាពលរដ្ឋត្រូវបានកម្លាំងនគរបាលរបស់លោកធ្វើការឃាត់ខ្លួនបានកាលពីថ្ងៃទី២៤ ខែតុលា ឆ្នាំ២០១៦ បន្ទាប់ពីទទួលបានពាក្យបណ្តឹងពីជនរងគ្រោះជាម្ចាស់ម៉ូតូឈ្មោះ យ៉ុម ចាមរី ភេទស្រី អាយុ២៣ឆ្នាំ រស់នៅភូមិសំព័រ ឃុំចំណាក្រោម ស្រុកស្ទោង ខេត្តកំពង់ធំ ថាបានបាត់ម៉ូតូ១គ្រឿងម៉ាកហុងដាវ៉េវ ពណ៌ក្រហម ពាក់ស្លាកលេខ កំពង់ធំ 1C-6637 ខណៈរូបគាត់ទុកចោលនៅក្រោមផ្ទះលុះព្រឹកឡើងថ្ងៃទី២៤ ខែតុលា ទើបដឹងថាបាត់ម៉ូតូក៏ប្តឹងសមត្ថកិច្ច ក៏ចុះធ្វើការស្រាវជ្រាវរហូតឃាត់ខ្លួនជនសង្ស័យបាន រួមជាវត្ថុតាងម៉ូតូ១គ្រឿងនៅថ្ងៃដដែលនៅចំណុចភូមិត្រពាំងឬស្សី ឃុំពពក ស្រុកស្ទោង ជនរងគ្រោះ និងជនសង្ស័យរស់នៅភូមិឃុំកើតហេតុជាមួយគ្នា។
នៅចំពោះមុខសមត្ថកិច្ចជនសង្ស័យឈ្មោះ ផន ភ័ណ ភេទប្រុស អាយុ២៧ឆ្នាំ បានសារភាពថាខ្លួនពិតជាបានលួចយកម៉ូតូរបស់ជនរងគ្រោះខាងលើពិតប្រាកដមែន ហើយការលួចយកម៉ូតូនេះគឺ មិនមានបំណងយកទៅលក់នោះទេ គឺគ្រាន់លួចយកជិះពីឃុំចំណាក្រោមស្រុកស្ទោង ហើយជិះទៅជួបឪពុក ដែលបានលែងលះគ្នាជានឹងម្តាយរបស់ខ្លួន ហើយទៅរស់នៅឯឃុំពពក ស្រុកស្ទោង តែប៉ុណ្ណោះ។ នៅពេល ដែលកំពុងតែជិះម៉ូតូក៏អស់សាំងហើយខូចទៀត កំពុងតែបណ្តើរម៉ូតូក៏ត្រូវសមត្ថកិច្ចឃាត់តែម្តង។ បន្ទាប់ពីធ្វើការសាកសួរ និងធ្វើកំណត់ហេតុរួច ម៉ូតូក៏ត្រូវបានប្រគល់ជូនម្ចាស់វិញ ចំណែកជនសង្ស័យត្រូវបានកសាងសំណុំរឿងដើម្បីបញ្ជូនទៅកាន់សាលាដំបូងខេត្តចាត់ការតាមផ្លូវច្បាប់៕
ចែករំលែកព័តមាននេះ