ខេត្តបន្ទាយមានជ័យ ៖ ប្រភពព័ត៌មានបានដឹងថា មន្ត្រីកងរាជអាវុធហត្ថក្រុងប៉ោយប៉ែត៤នាក់ ត្រូវបានហៅមកសាកសួរហើយចេញដិការឃាត់ខ្លួនមានចំនួន៤នាក់ ១.លោកអនុសេនីយ៍ឯក តែម ប៊ូឡា
ខេត្តបន្ទាយមានជ័យ ៖ ប្រភពព័ត៌មានបានដឹងថា មន្ត្រីកងរាជអាវុធហត្ថក្រុងប៉ោយប៉ែត៤នាក់ ត្រូវបានហៅមកសាកសួរហើយចេញដិការឃាត់ខ្លួនមានចំនួន៤នាក់ ១.លោកអនុសេនីយ៍ឯក តែម ប៊ូឡា មេបញ្ជាការរងកងរាជអា វុធហត្ថក្រុងប៉ោយប៉ែត ២.លោក គង់ វីរៈ (ជាមន្ត្រីកងរាជអាវុធហត្ថក្រុង) ៣.លោក សំ សូណែល (ជាមន្ត្រីកងរាជអាវុធហត្ថក្រុង) ៤.ឈ្មោះ ច័ន្ទ ហាវ (ជាមន្ត្រីកងរាជអាវុធហត្ថក្រុង) ។
សូមរម្លឹកឡើងវិញថា កាលពីយប់ថ្ងៃទី១៣ ខែតុលាឆ្នាំ២០១៦ មានជនរងគ្រោះឈ្មោះ តាន់ សុផៃ ភេទប្រុស អាយុ៤៣ឆ្នាំ ដែលរស់នៅសង្កាត់/ក្រុងប៉ោយប៉ែត បានបាត់់លុយក្នុងរថយន្តចំនួន៥៤ម៉ឺនបាត ខណៈពេលភ្លេចចាក់ទ្វារសោររថយន្ត ដែលកើតឡើងនៅក្នុងផ្សាឡុងក្លឿរប្រទេសថៃ ។ ក្រោយពេលជនរងគ្រោះបាត់លុយក្នុងរថយន្តបានប្តឹងកម្លាំងកងរាជអាវុធហត្ថក្រុងប៉ោយប៉ែតជួយអន្តរាគមន៍ ហើយដឹកនាំដោយលោកអនុសេនីយ៍ឯក តែម ប៊ូឡា មេបញ្ជាការរងកងរាជអាវុធហត្ថក្រុងប៉ោយប៉ែត មន្ត្រីកងរាជអាបុធហត្ថក្រុងមានលោក គង់ វីរៈ លោកសំ សូណែល លោក ច័ន្ទ ហាវ បានចុះស្រាវជ្រាវចាប់បានចោរជាបន្តបន្ទាប់បានចំនួន៣នាក់ និងរឹបអូសវត្ថុតាងមានលុយចំនួន១៣៦,៧៥០បាត កាលល្ងាចម៉ោង៥ ថ្ងៃទី១៤ ខែតុលា ឆ្នាំ២០១៦ នៅចំណុចភូមិក្បាលស្ពាន សង្កាត់/ក្រុងប៉ោយប៉ែត។ ជនសង្ស័យ៣នាក់ ១.ឈ្មោះ រី ខន ភេទប្រុសអាយុ៣១ឆ្នាំ ២.ឈ្មោះ ឯម ចាន់ថន ភេទប្រុសអាយុ២៩ឆ្នាំ ៣.ឈ្មោះ វឿន វ៉ាន់ ភេទប្រុសអាយុ២៤ ឆ្នាំ ជនសង្ស័យ៣នាក់ស្នាក់នៅភូមិក្បាលស្ពានសង្កាត់/ក្រុងប៉ោយប៉ែត។
ព័ត៌មានបានដឹងថា ក្រោយពេលដែលកម្លាំងកងរាជអាវុធហត្ថឃាត់ខ្លួនជនសង្ស័យ៣នាក់ និងរឹបអូសរកឃើញលុយនៅចំនួន១៣៦,៧៥០បាត ប្រគល់ជូនម្ចាស់ឈ្មោះ តាន់ សុផៃ កាលពីថ្ងៃទី១៧ ខែតុលា ឆ្នាំ២០១៦ ។ នៅសល់លុយចំនួន៤០៣,២៦០ដែលបាត់ ។ ដោយយោងតាមចម្លើយសារភាពពីជនសង្ស័យ លុយដែលបាត់គឺពាក់ព័ន្ធនិងកម្លាំងកងរាជអាវុធហត្ថក្រុងប៉ោយប៉ែតដែលបង្ក្រាប ទើបធ្វើការស្រាវជ្រាវពាក់ព័ន្ធមន្ត្រីជំនាញកងរាជអាវុធហត្ថក្រុងប៉ោយប៉ែ៤នាក់ បានហៅមកសាកសួរ ហើយឃាត់ខ្លួនចំនួន៤នាក់ នៅថ្ងៃទី២០ ខែតុលា ឆ្នាំ២០១៦ បានបញ្ជូនទៅឃុំខ្លួនបណ្តុះអាសន្ននៅពន្ធនាគារខេត្តបន្ទាយមានជ័យ នៅថ្ងៃទី២១ ខែតុលា ឆ្នាំ២០១៦៕
ចែករំលែកព័តមាននេះ