រាជធានីភ្នំពេញ ៖ វិសាខបូជា គឺជាបុណ្យដ៏ធំមួយក្នុងព្រះពុទ្ធសាសនា ដែលប្រទេសកម្ពុជាបានចាត់ទុកថា ជាបុណ្យជាតិ និងនាំមកនូវមហាសិរីមង្គលដ៏អស្ចារ្យ ។ មិនតែប៉ុណ្ណោះប្រទេសជាច្រើនដែលជាសមាជិកនៃអង្គការសហប្រជាជាតិ ក៏បានអនុម័ត…
រាជធានីភ្នំពេញ ៖ វិសាខបូជា គឺជាបុណ្យដ៏ធំមួយក្នុងព្រះពុទ្ធសាសនា ដែលប្រទេសកម្ពុជាបានចាត់ទុកថា ជាបុណ្យជាតិ និងនាំមកនូវមហាសិរីមង្គលដ៏អស្ចារ្យ ។
មិនតែប៉ុណ្ណោះប្រទេសជាច្រើនដែលជាសមាជិកនៃអង្គការសហប្រជាជាតិ ក៏បានអនុម័ត និងទទួលស្គាល់វិសាខបូជាថា ជាបុណ្យអន្តរជាតិទៀតផង ។
បុណ្យវិសាខបូជាត្រូវបានប្រារព្ធឡើង ដើម្បីរម្លឹកដល់ព្រឹត្តិការណ៍ពិសេសចំនួន៣ ដែលទាក់ទងនឹងដំណើរជីវិតរបស់ព្រះបរមសាស្តា គឺ១-ព្រះអង្គប្រសូតចាកឧទរមាតា ២-ព្រះអង្គត្រាស់ដឹង និង៣- ទ្រង់ចូលព្រះនិព្វាន ។
សូមបញ្ជាក់ថា ព្រះបរមគ្រូទ្រង់ប្រសូត ត្រាស់ដឹង និងបរិនិព្វាន ក្នុងថ្ងៃ១៥កើត ពេញបូណ៌មី ខែវិសាខដូចគ្នា គឺខុសតែឆ្នាំប៉ុណ្ណោះ ។
អាស្រ័យដោយលក្ខណៈដ៏ពិសេសនៃបុណ្យវិសាខបូជាដូចពោលមកនេះ លោកអ្នកប្រាជ្ញខាងព្រះពុទ្ធសាសនាបានកំណត់ទុកក្នុងគម្ពីរសាសនាថា ជាមហាមង្គលដ៏វិសេសវិសាលអស្ចារ្យ ។
ពុទ្ធបរិស័ទក្នុងប្រទេសទាំងឡាយ ដែលរាប់អានព្រះពុទ្ធសាសនាបាននាំគ្នាធ្វើវិសាខបូជានៅថ្ងៃពេញបូណ៌មីខែពិសាខ តាំងពីបុរាណកាលរៀងដរាបមក ។ តាមការស្រាវជ្រាវគេបានដឹងថា បុណ្យវិសាខបូជាទំនងជាធ្វើនៅក្រោយពុទ្ធបរិនិព្វានច្រើនរយឆ្នាំ ។ គេថាប្រទេសឥណ្ឌា និងប្រទេសស្រីលង្កាបានប្រារព្ធពិធីបុណ្យនេះជាយូរយារណាស់មកហើយ ៕
ចែករំលែកព័តមាននេះ