ចូលសណ្ឋាគារជាមួយសង្សារ ព្រឹកឡើងត្រដរខ្យល់រហូតស្លា.ប់
រាជធានីភ្នំពេញ ៖ សេចក្តីរាយការណ៍បានឱ្យដឹងថា នារីវ័យក្មេងម្នាក់បានត្រដរខ្យល់រហូតគាំងបេះដូងស្លា.ប់បន្ទាប់ពីនាងបានចូលសណ្ឋាគារជាមួយសង្សាររបស់នាង …
រាជធានីភ្នំពេញ ៖ សេចក្តីរាយការណ៍បានឱ្យដឹងថា នារីវ័យក្មេងម្នាក់បានត្រដរខ្យល់រហូតគាំងបេះដូងស្លាប់បន្ទាប់ពីនាងបានចូលសណ្ឋាគារជាមួយសង្សាររបស់នាងកាលពីយប់ បង្កឲ្យមានការភ្ញាក់ផ្អើលកាលពីវេលាម៉ោង៥ព្រឹក ថ្ងៃទី២៥ ខែតុលា ឆ្នាំ២០១៦ នៅក្នុងសណ្ឋាគារ «មេគង្គ ហេង មហាផល» ស្ថិតលើវិថីកែវចិន្តា ក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារ ។
ប្រភពឱ្យដឹងថា នារីរងគ្រោះដែលស្លាប់អាយុ២៥ឆ្នាំ ជានារីបម្រើការងារនៅក្នុងខារ៉ាអូខេ៧២ ម្តុំដំបូកខ្ពស់ មានស្រុកកំណើតនៅភូមិព្រែកបុក ឃុំព្រែកស្ពឺ ស្រុកកោះធំ ខេត្តកណ្តាល ចំណែកសង្សាររបស់នាងមិនទាន់ត្រូវបានគេស្គាល់អត្តសញ្ញាណនៅឡើយទេ គ្រាន់តែដឹងថា ជាមន្ត្រីអាវុធហត្ថរាជធានីភ្នំពេញ ។
ប្រភពបន្តថា នារីរងគ្រោះនិងបុរសជាអាវុធហត្ថខាងលើត្រូវគេដឹងថា មានទំនាក់ទំនងស្នេហានឹងគ្នា ហើយមុនពេលកើតហេតុ ពួកគេទាំង២នាក់បានទៅចូលរួមក្នុងពិធីផឹកស៊ីជួបជុំមិត្តភក្តិខាងបុរសអាវុធហត្ថនៅម្តុំបឹងត្របែក ។ បន្ទាប់ពីផឹកស៊ីរួច ពួកគេទាំង២នាក់ទៅជួលសណ្ឋាគារខាងលើដើម្បីស្នាក់នៅ ។ លុះនៅវេលាម៉ោង៥ព្រឹកថ្ងៃកើតហេតុក៏មានការភ្ញាក់ផ្អើលថា នារីរងគ្រោះបានត្រដរខ្យល់រហូតគាំងបេះដូងស្លាប់តែម្តង ។
ទោះបីជាយ៉ាងណា ករណីនេះសមត្ថកិច្ចកំពុងធ្វើការពិនិត្យ និងស្រាវជ្រាវបន្ត ហើយចំពោះសាកសពនារីរងគ្រោះបន្ទាប់ពីពិនិត្យ និងធ្វើកោសល្យវិច្ច័យរួចបានប្រគល់ទៅឱ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ