ព្រោះតែខឹងរឿងមួយនាពេលកន្លងមក បុរសជាងម៉ូតូស្ទុះកា.ប់បុរសកាត់សក់ផ្អើល
- ភ្នំពេញ
បុរសជាជាងម៉ូតូម្នាក់ ត្រូវបានកម្លាំងនគរបាលប៉ុស្តិ៍ច្រាំងចំរេះទី១ ឃាត់ខ្លួន បន្ទាប់ពីប្រើហិ.ង្សាដោយចេតនា មានស្ថានទម្ងន់ទោស
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាជាងម៉ូតូម្នាក់ ត្រូវបានកម្លាំងនគរបាលប៉ុស្តិ៍ច្រាំងចំរេះទី១ ឃាត់ខ្លួន បន្ទាប់ពីប្រើហិ.ង្សាដោយចេតនា មានស្ថានទម្ងន់ទោស យកកាំបិតកា.ប់ទៅលើអ្នកជិតខាង ចំនួន២ផ្គាក់ បណ្តាលអោយរបួសធ្ងន់ ដោយសារតែខឹងរឿងឌឺដងនាពេលកន្លងមក ។
សេចក្តីរាយការណ៍បន្តថា ការឃាត់ខ្លួនជនដៃដល់ខាងលើនេះ បានធ្វើឡើងកាលពីវេលាម៉ោងប្រមាណ១២និង៣០នាទីរំលងអធ្រាត្រចូលថ្ងៃទី១៣ ខែឧសភា ឆ្នាំ២០២២ នៅចំណុចផ្ទះលេខ២២៣ ផ្លូវលេខ៥ ក្រុមទី៣ ស្ថិតក្នុងភូមិ៣ សង្កាត់ច្រាំងចំរេះទី១ ខណ្ឌឫស្សីកែវ ។
សេចក្តីរាយការណ៍បន្តថា ជនដៃដល់ដែលត្រូវឃាត់ខ្លួនមានឈ្មោះ ជី ទូច ភេទប្រុស អាយុ៤៨ឆ្នាំ មុខរបរជាជាងម៉ូតូ មានទីលំនៅផ្ទះលេខ២២១E ក្បែរកន្លែងកើតហេតុខាងលើ ។ ចំណែកជនរងគ្រោះឈ្មោះ សៀ ផានិត ភេទប្រុស អាយុ២០ឆ្នាំ ជាជាងកាត់សក់ ស្នាក់នៅកន្លែងកើតហេតុខាងលើ និងមានទីលំនៅភូមិគោហេ ឃុំរការកោងទី១ ស្រុកមុខកំពូល ខេត្តកណ្តាល បានរងរបួសរយះប្រអប់ដៃធ្ងន់ធ្ងរ។
តាមនគរបាលបានអោយដឹងថា នៅមុនពេលកើតហេតុ ជនដៃដល់បាននាំគ្នាផឹកស្រាស្រវឹង ហើយក៏បានផ្ទុះកំហឹងខឹងអ្នកជិតខាងដែលបាននិយាយឌឺដងកន្លងមក ក៏បានស្ទុះទៅយកកាំបិតផ្គាក់មកកា.ប់ទៅលើជនរងគ្រោះចំនួន២កាំបិតផ្គាក់ ដោយត្រូវចំប្រអប់ដៃស្តាំ និងឆ្វេងរងរបួសធ្ងន់។ ខណៈនោះ ត្រូវបានកម្លាំងនគរបាលមូលដ្ឋាន ជិះល្បាតជួយអន្តរាគមន៍ឃាត់ខ្លួនជនដៃដល់ រួចបញ្ជូនទៅកាន់អធិការដ្ឋាន ដើម្បីចាត់ការតាមច្បាប់។ បន្ទាប់ពីឃាត់ខ្លួន សមត្ថកិច្ច ក៏បានដកហូតកាំបិតផ្គាក់ផងដែរ៕
ចែករំលែកព័តមាននេះ