រាជធានីភ្នំពេញ ៖ សន្តិសុខបុរី “សម្បត្តិមានហេង” ម្នាក់ត្រូវរងរបួសធ្ងន់ធ្ងររហូតត្រូវប្រកាច់ ក្នុងជម្លោះពាក្យសម្តីគ្នារវាងក្រុមសន្តិសុខ នៃបុរីខាងលើ មួយក្រុមមានគ្នា៣នាក់ ជាមួយនឹងលោក ហួរ ហួត ជាចៅសង្កាត់ព្រែកប្រា
រាជធានីភ្នំពេញ ៖ សន្តិសុខបុរី “សម្បត្តិមានហេង” ម្នាក់ត្រូវរងរបួសធ្ងន់ធ្ងររហូតត្រូវប្រកាច់ ក្នុងជម្លោះពាក្យសម្តីគ្នារវាងក្រុមសន្តិសុខ នៃបុរីខាងលើ មួយក្រុមមានគ្នា៣នាក់ ជាមួយនឹងលោក ហួរ ហួត ជាចៅសង្កាត់ព្រែកប្រា កាលពីវេលាម៉ោង១៧ និង៤៥នាទីល្ងាច ថ្ងៃទី២៤ ខែតុលា ឆ្នាំ២០១៦ នៅចំណុចក្លោងទ្វារច្រកចូល ក្នុងបុរីសម្បត្តិមានហេង ស្ថិតក្នុងភូមិឈូក សង្កាត់និរោធ ខណ្ឌច្បារអំពៅ ។
ជនរងគ្រោះដែលរងរបួសខាងលើមានឈ្មោះ មាស ដុំដី ភេទប្រុស អាយុ១៩ឆ្នាំ មានមុខរបរជាសន្តិសុខយាមនៅបុរីខាងលើ ។
ប្រភពព័ត៌មានបានអោយដឹងថា ដំណើររឿងដំបូងឡើយ គឺលោកចៅសង្កាត់ បានបើករថយន្តមិនចាំម៉ាក មកពីធ្វើការ ដោយចតនៅមុខផ្ទះរបស់ខ្លួន ពេលនោះសន្តិសុខយាមបុរីម្នាក់ បានដើរទៅប្រាប់ អោយលោកចៅសង្កាត់ចតទៅខាងមុខបន្តិចទៅ… ព្រោះចតបែបហ្នឹង ចតទើបផ្លូវចូលក្នុងបុរីរបស់ម្ចាស់ខ្លួន ។ ពេលនោះ លោក ហួរ ហួត ចៅសង្កាត់ព្រែកប្រា ក៏បានដើរសំដៅមកសួរនាំសន្តិសុខខាងលើ ដើម្បីសួរនាំអោយច្បាស់ថា ហេតុអ្វីបានជាមកនិយាយពាក្យខាងលើដាក់គាត់ ព្រោះគាត់ចតនៅមុខផ្ទះរបស់គាត់ទេតើ?
ប្រភពព័ត៌មានអោយដឹងថា រំពេចភ្លាមនោះ ស្រាប់តែលិចមុខសន្តិសុខ ២នាក់ផ្សេងទៀត ដើរមកក្បែរ ប៉ុន្តែមិនដឹងថា បាននិយាយអ្វីខ្លះ ជាមួយលោកចៅសង្កាត់ទេ ក៏ត្រូវលោកហួរ ហួត វាយ១ដៃចំក្បាលផ្ទប់ទៅនឹងជញ្ជាំងពេញទំហឹង បណ្តាលអោយប្រកាច់ រហូតសន្លប់សន្តូកស្តឹងតែម្តង ។ ភ្លាមៗនោះ សន្តិសុខដែលរងរបួស ត្រូវបញ្ចូនទៅសង្គ្រោះនៅមន្ទីរពេទ្យបង្អែកច្បារអំពៅ ហើយក៏ត្រូវបញ្ចូនបន្តទៅមន្ទីរពេទ្យមិត្តភាពខ្មែរ-សូវៀត ព្រោះតែសភាពរបួសធ្ងន់ធ្ងរពេក ៕
ចែករំលែកព័តមាននេះ