បន្ទាប់ពីឆ្លើយសារភាព តាមចាប់បក្សពួកជនជាតិថៃដល់បន្ទាយមានជ័យ
ខេត្តបន្ទាយមានជ័យ ៖ យោងតាមចម្លើយសារភាពរបស់ជនសង្ស័យម្នាក់ដែលត្រូវបានឃាត់ខ្លួននៅខេត្តព្រះវិហារកាលពីថ្ងៃទី១៥ ខែតុលា សមត្ថកិច្ចខេត្តបន្ទាយមានជ័យ …
ខេត្តបន្ទាយមានជ័យ ៖ យោងតាមចម្លើយសារភាពរបស់ជនសង្ស័យម្នាក់ដែលត្រូវបានឃាត់ខ្លួននៅខេត្តព្រះវិហារកាលពីថ្ងៃទី១៥ ខែតុលា សមត្ថកិច្ចខេត្តបន្ទាយមានជ័យ …
ខេត្តបន្ទាយមានជ័យ ៖ យោងតាមចម្លើយសារភាពរបស់ជនសង្ស័យម្នាក់ដែលត្រូវបានឃាត់ខ្លួននៅខេត្តព្រះវិហារកាលពីថ្ងៃទី១៥ ខែតុលា សមត្ថកិច្ចខេត្តបន្ទាយមានជ័យនៅថ្ងៃទី២៤ ខែតុលា ឆ្នាំ២០១៦ បានដឹកនាំកម្លាំងទៅចាប់ខ្លួនបានបក្សពួកម្នាក់ទៀតជាជនជាតិថៃតែរស់នៅភូមិបឹងបេង ឃុះបឹងបេង ស្រុកម៉ាឡៃ ខេត្តបន្ទាយមានជ័យ ។
គួររម្លឹកថា កម្ពុជាគួរប្រកាសសង្គ្រាមប្រឆាំងគ្រឿងញៀន ខណៈសមត្ថកិច្ចព្រះវិហារចាប់បានជាង១៤ម៉ឺនគ្រាប់
លោកវរសេនីយ៍ឯក ចាប សុផារិទ្ធ ស្នងការរងនគបាលខេត្តបន្ទាយមានជ័យ បានឲ្យដឹងថា ជនសង្ស័យដែលត្រូវបានឃាត់ខ្លួនឈ្មោះ ឆ ភិឆិតឆៃ ភេទប្រុស អាយុ៥៣ឆ្នាំ ជាជនជាតិថៃ មានមុខរបរជាមេខ្យល់នាំពលករទៅប្រទេសដោយខុសច្បាប់ និងជួញដូរគ្រឿងញៀន ហើយជននេះមានប្រពន្ធជាជនជាតិខ្មែរឈ្មោះ អេក ណាក់ អាយុ២៦ឆ្នាំ មានកូនចំនួន៣នាក់ រស់នៅភូមិបឹងបេង ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។
លោកបានបន្តថា ជនសង្ស័យត្រូវបានឃាត់ខ្លួនដោយអនុវត្តតាមដីកាបង្គាប់របស់លោក មាស ច័ន្ទពិសិទ្ធ ព្រះរាជអាជ្ញាអមសាលាដំបូងខេត្តបន្ទាយមានជ័យ ដែលលោក សុខ កែវបណ្ឌិត ព្រះរាជអាជ្ញារងអបសាលាដំបូងខេត្តដឹកនាំកម្លាំងនគបាលជំនាញខេត្តបន្ទាយមានជ័យសហការជាមួយកម្លាំងនគបាលជំនាញខេត្តព្រះវិហារទៅបង្ក្រាប និងឃាត់ខ្លួនជនសង្ស័យ ។
លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យ បានឲ្យដឹងថា សង្ស័យឈ្មោះ ឆ ភិឆិតឆៃ (ជនជាតិថៃ) ត្រូវបានឃាត់ខ្លួនដោយយោងតាមចម្លើយសារភាពជនសង្ស័យឈ្មោះ គង់ វិច ភេទប្រុស អាយុ៣២ឆ្នាំ រស់នៅភូមិគីឡូម៉ែត្រលេខ១៣ ឃុំសន្តិភាព ស្រុកសំពៅលូន ខេត្តបាត់ដំបង ដែលត្រូវបានកម្លាំងនគបាលខេត្តព្រះវិហារឃាត់ខ្លួនកាលពីថ្ងៃទី១៥ ខែតុលា ឆ្នាំ២០១៦ នៅចំណុចភូមិមហាផល ឃុំឈានមុខ ស្រុកត្បែងមានជ័យ ខេត្តព្រះវិហារ ដោយរឹបអូសវត្ថុតាងគ្រឿងញៀនប្រភេទមេតំហ្វេតាមីន(ហៅយ៉ាម៉ា)ចំនួន១៤៤.០០០គ្រាប់ និងមធ្យបាយមានរថយន្ត១គ្រឿង ទូរស័ព្ទដៃ១គ្រឿង ដាវសាម៉ូរ៉ៃ១ ។
លោកស្នងការបន្តថា ក្រោយពេលដែលកម្លាំងនគបាលខេត្តព្រះវិហារឃាត់ខ្លួនជនសង្ស័យឈ្មោះ គង់ វិច នាំយកមកសាកសួរនៅស្នងការនគបាលខេត្ត ជនសង្ស័យបានឆ្លើយសារភាពថា គ្រឿងញៀនទាំងនេះគេយកទៅឲ្យឈ្មោះ ឆ ភិឆិតឆៃ ជាជនជាតិថៃ នៅស្រុកម៉ាឡៃ ។
លោកឧត្តមសេនីយ៍ទោ អាត់ ខែម បន្តថា តាមការស្រាវជ្រាវ ជនសង្ស័យជាជនជាតិថៃម្នាក់នេះគឺជាមុខសញ្ញមេខ្យល់នាំពលករខ្មែរឆ្លងដែនខុសច្បាប់ដែលនាំចេញតាមច្រកបឹងបេង ស្រុកម៉ាឡៃ ឆ្លងទៅប្រទេសថៃ ។ តាមចម្លើយសារភាព ជនសង្ស័យធ្លាប់ជួញដូរគ្រឿងញៀន៣លើកមកហើយ ដែលនាំចូលពីប្រទេសឡាវឆ្លងកាត់ខេត្តស្ទឹងត្រែង ខេត្តព្រះវិហារ ចូលស្រុកម៉ាឡៃ រួចនាំចេញទៅប្រទេសថៃតាមរយៈពលករខុសច្បាប់ ៕
ចែករំលែកព័តមាននេះ