យន្តហោះមួយគ្រឿងដែលបំពេញបេសកកម្មស៊ើបការណ៍នៅសមុទ្រមេឌីទែរ៉ាណេសម្រាប់ក្រសួងការពារប្រទេសបារាំងបានធ្លាក់កាលពីព្រឹកថ្ងៃទី២៤ តុលា នៅម៉ាល់តា បណ្តាលឱ្យស្លា.ប់ជនជាតិបារាំង៥នាក់
យន្តហោះមួយគ្រឿងដែលបំពេញបេសកកម្មស៊ើបការណ៍នៅសមុទ្រមេឌីទែរ៉ាណេសម្រាប់ក្រសួងការពារប្រទេសបារាំងបានធ្លាក់កាលពីព្រឹកថ្ងៃទី២៤ តុលា នៅម៉ាល់តា បណ្តាលឱ្យស្លាប់ជនជាតិបារាំង៥នាក់ជិះក្នុងយន្តហោះនោះ ។
យន្តហោះធុនFAIRCCHILD METROLINER MARK III នោះបានហោះចេញនាវេលាម៉ោង៧និង២០នាទីព្រឹកតែធ្លាក់ប៉ុន្មានវិនាទីក្រោយមកលើផ្លូវមួយព័ទ្ធជុំវិញព្រលានយន្តហោះហើយត្រូវភ្លើងឆាបឆេះ ។
យោងតាមសេចក្តីប្រកាសមួយរបស់ក្រសួងការពារប្រទេសបារាំងថា យន្តហោះនោះបំពេញបេសកកម្មស៊ើបការណ៍នៅសមុទ្រមេឌីទែរ៉ាណេ ។ លើយន្តហោះនោះមានបុគ្គលិកក្រសួងការពារប្រទេសបារាំង៣នាក់ និងអ្នកជួលធ្វើការឯកជន២នាក់ ។
រដ្ឋាភិបាលម៉ាល់តា អះអាងក្នុងសេចក្តីប្រកាសមួយថា សាកសពបុរសជនជាតិបារាំង៥នាក់ត្រូវបានរកឃើញនៅកន្លែងយន្តហោះធ្លាក់ ។ ការស៊ើបអង្កេតត្រូវបានបើកធ្វើដើម្បីសាកល្បងកំណត់មូលហេតុនៃសោកនាដកម្មនោះ ៕
ចែករំលែកព័តមាននេះ