ចាន់ វឌ្ឍនាកា ស៊ីដាច់ស្ពតពាណិជ្ជកម្ម
រាជធានីភ្នំពេញ ៖ មានការចាប់អារម្មណ៍មិនតិចនោះទេ បន្ទាប់ពីកីឡាករបាល់ទាត់ល្បីឈ្មោះ លោកចាន់ វឌ្ឍនាកា ត្រូវគេឃើញឡើងកូដ និងមានទីផ្សារក្នុងស្ពតពាណិជ្ជកម្ម ធំៗកាន់តែច្រើននាពេលចុងក្រោយ ។
រាជធានីភ្នំពេញ ៖ មានការចាប់អារម្មណ៍មិនតិចនោះទេ បន្ទាប់ពីកីឡាករបាល់ទាត់ល្បីឈ្មោះ លោកចាន់ វឌ្ឍនាកា ត្រូវគេឃើញឡើងកូដ និងមានទីផ្សារក្នុងស្ពតពាណិជ្ជកម្ម ធំៗកាន់តែច្រើននាពេលចុងក្រោយ ។
រាជធានីភ្នំពេញ ៖ មានការចាប់អារម្មណ៍មិនតិចនោះទេ បន្ទាប់ពីកីឡាករបាល់ទាត់ល្បីឈ្មោះ លោកចាន់ វឌ្ឍនាកា ត្រូវគេឃើញឡើងកូដ និងមានទីផ្សារក្នុងស្ពតពាណិជ្ជកម្ម ធំៗកាន់តែច្រើននាពេលចុងក្រោយ ។ ធៀបនឹងតារាសិល្បៈលេចធ្លោ តារាបាល់ទាត់រូបនេះទទួលបានឱកាសថតស្ពតធំៗច្រើនជាងនោះផង បន្ទាប់ពីលោកបានក្លាយជាកីឡាករឆ្នើមលំដាប់ប្រទេស។ ក្នុងនោះសូម្បីតែព័ត៌មានឯកជនរបស់លោកក៏ត្រូវគេតាមប្រមាញ់ច្រើនឡើងមិនអន់ជាងតារាល្បីឈ្មោះក្នុងពិភពសិល្បៈនោះដែរ ។
ភ្លាមៗបន្ទាប់ពីមានឈ្មោះបោះសំឡេងក្នុងពិភពបាល់ទាត់ កីឡាករចាន់ វឌ្ឍនាកា គ្រាន់តែបានទាក់ទាញក្រុមហ៊ុនតិចតួចប៉ុណ្ណោះឱ្យថតផ្សាយពាណិជ្ជកម្ម ខណៈដែលក្រុមហ៊ុនដែលជ្រើសលោកឱ្យធ្វើជាតួសម្ដែងក៏ទាល់តែជាក្រុមហ៊ុនដែលឧបត្ថម្ភក្នុងវិស័យបាល់ទាត់នោះទៅទៀត ។ ប៉ុន្តែបើក្រឡេកមើលទីផ្សារនាពេលបច្ចុប្បន្ន កីឡាករពាក់អាវលេខ១១រូបនេះស្ទុះប្លែកតែជាមួយនឹងឱកាសថតស្ពតពាណិជ្ជកម្មធំៗ ។ ស្ពតដែលលោកបង្ហាញខ្លួនសឹងមិនមានស្ពតណាដែលមិនមានថវិកាផ្សព្វផ្សាយគគ្រឹកគគ្រេងនៅលើកញ្ចក់ទូរទស្សន៍ និងដាក់ជាផ្ទាំងប៉ាណូធំៗនៅតាមទីសាធារណៈនោះទេ ទើបបណ្ដាលឱ្យកេរ្តិ៍ឈ្មោះរបស់កីឡាកររូបនេះលេចធ្លោ ។ លោកបានបង្ហាញខ្លួនថតស្ពតធំដំបូងឱ្យក្រុមហ៊ុនទូរស័ព្ទចល័តថ្មីមួយ ដោយស្ពតមួយនោះត្រូវគេឃើញផ្សព្វផ្សាយមិនណយនោះទេនៅក្នុងកម្មវិធីទូរទស្សន៍ និងទីសាធារណៈ។ បន្តបន្ទាប់មក លោកក៏មានឱកាសលេចមុខក្នុងស្ពតខោក្នុងនិងស្ពតរបស់ក្រុមហ៊ុនធំៗមួយចំនួនផ្សេងទៀត ដែលឱកាសទាំងនោះគឺទាល់តែជាតារាល្បីនៅក្នុងពិភពសិល្បៈទើបទទួលបាន ។
លោកកាន់តែធ្វើឱ្យមានការចាប់អារម្មណ៍បន្ថែមទៀត បន្ទាប់ពីលេចមុខក្នុងនាមជាតួសំខាន់ម្នាក់ក្នុងស្ពតម៉ូតូហុងដា ដែលជាស្ពតធំប្រចាំឆ្នាំដែលក្រៅពីទទួលបានតម្លៃខ្លួនខ្ពស់ ក៏ជាស្ពតដែលមហាជនតាមដានខ្លាំងជាងបណ្ដាស្ពតផ្សេងទៀត ។ មានការបន្លុយពាក្យថា កីឡាករ ចាន់ វឌ្ឍនាកា មានត្រេមុខសក្ដិសមជាតួ និងមានប្រជាប្រិយក្នុងចង្កោមមហាជន ជាពិសេសអ្នកស្នេហាវិស័យបាល់ទាត់ ទើបធ្វើឱ្យបណ្ដាក្រុមហ៊ុនមួយចំនួនចាប់អារម្មណ៍ចង់បានកីឡាកររូបនេះជាតួថតស្ពត ។ ក្រុមផលិតករដែលបានធ្វើការជាមួយលោកចាន់ វឌ្ឍនាកា បានបង្ហាញអារម្មណ៍កោតសរសើរថាលោកជាតារាដែលអាចសម្ដែងបានតាមការតម្រូវមិនចាញ់អ្នកសិល្បៈនោះផង ទើបគេចេះតែជ្រើសរើសឱ្យធ្វើជាតារាស្ពត ។
ក្រុមអ្នកតាមដានពីជីវិតឯកជនរបស់កីឡាករ រូបនេះបានលើកឡើងថា ក្រោយពីមានព័ត៌មានបែកបាក់ជាមួយកីឡាការិនីហែលទឹក ហែមថុន វិទិនី បន្ទាប់ពីបើកទូលាយស្នេហ៍ កីឡាករចាន់ វឌ្ឍនាកា មិនត្រឹមតែក្លាយជាកីឡាករដែលមានមុខច្រើននៅលើបណ្ដាញសារព័ត៌មានប៉ុណ្ណោះទេ ប៉ុន្តែក៏មានទីផ្សារថតស្ពតយ៉ាងចម្លែកផងដែរ ។ តាំងពីពាក់កណ្ដាលឆ្នាំ២០១៦ រហូតមក លោកទទួលបានស្ពតធំៗចំនួន៣-៤ ដែលការបង្ហាញខ្លួនទាំងនោះក៏ជួយឱ្យលោកកាន់តែលេចធ្លោ និងមានចំណូលខ្ពស់ខុសពីកីឡាករល្បីឈ្មោះរួមជំនាន់នោះផងដែរ ។ នៅមិនទាន់មានការបញ្ជាក់ថា លោកថតស្ពតមួយថ្ងៃឬ២ថ្ងៃដែលបានធ្វើឡើងទទួលបានប៉ុន្មានឱ្យប្រាកដនោះទេ ដោយគ្រាន់តែមានការបញ្ជាក់ពីក្រុមកីឡាករដូចគ្នាថាមិនតិចជាង១០០០ដុល្លារសម្រាប់មួយស្ពត ឬមួយឈុតដែលចង់បានលោកឱ្យផ្សាយពាណិជ្ជកម្ម ។
ចាន់ វឌ្ឍនាកា ត្រូវគេកត់សម្គាល់ថាស៊ីដាច់តែម្ដងក្នុងទីផ្សារថតផ្សាយពាណិជ្ជកម្មបើធៀបនឹងកីឡាករល្បីឈ្មោះជាច្រើនផ្សេងទៀត ដែលស្ថិតក្នុងក្រុមជម្រើសជាតិ ។ កាលពីមុនគេកត់សម្គាល់ថា កីឡាការិនីហែមថុន វិទិនី កីឡាករប្រាក់ មុន្នីឧត្តម និងកីឡាការិនីស៊ន សៀវម៉ីជាដើម គឺជាគូប្រជែងរបស់លោកក្នុងចំណោមជម្រើសជាតិល្បីៗដែលទទួលបានឱកាសថតស្ពតប្រកួតប្រជែង ។ ប៉ុន្តែចាប់ពីពាក់កណ្ដាលឆ្នាំ២០១៦មុននេះ គឺចាន់ វឌ្ឍនាកា ស៊ីដាច់នាំមុខសម្រាប់ឱកាសថតស្ពតក្នុងនាមជាកីឡាករម្នាក់ ។ តម្លៃ និងហាងឆេងក៏បានឈានឡើងចំពោះកីឡាកររូបនេះដូចគ្នា បន្ទាប់ពីបណ្ដាក្រុមហ៊ុនធំៗបានផ្ដល់ឱកាសថតសម្ដែង និងធ្វើជាតំណាងផលិតផលដែលលោកថតផ្សាយ។ វត្តមានរបស់លោកក្នុងស្ពតធំៗ ក៏ធ្វើឱ្យតារាសិល្បៈល្បីឈ្មោះមួយចំនួន បាត់បង់ឱកាសស៊ីលុយ និងបង្ហាញខ្លួននៅក្នុងស្ពតដែលលោកបានថតនោះដែរ ជាពិសេសគឺស្ពតហុងដាដែលអ្នកណាៗក៏ចង់លេចមុខនោះ ។ មកទល់ពេលនេះ គេឃើញស្ពតធំ៣ដែលលោកបានថតត្រូវបានដាក់ផ្សាយនៅលើកញ្ចក់ទូរទស្សន៍ធំៗដូចជាស្ពត ខោទ្រទាប់ ស្ពតក្រុមហ៊ុនទូរស័ព្ទចល័ត និងស្ពតម៉ូតូហុងដា ដែលស្ពតទាំង៣ត្រូវគេមើលឃើញថាទទួលបានតម្លៃខ្លួនមិនក្រោមម៉ឺនដុល្លារនោះទេ បើទោះជាលោកបដិសេធទម្លាយប្រាប់ក្ដី។ យ៉ាងណាមិញ គេមិនទាន់ឃើញលោកទទួលបានជោគជ័យក្នុងរឿងស្នេហាជាថ្មីនោះទេ បន្ទាប់ពីប្រេះឆាជាមួយកញ្ញាហែមថុន វិទិនី ស្រីស្អាតផ្នែកហែលទឹកជាគូស្នេហ៍ចាស់ ៕
ចែករំលែកព័តមាននេះ