ប្រទេសជប៉ុន ៖ លោកនាយករដ្ឋមន្ត្រី Shinzo Abe អះអាងថា កិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក (TPP) ជាធាតុដ៏សំខាន់សម្រាប់ការលូតលាស់របស់ប្រទេសជប៉ុនក្នុងថ្ងៃអនាគត និងស្ថិរភាពក្នុងតំបន់ ។
ប្រទេសជប៉ុន ៖ លោកនាយករដ្ឋមន្ត្រី Shinzo Abe អះអាងថា កិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក (TPP) ជាធាតុដ៏សំខាន់សម្រាប់ការលូតលាស់របស់ប្រទេសជប៉ុនក្នុងថ្ងៃអនាគត និងស្ថិរភាពក្នុងតំបន់ ។
លោក Abe បានថ្លែងក្នុងកិច្ចប្រជុំគណៈកម្មាធិការសភាជាន់ទាបថា ៖ « វាជាតំបន់សេដ្ឋកិច្ចដ៏ថ្មីមួយដែលនឹងត្រូវបានបង្កើតក្នុងតំបន់អាស៊ីប៉ាស៊ីហ្វិក ដែលជាកន្លែងពាណិជ្ជកម្មនិងត្រូវបានប្រព្រឹត្តទៅក្រោមច្បាប់ដ៏ត្រឹមត្រូវ និងច្បាស់លាស់មួយ ។ ការចូលរួមក្នុងកិច្ចព្រមព្រៀងនេះសំខាន់ណាស់សម្រាប់អនាគតរបស់ប្រទេសជប៉ុន » ។
គណៈកម្មាធិការនេះកំពុងចរចាលើការផ្តល់សច្ចាប័ននៃកិច្ចព្រមព្រៀងពាណិជ្ជកម្មសេរីនេះ និងកិច្ចការមួយចំនួនទៀតដែលទាក់ទង ។ លោក Abe និយាយថា ៖ « ការពន្យារពេលដោយសភាជាតិ នឹងកាន់តែធ្វើឲ្យសហរដ្ឋអាមេរិកស្ទាក់ស្ទើរក្នុងការផ្តល់សច្ចាប័នលើកិច្ចព្រមព្រៀង ។ ដូច្នេះហើយប្រទេសជប៉ុនត្រូវនាំមុខធ្វើកិច្ចការនេះ ខណៈប្រទេសដទៃកំពុងរង់ចាំមើល » ។
លោកបន្តថា ទំនាក់ទំនងសេដ្ឋកិច្ចកាន់តែជិតស្និទ្ធរវាងប្រទេសជាច្រើនដែលផ្តល់តម្លៃលើសេរីភាព និងប្រជាធិបតេយ្យ នឹងនាំស្ថិរភាពមកកាន់តំបន់ផងដែរ ។ TPP អាចចាត់ទុកជាយុទ្ធសាស្ត្រមួយដែលលាតសន្ធឹងធំជាងផ្នែកសេដ្ឋកិច្ចទៅទៀត ។
ប្រធានផ្នែកកសិកម្ម និងរុក្ខាប្រមាញ់របស់គណបក្សប្រជាធិបតេយ្យសេរី លោក Shinjiro Koizumi ក៏បានជំរុញឲ្យមានកំណែទម្រង់លើសមាគមន៍សហការផ្នែកកសិកម្មសហព័ន្ធជាតិ ឬ JA Zen-Noh ផងដែរ ។ លោកនិយាយថា ៖ « កសិកម្មក្នុងពេលបច្ចុប្បន្ននេះបានបាត់បង់ស្ថិរភាពហើយ » ។
លោក Abe ក៏បានបង្ហាញការគាំទ្រលើសំណើរបស់លោក Koizumi ផងដែរ ដោយនិយាយថា លោកសង្ឃឹមថា JA Zen-Noh នឹងខំប្រឹងប្រែងធ្វើកំណែទម្រង់ដើម្បីឲ្យស្របតាមតម្រូវការបច្ចុប្បន្ន ៕
ចែករំលែកព័តមាននេះ