រាជធានីភ្នំពេញ ៖ យុវជនកម្ពុជាចំនួន២១រូប ក្នុងនោះ មានតំណាងសារព័ត៌មានកោះសន្តិភាព១រូបផងដែរ បានចេញដំណើរទៅទស្សនកិច្ចសិក្សាស្វែងយល់ពីវប្បធម៌ របៀបរស់នៅរបស់ប្រជាជនជប៉ុននៅប្រទេសជប៉ុនចំនួនជាងមួយសប្ដាហ៍ ដោយបានចេញ ដំណើរពីព្រលានយន្តហោះអន្តរជាតិកម្ពុជានៅយប់ថ្ងៃទី២៤ តុលា ២០១៦ ហើយវិលត្រឡប់មកកម្ពុជាវិញ នៅថ្ងៃទី០១ វិច្ឆិកា ២០១៦ ។
បើតាមគម្រោងនៃដំណើរទស្សនកិច្ចរបស់ក្រុមយុវជនកម្ពុជានេះ មិនមែនជាលើកទី១ទេ គឺបានធ្វើជាច្រើនលើកមកហើយ ដោយ មានការផ្លាស់ប្តូរគ្នាបែកចែកក្រុមគ្នា ។ ក្រុមយុវជនដែលនឹងចេញដំណើរនៅថ្ងៃទី២៤ តុលា នេះ នឹងស្វែងយល់ពីវប្បធម៌របស់ប្រទេសជប៉ុន ព្រមទាំងមានការផ្លាស់ប្តូរទៅវិញមកផងដែរ ។
នៅក្នុងគម្រោងទស្សនកិច្ចនេះ ក្រុមយុវជននឹងទៅទស្សនកិច្ចនៅតំបន់មួយចំនួន ស្វែងយល់ពីការរស់នៅរបស់ប្រជាជនជប៉ុន និងស្នាក់នៅក្នុងផ្ទះប្រជាជនជប៉ុន ដើម្បីឱ្យច្បាស់កាន់តែខ្លាំង ពីការរបៀបរបបនៃការស្នាក់នៅរបស់ជនជាតិជប៉ុន ។
ចែករំលែកព័តមាននេះ