អាជីវករផ្សារហេងថេង លើកគ្នាតវ៉ាដល់សាលាស្រុក
ខេត្តបាត់ដំបង ៖ ប្រភពព័ត៌មានឲ្យដឹងថា អាជីវករលក់ដូរនៅផ្សារហេងថេង នៅស្រុកភ្នំព្រឹក ជាង៧០នាក់ បានលើកគ្នាទៅតវ៉ាដល់សាលាស្រុក
ខេត្តបាត់ដំបង ៖ ប្រភពព័ត៌មានឲ្យដឹងថា អាជីវករលក់ដូរនៅផ្សារហេងថេង នៅស្រុកភ្នំព្រឹក ជាង៧០នាក់ បានលើកគ្នាទៅតវ៉ាដល់សាលាស្រុក
ខេត្តបាត់ដំបង ៖ ប្រភពព័ត៌មានឲ្យដឹងថា អាជីវករលក់ដូរនៅផ្សារហេងថេង នៅស្រុកភ្នំព្រឹក ជាង៧០នាក់ បានលើកគ្នាទៅតវ៉ាដល់សាលាស្រុក នៅវេលាម៉ោង៣និង៤០នាទីរសៀល ថ្ងៃទី២៤ ខែតុលានេះ ដើម្បីទាមទារឲ្យអាជ្ញាធរជួយអន្តរាគមន៍បញ្ចុះតម្លៃតូបប្រចាំខែ ដែលពួកគេអះអាងថា មិនអាចរត់រួច។ សេចក្ដីរាយការណ៍បានបន្តថា ក្រុមអាជីវករបានស្នើឲ្យលោកអភិបាលស្រុកភ្នំព្រឹក ជួយរកដំណោះស្រាយចំនួន២ចំណុច ជាមួយនឹងថៅកែផ្សារហេងថេង។
ចំណុចទី១ ជួយអន្តរាគមន៍បញ្ចុះតម្លៃឈ្នូលតូបមកត្រឹម១៥ដុល្លាក្នុង១ខែ ខណៈបច្ចុប្បន្នថៅកែផ្សារតម្រូវឲ្យអាជីវករបង់២០ដុល្លារក្នុង១ខែ និងចំណុចទី២ ក្រុមអាជីវករទាមទាឲ្យភាគីផ្សារបករូបថតពួកគេដែលថតក្នុងអំឡុងប្រជុំរកដំណោះស្រាយពីបញ្ហាតម្លៃតូបនេះកាលពីប៉ុន្មានថ្ងៃមុន ចេញឲ្យអស់ពីសាលាស្រុក ដោយពួកគេបានចោទជាសំនួរថា យករួបអាជីវករទាំងនោះទៅបិទនៅសាលាស្រុកក្នុងគោលបំណងអ្វី ជុំវិញការតវ៉ាទាមទារបញ្ចុះតម្លៃតូបពីសំណាក់ក្រុមអាជីវករខាងលើនេះ បើតាមប្រភពដដែលបានបញ្ជាក់ថា អាជ្ញាធរស្រុកយល់ព្រមឲ្យភាគីផ្សារបករូបថតក្រុមអាជីវករចេញពីកន្លែងដាក់តាំងនៅសាលាស្រុក។
ប៉ុន្តែចំពោះបញ្ហាទាមទារឲ្យអាជ្ញាធរអន្តរាគមន៍ជួយសម្រូលដល់ភាគីបញ្ចុះតម្លៃឈ្នូលតូបលក់ដូរ អាជ្ញាធរមិនអាចដោះស្រាយបានទេ តែអាជ្ញាធរបានអះអាងថា នឹងបញ្ជូនសំណើនេះទៅកាន់ថ្នាក់លើដោះស្រាយបន្ត រីឯភាគីផ្សារហេងថេង ក៏មិនទាន់មានការឆ្លើយតបបែបណាចំពោះការទាមទារបស់អាជីវករខាងលើនេះដែរ។ ទោះយ៉ាងណាក្រុមអ្នកតវ៉ាបានរំសាយវិញ ក្រោយពីអាជ្ញាធរ និងតំណាងភាគីផ្សារសន្យាថា នឹងព្យាយាមរកដំណោះស្រាយនៅថ្ងៃខាងមុខបន្តទៀត៕
ចែករំលែកព័តមាននេះ