រាជធានីភ្នំពេញ ៖ ស្រាបៀរលីអូ បានបើកសម្ពោធយុទ្ធនាការជាលើកដំបូង ចូលរួមចំណែកក្នុងសង្គមដើម្បីជួយដល់ជនពិការ ដោយសារមីនក្រោមប្រធានបទ «ចែករំលែកក្តីស្រលាញ់ជាមួយក្រវិលកំប៉ុងរបស់អ្នក» កាលពីរសៀលថ្ងៃទី១៣ ខែតុលា នៅសណ្ឋាគាររ៉ាហ្វល ឡឺរ៉ូយ៉ាល់។ ពិធីនេះ មានការចូលរួមជាកិត្តិយសពីលោក ព្រំ សួនប្រសិទ្ធ ប្រធានគ្រប់គ្រងគម្រោង និងសហប្រតិបត្តិការណ៍អន្តរជាតិនៃមជ្ឈមណ្ឌលសកម្មភាពកំចាត់មីនកម្ពុជា លោកសាស្ត្រាចារ្យរង វេជ្ជបណ្ឌិត VaJara Rujiwetpongstorn លេខាធិការរងរបស់ Prothesee Foundation of H.R.H the Princess Mother of Thailand រួមនឹងតារាចម្រៀង កញ្ញា មាស សុខ សោភា ។
ថ្លែងក្នុងសន្និសីទសារព័ត៌មាន អ្នកនាង កាន់ជីត ភាវផាន់ឈូ ប្រធានគ្រប់គ្រងយុទ្ធសាស្ត្រទីផ្សារប្រចាំតំបន់របស់ក្រុមហ៊ុន Singha Asia បានមានប្រសាសន៍ថា វាជាកិច្ចការមួយយ៉ាងសំខាន់សម្រាប់ក្រុមហ៊ុនស្រាបៀរ លីអូ ជាកិច្ចតបស្នងដល់ប្រជាជនកម្ពុជា ដែលបានគាំទ្រស្រាបៀរលីអូ ចាប់តាំងពីបានចាប់ផ្តើមដំណើរការនៅក្នុងប្រទេសកម្ពុជាអស់រយៈពេលជាច្រើនឆ្នាំមក។
អ្នកនាងបន្តថា៖ «ស្រាបៀរ លីអូ បានជួយប្រជាជនកម្ពុជាជាច្រើន ឲ្យមានភាពរីករាយ មានមិត្តភាព មានសមិទ្ធផល ឬអាចធ្វើការងារប្រចាំថ្ងៃបាន ព្រោះយើងជឿថា នេះជាពេលដែលត្រូវផ្តល់តម្លៃ និងទទួលស្គាល់ដល់ប្រជាជនកម្ពុជារាប់រយពាន់នាក់ ដែលកំពុងរស់នៅជាមួយភាពពិការដោយសារមីន»។
មូលនិធិជើងសិប្បនិម្មិតរបស់ព្រះអង្គម្ចាស់ ក្សត្រិយ៍ប្រទេសថៃ មជ្ឈមណ្ឌលកម្ចាត់មីនថៃ ឬ TMAC និងមជ្ឈមណ្ឌលកម្ចាត់មីនកម្ពុជា ឬ CMAC យុទ្ធនាការ CSR របស់ស្រាបៀរ លីអូ បានចែករំលែកក្តីស្រលាញ់ជាមួយក្រវិលកំប៉ុងរបស់អ្នក នឹងជួយឲ្យជនពិការទទួលបានជើងសិប្បនិម្មិត។ សាធារណជនទូទៅអាចបរិច្ចាគក្រវិលកំប៉ុងស្រាបៀរ លីអូ នៅក្នុងធុងស្រាបៀរ លីអូ ដែលមាននៅតាមទីតាំងជាច្រើននៅក្នុងខេត្តក្រុងសំខាន់ៗ។ មូលនិធិជើងសិប្បនិម្មិតរបស់ព្រះអង្គម្ចាស់ក្សត្រិយ៍ប្រទេសថៃ នឹងប្រមូលក្រវិលកំប៉ុង ដែលបានបរិច្ចាគទាំងអស់ ដើម្បីផលិតជើងសិប្បនិម្មិត រួចបរិច្ចាគបន្តមក CMAC ៕
ចែករំលែកព័តមាននេះ