ចោរសមុទ្រសូម៉ាលីដោះលែងអ្នកនេសាទខ្មែរ០៤នាក់
រាជធានីភ្នំពេញ ៖ ពាក់ព័ន្ធនឹងព័ត៌មានដែលថាមានពលរដ្ឋកម្ពុជាចំនួន០៤នាក់ ស្ថិតក្នុងចំណោមចំណាប់ខ្មាំងចំនួន ២៦នាក់ ដែលទើបនឹងត្រូវបានដោះលែងនៅសូម៉ាលី កាលពីថ្ងៃទី២២ ខែតុលា ឆ្នាំ២០១៦ កន្លងមកថ្មីៗនេះ…
រាជធានីភ្នំពេញ ៖ ពាក់ព័ន្ធនឹងព័ត៌មានដែលថាមានពលរដ្ឋកម្ពុជាចំនួន០៤នាក់ ស្ថិតក្នុងចំណោមចំណាប់ខ្មាំងចំនួន ២៦នាក់ ដែលទើបនឹងត្រូវបានដោះលែងនៅសូម៉ាលី កាលពីថ្ងៃទី២២ ខែតុលា ឆ្នាំ២០១៦ កន្លងមកថ្មីៗនេះ…
រាជធានីភ្នំពេញ ៖ ពាក់ព័ន្ធនឹងព័ត៌មានដែលថាមានពលរដ្ឋកម្ពុជាចំនួន០៤នាក់ ស្ថិតក្នុងចំណោមចំណាប់ខ្មាំងចំនួន ២៦នាក់ ដែលទើបនឹងត្រូវបានដោះលែងនៅសូម៉ាលី កាលពីថ្ងៃទី២២ ខែតុលា ឆ្នាំ២០១៦ កន្លងមកថ្មីៗនេះ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ សូមជំរាបជូនដូចខាងក្រោមនេះ ៖
១- ក្រសួងការបរទេស និងសហប្រតិបត្តិការអន្តរជាតិ មានសេចក្តីសោមនស្សរីករាយ ពេលទទួលបានព័ត៌មានថា ពលរដ្ឋកម្ពុជាទាំង ០៤នាក់នេះ ព្រមទាំងចំណាប់ខ្មាំងដ៏ទៃទៀត ត្រូវបានដោះលែង។
២- ក្រសួង បានណែនាំឲ្យនាយកដ្ឋានពាក់ព័ន្ធ ចាត់វិធានការជាបន្ទាន់ ក្នុងការរៀបចំមាតុភូមិនិវត្តន៍របស់ពលរដ្ឋកម្ពុជាទាំង ០៤នាក់នេះ បានឆាប់រហ័ស។
៣- តាមការរៀបចំសម្របសម្រួលរបស់ក្រសួង ពលរដ្ឋកម្ពុជាទាំង០៤នាក់នេះ នឹងធ្វើដំណើរមកដល់ទីក្រុងម៉ានីល ប្រទេស ហ៊្វីលីពីន នៅថ្ងៃទី២៨ ខែតុលា ឆ្នាំ២០១៦ វេលាម៉ោង ១៦:៣០នាទី តាមជើងយន្តហោះ EK332 របស់ក្រុមហ៊ុនអាកាសចរណ៍ Emirates។
៤- ក្រសួង កំពុងតែបន្តរៀបចំសម្របសម្រួល សំរាប់ការធ្វើដំណើរបន្តពីទីក្រុងម៉ានីលមកទីក្រុងភ្នំពេញ បន្ទាប់ពីពលរដ្ឋទាំង ០៤នាក់នោះ ធ្វើដំណើរមកដល់ទីក្រុងម៉ានីល តាមការគ្រោងទុកខាងលើ ។
៥- ក្រសួង នឹងជំរាបជូនបន្ថែម នៅពេលណាទទួលបានព័ត៌មានថ្មីៗទៀត។
ចែករំលែកព័តមាននេះ