ខេត្តបាត់ដំបង ៖ អាជីវកររាប់រយនាក់នៅក្នុង «ផ្សារពោធិវង្ស» ស្ថិតក្នុងសង្កាត់ចំការសំរោង ក្រុងបាត់ដំបង កំពុងច្រាសច្រាលយ៉ាងខ្លាំង នៅក្នុងពេលនេះ បន្ទាប់ពីដឹងថា ថៅកែផ្សារ បានប្រកាសលក់ផ្សារទាំងមូលឱ្យទៅថៅកែថ្មី ដែលនាំឲ្យក្រុមអាជីវករ
ខេត្តបាត់ដំបង ៖ អាជីវកររាប់រយនាក់នៅក្នុង «ផ្សារពោធិវង្ស» ស្ថិតក្នុងសង្កាត់ចំការសំរោង ក្រុងបាត់ដំបង កំពុងច្រាសច្រាលយ៉ាងខ្លាំង នៅក្នុងពេលនេះ បន្ទាប់ពីដឹងថា ថៅកែផ្សារ បានប្រកាសលក់ផ្សារទាំងមូលឱ្យទៅថៅកែថ្មី ដែលនាំឲ្យក្រុមអាជីវករព្រួយបារម្ភអំពីតម្លៃជួលតូបលក់ ក្រែងថៅកែថ្មីមិនប្រណីដូចថៅកែចាស់ ទើបពួកគេអំពាវនាវសុំឱ្យសម្ដេច ហ៊ុន សែន ជួយអន្ត
រាគមន៍ទិញ ឬធ្វើបែបណាឱ្យទីផ្សារនេះ ក្លាយជាផ្សាររបស់រដ្ឋវិញ ក្រែងតម្លៃតូបធូរស្រាលជាងផ្សារឯកជន ។
ក្រុមអាជីវករលក់ដូរក្នុង «ផ្សារពោធិវង្ស» បានឲ្យដឹងនៅព្រឹកថ្ងៃទី២៤ តុលា នេះថា ថៅកែផ្សារនេះ បានប្រកាសលក់ផ្សារទាំងមូល ទៅឱ្យថៅកែថ្មី ដែលជាហេតុធ្វើឲ្យក្រុមអាជីវករទាំងអស់ មានការព្រួយបារម្ភអំពីការប្រែប្រូលនៃតម្លៃតូប នៅពេលគ្រប់គ្រងដោយថៅកែថ្មី ។
ក្រុមអាជីវករបានបន្តថា តំលៃជួលតូប ឬជួលគ្រែ ឬតម្លៃបង់សេវ៉ាផ្សេង ដែលគ្រប់គ្រងដោយថៅកែបច្ចុប្បន្ននេះ គឺពួកគេអាច
ទទួលយកបាន ។ ប៉ុន្តែពួកគេព្រួយបារម្ភអំពីការប្រែប្រូលនៅពេលផ្សារនេះធ្លាក់ទៅក្នុងដៃថៅកែថ្មី ដូច្នេះហើយ ទើបក្រុមអាជីវករទាំងអស់ ស្នើសុំឲ្យសម្ដេចហ៊ុន សែន ជួយរកមធ្យោបាយ ធ្វើយ៉ាងណាឱ្យផ្សារនេះ ជាផ្សាររបស់រដ្ឋវិញ ក្រែងអាចបន្ធូរបន្ថយតម្លៃតូបបានខ្លះ។
អ្នកលក់ចាប់ហួយមួយរូបទៀត គឺអ្នកស្រីយាង សុភ័ណ្ឌ អាយុ៣១ឆ្នាំ ក៏បានត្អូញត្អែរ និងបង្ហាញពីការព្រួយបារម្ភដូចអាជីវករដទៃដែរ។ អ្នកស្រីសុភ័ណ្ឌ និយាយថា បើថៅកែផ្សារនេះ លក់ផ្សារឲ្យទៅថៅកែឯកជនមែន គាត់ចង់ឲ្យអាជ្ញាធរខេត្ត ឬសម្ដេចហ៊ុន សែន ជួយអន្តរាគមន៏ធ្វើយ៉ាងណា ឲ្យផ្សារឯកជននេះធ្វើជាផ្សាររបស់រដ្ធវិញ ក្រែងអាចរក្សារតំលៃជួលតូប ឬ ថ្លៃបង់សេវ៉ាផ្សេងៗធូរស្រាលជាងផ្សារឯកជន។
ជាមួយគ្នានេះ អាជីវកររាប់រយនាក់ទៀត ដែលលក់ដូរនៅក្នុងផ្សារពោធិវង្សនេះ ក៏បានបង្ហាញពីក្ដីបារម្ភនេះដូចក្រុមអាជីវករដទៃទៀតដែរ។ ពួកគេបានសំណូមដ៏ទទូចសុំឲ្យសម្ដេចហ៊ុនសែន ជួយអន្តរាគមន៏ក្នុងរឿងនេះ ធ្វើយ៉ាងណា កុំឲ្យផ្សារពោធិវង្សនេះ ធ្លាក់ក្នុងដៃឯកជន គឺចង់ធ្វើជារបស់រដ្ធវិញ។
ជុំវិញការព្រួយបារម្ភរបស់ក្រុមអាជីវករអំពីការផ្លាស់ប្ដូរថៅកែផ្សារនេះ លោកទួន វណ្ណា ដែលជាម្ចាស់កម្មសិទ្ធគ្រប់គ្រង«ផ្សារពោធិវង្ស»បច្ចុប្បន្នបានប្រាប់កោះសន្តិភាពនៅព្រឹកថ្ងៃដដែលនេះថា លោកពិតជាបានប្រកាសលក់ផ្សារនេះមែន ដោយសារតែលោកប្រឈមនឹងប្រាក់បំណុលធនាគារ បើទោះជាទីផ្សាររបស់លោកកំពុងដំណើរដោយរលូនក្ដី។
លោកទួន វណ្ណា បានថ្លែងថា ក្រោយពីលោកបានសាងសង់តួរផ្សាររួចរាល់ហើយ លោកគ្រោងនឹងកុងត្រាលក់តូបនីមួយៗ ឬ លក់កន្លែងផ្សេងៗ ផ្ដាច់ឲ្យទៅអាជីវករ ដើម្បីយកប្រាក់បង្វិលសងបំណុលធនាគារឬបំណុលឯកជន ប៉ុន្តែក្រុមអាជីវករទាំងអស់សុទ្ធតែបានត្អូញត្អែថា ពួកគាត់គ្មានលទ្ធភាពទិញតូបផ្ដាច់នោះទេ។ ដូច្នេះហើយទើបបានជាលោកសម្រេចប្រកាសសេងទីផ្សារនេះទៅឲ្យថៅកែថ្មី តែពេលនេះមិនទាន់មានអ្នកសេងបន្តនៅឡើយទេ។
ចែករំលែកព័តមាននេះ