តើអ្នកយល់ថា និព្វាន គឺជាអ្វី ?
- ភ្នំពេញ
រាជធានីភ្នំពេញ ៖ អ្នកពុទ្ធនិយមខ្លះបានលើកឡើងថា និព្វាន គឺនៅតែមានរូប មានរាង មានខន្ធទាំង៥ គឺរូបក្ខន្ធ វេទនាខន្ធ សញ្ញាខន្ធ…
រាជធានីភ្នំពេញ ៖ អ្នកពុទ្ធនិយមខ្លះបានលើកឡើងថា និព្វាន គឺនៅតែមានរូប មានរាង មានខន្ធទាំង៥ គឺរូបក្ខន្ធ វេទនាខន្ធ សញ្ញាខន្ធ…
រាជធានីភ្នំពេញ ៖ អ្នកពុទ្ធនិយមខ្លះបានលើកឡើងថា និព្វាន គឺនៅតែមានរូប មានរាង មានខន្ធទាំង៥ គឺរូបក្ខន្ធ វេទនាខន្ធ សញ្ញាខន្ធ និងវិញ្ញាណក្ខន្ធ នៅឡើយ និងខ្លះទៀតយល់ថា និព្វាន គឺជាភពមួយដទៃទៀត នៅក្រៅពីកាមភព រូបភព និងអរូបភពដែលយើងហៅថាសង្សារវដ្តនោះ ។
នៅមានអ្នកប្រព្រឹត្តបដិបត្តិធម៌ខ្លះទៀតបានលើកឡើងថា និព្វាន គឺជាភពមួយដែលមានតែសេចក្តីសុខ មិនមានទុក្ខ តែនៅមានបញ្ចក្ខន្ធនៅឡើយដែរ ។ នៅមានមតិ និងយោបល់ច្រើនដទៃទៀតមានន័យផ្សេងៗគ្នាទាក់ទងនឹងព្រះនិព្វាន ។ ចុះលោកអ្នកវិញយល់ថាព្រះនិព្វានមានលក្ខណៈដូចម្តេច ?
នៅក្នុងអភិធម្មត្ថសង្គហៈបានពន្យល់ថា អជាតំ និព្វានមិនកើតទៀត, អជរា និព្វានមិនចេះចាស់ទ្រុឌទ្រោមគ្រាំគ្រា, អព្យាធឹ និព្វានមិនចេះឈឺ ឬមិនមានរោគ, អមតំ និព្វានមិនមានសេចក្តីស្លាប់, អសង្ខតំ និព្វានមិនមានបច្ច័យតាក់តែង, សន្តិបទំ និព្វានមានតែសេចក្តីស្ងប់, ឯកន្តំ និព្វានមានតែសេចក្តីសុខតែម្យ៉ាងប៉ុណ្ណោះ ។
រីឯព្រះនិព្វាននៅក្នុងបដិច្ចសមុប្បាទបានអធិប្បាយថា ព្រះនិព្វានព្រោះការរលត់ទៅនៃអវិជ្ជា ។ សង្ខារទាំងឡាយរលត់ទៅព្រោះការរលត់ទៅរបស់អវិជ្ជា ។ សេចក្តីគ្រាំគ្រា សេចក្តីឈឺចាប់គ្រប់បែបយ៉ាង ទុក្ខ សោក ខ្សឹកខ្សួលទាំងឡាយ ដោយសរុបបានដល់ទុក្ខវេទនាដែលកើតឡើងតាមផ្លូវកាយ ទោមនស្សវេទនាដែលកើតតាមផ្លូវចិត្តហ្នឹងឯងរលត់អស់ទៅ ទើបឈ្មោះថា ជានិព្វាន ៕
ចែករំលែកព័តមាននេះ