ប្រទេសសិង្ហបុរី ៖ យោងតាមការស្ទង់មតិ របស់ UOB បានឲ្យដឹងថា សិង្ហបុរីនៅតែរក្សាតំណែងជាប្រទេសល្អជាងគេនៅអាស៊ី សម្រាប់ការពង្រីកអាជីវកម្ម ។
មានអាជីវករប្រមាណ១ភាគ៣ ឬ៣២% នៃអាជីវករសរុប
ប្រទេសសិង្ហបុរី ៖ យោងតាមការស្ទង់មតិ របស់ UOB បានឲ្យដឹងថា សិង្ហបុរីនៅតែរក្សាតំណែងជាប្រទេសល្អជាងគេនៅអាស៊ី សម្រាប់ការពង្រីកអាជីវកម្ម ។
មានអាជីវករប្រមាណ១ភាគ៣ ឬ៣២% នៃអាជីវករសរុប២.៥០០នាក់ ដែលចូលរួមក្នុងការស្ទង់មតិនិយាយថា ពួកគេនឹងជ្រើសរើសយកទីផ្សារប្រទេសសិង្ហបុរី សម្រាប់ពង្រីកអាជីវកម្មក្នុងអំឡុងពី៣ ទៅ៥ឆ្នាំខាងមុខនេះ ។
ចំណែកប្រទេសជប៉ុនបានជាប់ចំណាត់ថ្នាក់លេខ៣ ទទួលបានសំឡេង២៩% បន្ទាប់មកប្រទេសវៀតណាមជាប់ចំណាត់ថ្នាក់លេខ៤ ទទួលបាន២៨% ។ រីឯប្រទេសចិនបានជាប់ចំណាត់ថ្នាក់លេខ៩ ដោយមានសំឡេងតែ២២%ប៉ុណ្ណោះ ។
ការស្ទង់មតិសហគ្រាសអាស៊ីនេះបានចាប់ផ្តើមឡើងតាំងពីឆ្នាំ២០១៤មកម្ល៉េះ ដែលជាការស្ទង់មតិលើកទី២ ។ សហគ្រាសចូលរួមមាន ក្រុមហ៊ុនធុនកណ្តាលនៅក្នុងទីផ្សារនៃប្រទេសទាំង៦គឺ ចិន ហុងកុង ឥណ្ឌូណេស៊ី ម៉ាឡេស៊ី សិង្ហបុរី និងថៃ ។
ការស្ទង់មតិនេះឲ្យដឹងដែរថា ចិននៅតែបន្តជាទីផ្សារល្អជាងគេសម្រាប់ក្រុមហ៊ុនសិង្ហបុរី ដោយទិន្នន័យបានបង្ហាញពីភាពស្រដៀងគ្នានឹងការស្ទង់មតិកាលពីឆ្នាំ២០១៤ដែរ ។ ក្នុងចំណោមក្រុមហ៊ុនចំនួន៣០០ ដែលចូលរួមការស្ទង់មតិ មាន៥៦%កំពុងធ្វើអាជីវកម្ម និងបើកដំណើរការក្រុមហ៊ុនក្នុងប្រទេសចិន ។
លទ្ធផលនៃការស្ទង់មតិបង្ហាញទៀតថា ការកើនឡើងនៃការចំណាយ ការប្រកួតប្រជែង និងការធ្លាក់ចុះនៃតម្រូវការរបស់អតិថិជន គឺជាមូលហេតុធំជាងគេដែលធ្វើឲ្យការលូតលាស់នៃអាជីវកម្មក្នុងតំបន់អន់ថយ ៕
ចែករំលែកព័តមាននេះ