ខេត្តបន្ទាយមានជ័យ ៖ កូននាង ឬដង្កូវនាង ដែលពីអតីតនៅឃុំប៉ោយចារ និងឃុំណាំតៅ ស្រុកភ្នំស្រុក ខេត្តបន្ទាយមានជ័យ និយមចិញ្ចឹមខ្លាំងណាស់ស្ទើរតែគ្រប់ផ្ទះ ប៉ុន្តែឥឡូវនេះ ស្ទើរតែផុតពូជន៍ទៅហើយ ព្រោះមានគ្រួសារតិចណាស់ ដែលនៅចិញ្ចឹម មាននៅក្នុងឃុំប៉ោយចារ គឺភូមិត្រពាំងថ្មខាងជើង នៅសល់តែ២គ្រួសារ និងភូមិប៉ោយស្នួល១០គ្រួសារ ។
ខេត្តបន្ទាយមានជ័យ ៖ កូននាង ឬដង្កូវនាង ដែលពីអតីតនៅឃុំប៉ោយចារ និងឃុំណាំតៅ ស្រុកភ្នំស្រុក ខេត្តបន្ទាយមានជ័យ និយមចិញ្ចឹមខ្លាំងណាស់ស្ទើរតែគ្រប់ផ្ទះ ប៉ុន្តែឥឡូវនេះ ស្ទើរតែផុតពូជន៍ទៅហើយ ព្រោះមានគ្រួសារតិចណាស់ ដែលនៅចិញ្ចឹម មាននៅក្នុងឃុំប៉ោយចារ គឺភូមិត្រពាំងថ្មខាងជើង នៅសល់តែ២គ្រួសារ និងភូមិប៉ោយស្នួល១០គ្រួសារ ។
កាលពីដើមឡើយ គេនិយមចូលចិត្តប្រើសារុងសូត្រ និងកន្សែងសូត្រ ដែលផលិតចេញពីស្រុកភ្នំស្រុកខ្លាំងណាស់ ដែលសរសៃអំបោះផលិតចេញពីកូននាងនេះ ដែលសាច់ស្រស់រលោង ហើយក៏មានការនិយមបរិភោគឌឹកឌឿផងដែរ ដោយសារតែមានរសជាតិឆ្ងាញ់។
ប្រជាពលរដ្ឋ ជាអ្នកនៅប្រកបរបរចិញ្ចឹមកូននាង បាននិយាយរៀបរាបប្រាប់អ្នកយកព័ត៌មានយើងថា កូននាងរបស់គាត់នេះ គឺទើបតែញាស់បាន៤ថ្ងៃ ហើយកូននាង កុំតែតដេក ។ គាត់បន្តថា ក្រុមគ្រួសារគាត់ប្រកបរបរចិញ្ចឹមកូននាងនេះ តាំងពីជីដូនជីតារបស់គាត់មក គឺស្រីៗចិញ្ចឹមតែកូននាង ចំណែកប្រុសៗធ្វើស្រែនិងរករបរផ្សេងៗ តែចិញ្ចឹមតាមរបៀបទម្លាប់ប៉ុណ្ណោះ គ្មានអង្គការណាជួយណែនាំពីវិធីថែទាំនោះទេ ។
តែកាលពីប៉ុន្មានឆ្នាំមុន មានខាងអង្គការដែលមានឈ្មោះថា ភូមិសូត្រខ្មែរបានមកបង្រៀនពីរបៀបនៃការថែទាំ ការចិញ្ចឹមកូននាងនេះ គឺទទួបានផលល្អ កូននាងមានសុខភាពល្អ ឡតធំសំបូរសរសៃសូត្រច្រើន ហើយពេលកូននាងទើកើតខាងអង្គការគេមានថ្នាំបំប៉នសុខភាព ។
ការចិញ្ចឹមកូននាងនេះ គឺមានគ្រួសារខ្លះគេតំណម(តម) ពេលដេកមិនឲ្យលឺសម្លេងខ្លាំងៗ សម្លេងរោទិ៍ ធុំក្លិនប្រេងសាំង ម៉ាហ្សូតនិងទឹកអប់ម្សៅនោះឡើយ មិនដូច្នេះទេកូននាង គឺបានតែទុំពណ៌លឿង តែគ្មានរុំខ្លួនជាឡតសរសៃសូត្រនោះឡើយ។ ចំពោះការចិញ្ចឹមនេះ គឺមានរយៈពេល៤៥ថ្ងៃ (១ខែកន្លះទើបទទួលផលជាសរសៃសូត្រឡត) ។
បច្ចុប្បន្ន គឺគាត់មិនបាច់ស្រាវជាអំបោះសូត្រទេ ពេលដែលកូននាងកើតជាឡតហើយនោះ គឺមានម៉ូយមកពីខេត្តសៀមរាប ឬភ្នំពេញមកទទួលទិញ ការចិញ្ចឹមនោះ ពេលទទួលផលបានត្រឹមតែ២៥ ទៅ៣០គីឡូក្រាម តាមកើតមិនកើតក្នុង១គីឡូក្រាម លក់បាន ត្រឹមតែ៣ម៉ឺន៥ពាន់រៀលប៉ុណ្ណោះ ។ជាមួយគ្នានោះដែរ ប្រជាពលរដ្ឋដែលចិញ្ចឹមកូននាងនោះ គាត់ក៏បាន សំណូមរផងដែរ សុំឲ្យអាជ្ញាធរ ជួយរកទីផ្សារ ដើម្បីឲ្យតម្លៃបានខ្ពស់ជាងនេះ គ្រាន់បានជួយសម្រួលដល់ ជីវភាពរបស់ពួកគាត់។
ចែករំលែកព័តមាននេះ