សារព័ត៌មានរបស់អង់គ្លេសកាលពីពេល ថ្មីៗកន្លងមកផ្សាយថា តារាសម្តែងដ៏ល្បីជេន្នីហ្វើរឡរ៉ែន បានទាក់ទងស្នេហាជាមួយអ្នកដឹកនាំរឿងលោក Darren Aronofsky ហើយត្រូវអ្នកជំនាញថតរូបលួចថតបានពេលពួកគេនៅជាមួយគ្នា ។
«The Sun» បានផ្សាយដោយមានអំណះអំណាងថានាងឡរ៉ែនបានចែកផ្លូវជាមួយលោក Chris Martin កាលពីពេល ថ្មីៗកន្លងមក និងជាចុងក្រោយចាប់ផ្តើមសេពគប់គូស្នេហ៍ថ្មី លោក Daren Aronofsky អាយុ៤៧ឆ្នាំ ។
ឡរ៉ែន ស្នាក់នៅក្រុងឡូសអេនចឺឡេស ប៉ុន្តែព្យាយាមរកពេលទំនេរធ្វើដំណើរទៅញូវយ៉កដើម្បីជួយលោក Aronofsky ហើយពួកគេបានចំណាយពេលច្រើននៅជាមួយគ្នា។
កាលពីមុននេះនាងឡរ៉ែន ធ្លាប់ផ្តល់ក្តីស្រឡាញ់ និងដោះដៃពីបុរសជាតារាសម្តែងលោក Nicholas Houlf ដែលរួមសម្តែងក្នុងរឿង X.Men ។ ក្រោយមកឡរ៉ែន ជួបសេពគប់ជាមួយលោកChris Martin នៅក្នុងក្រុមតន្ត្រី Coldplay មួយរយៈពេលទៀត ។
ចំណែកលោក Darren Aronofsky គឺជាអ្នកដឹកនាំរឿងដ៏ល្អមួយរូបធ្លាប់ដឹកនាំរឿង «Black Swan» និងរឿង «The Wrestler» ជាដើម ។ អ្នកដឹកនាំរឿងរូបនេះធ្លាប់រៀបការជាមួយនាងRachel Weisz និងមានកូនម្នាក់ ៕
ចែករំលែកព័តមាននេះ