ខ្ញីមានអត្ថប្រយោជន៍ដ៏អស្ចារ្យជាច្រើនចំពោះសុខភាព និងជាជំនួយក្នុងការព្យាបាលជំងឺដូចជា ឈឺក្រពះ ចង់ក្អួត និងចាញ់កូន ។ មជ្ឈមណ្ឌលសម្រាប់វេជ្ជសាស្ត្របំពេញបន្ថែមនិងជំនួសបានរាយការណ៍ថា
ខ្ញីមានអត្ថប្រយោជន៍ដ៏អស្ចារ្យជាច្រើនចំពោះសុខភាព និងជាជំនួយក្នុងការព្យាបាលជំងឺដូចជា ឈឺក្រពះ ចង់ក្អួត និងចាញ់កូន ។ មជ្ឈមណ្ឌលសម្រាប់វេជ្ជសាស្ត្របំពេញបន្ថែមនិងជំនួសបានរាយការណ៍ថា មានភស្តុតាងតិចតួចពីផលប៉ះពាល់ដោយផ្ទាល់របស់ខ្ញី ដោយមជ្ឈមណ្ឌលនេះបានបង្ហាញថាម្សៅខ្ញីអាចបង្កឱ្យមានជាតិហ្គាសក្នុងពោះ ជំងឺប៉ោងពោះ និងក្រហាយទ្រូង ។
ការប្រើខ្ញីអំឡុងពេលមានផ្ទៃពោះស្ថិតក្រោមការត្រួតពិនិត្យយ៉ាងល្អិតល្អន់ ។ មានការព្រួយបារម្ភមួយចំនួនទាក់ទងនឹងការបរិភោគខ្ញីអាចប៉ះពាល់ដល់អ៊័រម៉ូនភេទរបស់ទារកក្នុងផ្ទៃ ហើយក៏មានសេចក្តីរាយការណ៍ពីការរលូតកូនផងដែរ ។ ទោះជាយ៉ាងណាក្ដី ការសិក្សាទៅលើស្ត្រីមានផ្ទៃពោះបានបង្ហាញថា ខ្ញីអាចប្រើបានដោយសុវត្ថិភាពសម្រាប់ស្ត្រីដែលមានអាការចាញ់កូនដោយវាមិនឱ្យប៉ះពាល់ដល់ទារកឡើយ។ ហានិភ័យនៃទារកដែលមានអាវយមិនគ្រប់គ្រាន់ចំពោះស្ត្រីដែលបរិភោគខ្ញី មិនមានអត្រាខ្ពស់ជាងអត្រាធម្មតាពី១%ទៅ៣%ទេ ។ ប៉ុន្តែមានការព្រួយបារម្ភថាខ្ញីអាចបង្កើនហានិភ័យនៃការហូរឈាម ដូច្នេះហើយអ្នកជំនាញមួយចំនួនបានណែនាំថាស្ត្រីដែលជិតដល់ថ្ងៃសម្រាលកូនមិនគួរទទួលទានខ្ញីឡើយ ។
ផលប៉ះពាល់គួរឱ្យកត់សម្គាល់បំផុតរបស់ខ្ញីក្នុងរាងកាយគឺពន្យឺតការកកឈាម ។ វាអាចបង្កើនប្រសិទ្ធភាពនៃថ្នាំប្រឆាំងនឹងការកកឈាម ។ វាក៏បន្ថយកម្រិតជាតិស្ករក្នុងឈាម ដូច្នេះអ្នកជំងឺទឹកនោមផ្អែមគួរមានការប្រុងប្រយ័ត្ននៅពេលទទួលទានខ្ញី ។ នៅពេលអ្នកទទួលទានខ្ញីរួមជាមួយនឹងថ្នាំដែលមានស្រាប់របស់អ្នក ខ្ញីអាចធ្វើឲ្យជាតិស្ករក្នុងឈាមរបស់អ្នកទាបខ្លាំង ហើយវាអាចមានគ្រោះថ្នាក់ចំពោះអ្នកកើតជំងឺទឹកនោមផ្អែម។ ស្របគ្នាផងដែរ អ្នកដែលមានសម្ពាធឈាមខ្ពស់ក៏គួរតែមានការប្រុងប្រយ័ត្ននៅពេលទទួលទានខ្ញីផងដែរ។ ការទទួលទានខ្ញីក្នុងបរិមាណដ៏ច្រើនក៏អាចបណ្តាលឲ្យងងុយគេង នេះបើយោងតាម MedlinePlus ។
បរិមាណកំណត់សុវត្ថិភាពសម្រាប់ការទទួលទានខ្ញីគឺ២ក្រាមក្នុងមួយគីឡូក្រាមនៃម៉ាស់រាងកាយ បើអ្នកទទួលទានច្រើនជាងនេះគឺលើសកំណត់ ។ ការទទួលទានខ្ញីលើសកំណត់អាចនាំឲ្យមានការផលិតជាតិអាស៊ីតក្នុងរាងកាយរបស់មនុស្សដែលធ្វើឲ្យយើងមានបញ្ហាលើសជាតិអាស៊ីត ៕
ចែករំលែកព័តមាននេះ