កាមេរូន ៖ យ៉ាងហោចណាស់ មនុស្សចំនួន៥៣នាក់ត្រូវស្លាប់ និងជាច្រើននាក់ទៀតបានរបួសធ្ងន់ស្រាល ក្នុងហេតុការណ៍រថភ្លើងដឹកលើសទម្ងន់ ហើយបានរត់ខុសផ្លូវ បណ្តាលឱ្យផ្អៀងក្រឡាប់ចាក់មនុស្សចោល ដែលហេតុការណ៍នេះ បានកើតឡើងនៅ Eseka ដែលមានចម្ងាយឆ្ងាយពីទីក្រុង Yaounde កាលពីថ្ងៃសុក្រអាទិត្យមុន ។
បើតាមរដ្ឋមន្ត្រីក្រសួងដឹកជញ្ជូន លោក Edgard Alain Mebe Ngo’o បានឲ្យដឹងថា គ្រោះថ្នាក់នេះ មានមនុស្សមិនតិចជាង៣០០នាក់ បានរងរបួសធ្ងន់-ស្រាល ។ នៅ Eseka មិនមានមន្ទីរពេទ្យណា មានសម្ភារៈគ្រប់គ្រាន់ ទើបអ្នករងរបួសទាំងអស់ត្រូវបានគេបញ្ជូនទៅមន្ទីរពេទ្យ ដែលនៅក្បែរតំបន់។
មន្ត្រីខាងលើបន្តថា រថភ្លើងដែលជួបគ្រោះថ្នាក់ខាងលើ គឺដឹកលើសទម្ងន់រហូតដល់១៣០០នាក់ ដែលធម្មតាត្រឹមតែ៦០០នាក់តែប៉ុណ្ណោះ។ ណាមួយវិញទៀត វាអាចមកពីកត្តាភ្លៀងធ្លាក់ជោកជាំផងដែរ ដែលធ្វើឲ្យមានហេតុការណ៍អកុសលនេះកើតឡើង ។
ចែករំលែកព័តមាននេះ