សមត្ថកិច្ចបញ្ជូនឃាតកសម្លា.ប់ឪពុកធម៌ ទៅសាលាដំបូងរាជធានី
រាជធានីភ្នំពេញ ៖ កំម្លាំងសមត្ថកិច្ចកងរាជអាវុធហត្ថរាជធានីភ្នំពេញ នាព្រឹកថ្ងៃទី២៤ ខែតុលា ឆ្នាំ២០១៦ បានបញ្ជូនជនសង្ស័យជាឃាតក២នាក់
រាជធានីភ្នំពេញ ៖ កំម្លាំងសមត្ថកិច្ចកងរាជអាវុធហត្ថរាជធានីភ្នំពេញ នាព្រឹកថ្ងៃទី២៤ ខែតុលា ឆ្នាំ២០១៦ បានបញ្ជូនជនសង្ស័យជាឃាតក២នាក់
រាជធានីភ្នំពេញ ៖ កំម្លាំងសមត្ថកិច្ចកងរាជអាវុធហត្ថរាជធានីភ្នំពេញ នាព្រឹកថ្ងៃទី២៤ ខែតុលា ឆ្នាំ២០១៦ បានបញ្ជូនជនសង្ស័យជាឃាតក២នាក់ ពាក់ព័ន្ធថាបានសម្លាប់ជនរងគ្រោះជាប្តី ឬជាឪពុកទៅកាន់សាលាដំបូងរាជធានីភ្នំពេញ។ ជនដៃដល់ឈ្មោះ សូ ផា ហៅអ៊ូក ភេទប្រុស អាយុ២៩ឆ្នាំ ត្រូវជាកូនធម៌ជនរងគ្រោះ និងឈ្មោះ សៅ សំអឿន ភេទស្រី អាយុ៤៦ឆ្នាំ ត្រូវជាប្រពន្ធដើមជនរងគ្រោះ។
គួរបញ្ជាក់ថា បន្ទាប់ពីឃាតកត្រូវបានចាប់ខ្លួនក្នុងករណីឃាតកម្មសម្លាប់បុរសម្នាក់ចោលសាកសពនៅក្នុងប្រឡាយចាក់សំរាម ដែលចងផ្អោបជាមួយដុំថ្មជាង១០គីឡួក្រាម កាលពីព្រឹកថ្ងៃទី១៤ ខែតុលា ឆ្នាំ២១០៦ វេលាម៉ោង១០និង៣០នាទី នៅចំណុចតាមបណ្តោយផ្លូវលំខាងក្រោយសួនកាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ រាជធានីភ្នំពេញរួចមក។
នៅថ្ងៃទី២២ ខែតុលា ឆ្នាំ២០១៦នេះ កម្លាំងការិយាល័យស្រាវជ្រាវប្រឆាំងបទល្មើសព្រហ្មណ្ឌ នៃកងរាជអាវុធហត្ថរាជធានីភ្នំពេញចាប់ខ្លួន។ មន្ត្រីអាវុធហត្ថរាជធានីបានឲ្យដឹងថាបន្ទាប់ពីមានករណីឃាតកម្មខាងលើរួចមក លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានយកចិត្តទុកដាក់ចង្អុលបង្ហាញ បញ្ជាផ្ទាល់ដល់ស្នងការ នៃស្នងការដ្ឋានយុត្តិធម៌កងរាជអាវុធហត្ថលើផ្ទៃប្រទេសឲ្យដឹកនាំធ្វើការស្រាវជ្រាវលើករណីនេះឲ្យខាងតែបាន។
ក្រោមការដឹកនាំស្រាវជ្រាវស៊ើបអង្កេតរបស់ស្នងការយុត្តិធម៌កងរាជអាវុធហត្ថលើផ្ទៃប្រទេស និងកងរាជអាវុធហត្ថរាជធានីភ្នំពេញបានសហការណ៍ជាមួយកងរាជអាវុធហត្ថខេត្តស្វាយរៀង ធ្វើការកំណត់មុខសញ្ញាជនសង្ស័យបាន រហូតដល់ល្ងាចថ្ងៃទី២០ ខែតុលា ឆ្នាំ២០១៦ ម៉ោង៦និង៣០នាទី អាវុធហត្ថខណ្ឌពោធិសែនជ័យបាន ធ្វើការឃាត់ខ្លួនជនដៃដល់ជាឃាតក នៅម្តុំរោងចក្រកាណាឌីយ៉ា ភូមិត្រពាំងថ្លឹង ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានបន្តថា ក្រោយពេលចាប់ខ្លួនបានហើយជនសង្ស័យក៏បានសារភាពថា ខ្លួនគេពិតជាឃាតកសម្លាប់ជនរងគ្រោះដោយផ្ទាល់ដៃពិតប្រាកដមែន។ មន្ត្រីកងអាវុធហត្ថបញ្ជាក់អំពីដើមហេតុនៃរឿងឃាតកម្មនេះថា ឃាតកដៃដល់ឈ្មោះ សូ ផា ហៅអ៊ូក ភេទប្រុស អាយុ២៩ឆ្នាំ និងជនរងគ្រោះឈ្មោះ កៅ ផា អាយុ៥០ឆ្នាំ រាប់អានគ្នាជាឪពុកធម៌និងកូនធម៌។
រយៈពេលជាងពីរខែមកនេះ ជនរងគ្រោះបានយកលុយដែលកូនធ្វើការនៅកូរ៉េផ្ញើមកឲ្យសន្សំទុកចំនួន ១២.០០០ដុល្លារ ទិញឡាន១២កៅអី រត់តាក់ស៊ី និងចាកចេញពីផ្ទះមករស់នៅជាមួយប្រពន្ធចុង ទើបប្រពន្ធដើមរបស់ជនរងគ្រោះ បានប្រាប់ឈ្មោះ សូ ផា ជាកូនធម៌ ឲ្យជួយធ្វើយ៉ាងណាយកឡានរបស់ប្តីគាត់ត្រឡប់ទៅផ្ទះវិញឲ្យបាន គាត់នឹងឲ្យ១.០០០ដុល្លារ។
នៅថ្ងៃទី៩ ខែតុលា ឆ្នាំ២០១៦ វេលាម៉ោងប្រហែល៣ល្ងាច ឃាតកបានទូរសព្ទ័មកជនរងគ្រោះដើម្បីជួលឡានទៅសៀមរាបក្នុងតំលៃ ២៥០ដុល្លារដោយប្រាប់ជនរងគ្រោះថាចាំទទួលគូដណ្តឹងមកពីប្រទេសកូរ៉េនៅព្រលានយន្តហោះខេត្តសៀមរាប ដោយចេញដំណើរនៅថ្ងៃចន្ទ័ ទី១០ ខែតុលា ឆ្នាំ២០១៦។ នៅម៉ោង១រំលងអាធ្រាត្រ ថ្ងៃទី១០ឈានចូលថ្ងៃទី១១ ខែតុលា ឆ្នាំ២០១៦ ជនរងគ្រោះបានទៅដល់ព្រលានយន្តហោះគេប្រាប់ថា មិនមានជើងយន្តហោះពីកូរ៉េមកចុះនៅសៀមរាបទេ ហើយក៏ត្រឡប់មកភ្នំពេញវិញជាមួយជនសង្ស័យ។
នៅតាមផ្លូវជនសង្ស័យបានដាក់ថ្នាំងងុយដេកក្នុងទឹកផ្លែឈើឲ្យជនរងគ្រោះផឹក តែជនរងគ្រោះមិនបានផឹក រហូតភ្លឺស្រាងៗមកដល់ព្រំប្រទល់សៀមរាបកំពង់ធំ ជនរងគ្រោះបានឈប់ឡានបម្រុងចុះជុះនោម ក៏ត្រូវជនសង្ស័យយកដំបងវាយកញ្ចឹងកនឹងក្បាលពីក្រោយរហូតដល់ស្លាប់ ហើយលើកសពដាក់ឡានយកមកភ្នំពេញទុកចោលមួយថ្ងៃ ដល់ថ្ងៃទី១២ ខែតុលា ឆ្នាំ២០១៦ ទើបយកដុំថ្មចងផ្អោបជាមួយសាកសពទម្លាក់ចូលក្នុងប្រឡាយក្បែររោងចក្រកាណាឌីយ៉ាតែម្តង ហើយក៏សម្ងំលាក់ខ្លួនក្នុងផ្ទះជួលក្បែរហ្នឹង រហូតដល់ថ្ងៃទី២០ ខែតុលា ឆ្នាំ២០១៦ ក៏ត្រូវកងរាជអាវុធហត្ថឃាត់ខ្លួនបានតែម្ដង។ ដោយមានចម្លើយសារភាពរួចមក កម្លាំងការិយាល័យជំនាញកងរាជអាវុធហត្ថរាជធានី បានកសាងសំណុំរឿងបញ្ជូនឃាតកទៅតុលាការផ្ដន្ទាទោសតាមច្បាប់៕
ចែករំលែកព័តមាននេះ