សមត្ថកិច្ចចាប់ខ្លួន ទើបប្រពន្ធដឹងការណ៍ពិត
ខេត្តបន្ទាយមានជ័យ ៖ បន្ទាប់ពីសមត្ថកិច្ចចាប់ឃាត់ខ្លួនខណៈដើរទិញអីវ៉ាន់ក្នុងផ្សាររុងក្លឿក្នុងស្រុកអារញ ខេត្តស្រះកែវ ប្រទេសថៃកាលពីរសៀលថ្ងៃទី២១ ខែតុលា ឆ្នាំ២០១៦ …
ខេត្តបន្ទាយមានជ័យ ៖ បន្ទាប់ពីសមត្ថកិច្ចចាប់ឃាត់ខ្លួនខណៈដើរទិញអីវ៉ាន់ក្នុងផ្សាររុងក្លឿក្នុងស្រុកអារញ ខេត្តស្រះកែវ ប្រទេសថៃកាលពីរសៀលថ្ងៃទី២១ ខែតុលា ឆ្នាំ២០១៦ …
ខេត្តបន្ទាយមានជ័យ ៖ បន្ទាប់ពីសមត្ថកិច្ចចាប់ឃាត់ខ្លួនខណៈដើរទិញអីវ៉ាន់ក្នុងផ្សាររុងក្លឿក្នុងស្រុកអារញ ខេត្តស្រះកែវ ប្រទេសថៃកាលពីរសៀលថ្ងៃទី២១ ខែតុលា ឆ្នាំ២០១៦ ទើបស្ត្រីជាប្រពន្ធបានដឹងថា ប្តីរបស់ខ្លួនបានប្រកបរបររកស៊ីខុសច្បាប់ ។
ជនសង្ស័យជាប្តីឈ្មោះ យ៉ាន់ ចាន់ថន អាយុ៣៣ឆ្នាំ ចំណែកប្រពន្ធឈ្មោះ ជិន ស្រីនី អាយុ២៩ឆ្នាំ ស្នាក់នៅបន្ទប់ជួលក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នគរបាលក្រុងប៉ោយប៉ែតបានប្រាប់ថា ការឃាត់ខ្លួនជនសង្ស័យទាំង២ខាងលើគឺធ្វើឡើងបន្ទាប់ពីមានពលកររងគ្រោះម្នាក់ឈ្មោះស៊ឹម ឆុននី ភេទស្រី អាយុ២៦ឆ្នាំ ធ្វើដំណើរឆ្លងដែនទៅប្រទេសថៃ ដោយប្រើប្រាស់ប៉ាស្ព័រ តវីសាក្លែងក្លាយ ហើយត្រូវសមត្ថកិច្ចថៃ ហៅសួរនាំ ត្រួតពិនិត្យទើបបានដឹងពីការពិតថា ជាប៉ាស្ព័រពិត តែការតវីសាក្លែងក្លាយយកទៅប្រើប្រាស់សម្រាប់ឆ្លងដែន ។
ពលកររងគ្រោះបានប្រាប់សមត្ថកិច្ចថា មានពេលមួយនាងបានស្គាល់ឈ្មោះ យ៉ាន់ ចាន់ថន លើរថយន្តក្នុងប្រទេសថៃ ដោយគេអះអាងថា គេជាអ្នកតវីសា និងឲ្យលេខទូរស័ព្ទទៅនាងដើម្បីទំនាក់ទំនងថ្ងៃក្រោយ ។ លុះនៅថ្ងៃទី២០ ខែតុលា ឆ្នាំ២០១៦ នាងបានទាក់ទងតាមទូរស័ព្ទឲ្យឈ្មោះ យ៉ាន់ ចាន់ថន ជួយតវីសាឲ្យក្នុងតម្លៃ១ក្បាល៨០០០បាត ធានារយៈពេល២ឆ្នាំ ដោយនាងឲ្យលិខិតឆ្លងដែនចំនួន៣ក្បាល ដឹងអីនៅថ្ងៃទី២១ខែឆ្នាំដដែលក្រោយពីទទួលបានវីសាពីបុរសនោះវិញ ហើយក៏ធ្វើដំណើរមកដល់ទឹកដីថៃ ដល់ចំណុចត្រួតពិនិត្យលិខិតឆ្លងដែន ស្រាប់តែតម្រួតថៃប្រាប់ថា ជាវីសាក្លែងក្លាយទៅវិញ ។
ប្រភពបន្តថា ភ្លាមៗនោះសមត្ថថៃក៏បានទំនាក់ទំនងសហការជាមួយសមត្ថកិច្ចកម្ពុជា បន្ទាប់មកលោកឧត្តមសេនីយ៍ទោ អាត់ ខែមស្នងការនគរបាលខេត្ត ក៏បានបញ្ជាកម្លាំងជំនាញរបស់អធិការដ្ឋាននគរបាលក្រុងប៉ោយប៉ែតទៅសហការជាមួយសមត្ថកិច្ចថៃនៅស្រុកអារញ្ញជាប់ព្រំដែន សុំយកស្ត្រីជាប្រពន្ធមកកម្ពុជាមុនដើម្បីប្រាប់ទីតាំងដែលប្តីខ្លួនស្នាក់នៅតែម្តង ។
លោកអនុសេនីយ៍ឯក ព្រហ្ម ពិសិដ្ឋ អធិការរងទទួលបន្ទុកផែនព្រហ្មទណ្ឌ នៃអធិការដ្ឋាននគរបាលក្រុងប៉ោយប៉ែត បានប្រាប់ថា យ៉ាងណាក៏ដោយយោងតាមការសាកសួរស្ត្រីជនសង្ស័យប្រាប់សមត្ថកិច្ចថា ជាយូរឆ្នាំហើយដែលប្តីនាងធ្វើជាមេខ្យល់នាំមនុស្ស ឆ្លងដែនទៅប្រទេសថៃ ។ ក្រោយមកនាងមិនបានដឹងនោះទេ ព្រោះរវល់មើលថែម្តាយ និងកូននៅផ្ទះក្នុងស្រុកអូរជ្រៅឯណោះ ។ នាងជាប្រពន្ឋបន្តថា បន្ទាប់មកទៅរកស៊ីនៅប្រទេសថៃបាត់ៗ មិនបានរស់នៅជាមួយប្តីជាប់នោះទេ យូរៗទើបមក ស្រុកខ្មែរ ទៅយកប្រាក់ពីប្តីមកចិញ្ចឹមកូន ។
ស្ត្រីជាប្រពន្ធបន្តថា នៅម៉ោង១២ថ្ងៃត្រង់ទី២១ ខែតុលា ឆ្នាំ២០១៦ ប្តីនាងត្រូវតម្រួតថៃចាប់រួមទាំងរូបនាងផងដែរនៅក្នុងផ្សារលុងក្លឿ ដោយមានគេប្តឹងចោទថា រកស៊ីតវីសាក្លែងក្លាយ ហើយពេលសមត្ថកិច្ចនាំនាងពីថៃមកឆែកឆេរបន្ទប់ស្នាក់នៅរបស់ប្តីរកឃើញវត្ថុតាងមួយចំនួនទើបដឹងថា ប្តីរកស៊ីខុសច្បាប់ ។
លោកអធិការរងបញ្ជាក់ថា ជនសង្ស័យជាប្តីត្រូវបានសមត្ថកិច្ចថៃចាត់ការតាមផ្លូវច្បាប់នៅឯប្រទេសថៃ ចំណែកជនសង្ស័ជាប្រពន្ធត្រូវបានកសាងសំណុំរឿងជាមួយវត្ថុតាងបញ្ជូនទៅស្នងការដ្ឋាននគរបាលខេត្តដើម្បីចាត់ការបន្តតាមនិតិវិធីច្បាប់ ៕
ចែករំលែកព័តមាននេះ