រាជធានីភ្នំពេញ ៖ មន្ទីរពេទ្យកាល់ម៉ែត បានរៀបចំសិក្ខាសាលាស្តីពី «ការវះកាត់ជំងឺមហារីកថ្លើម និងដុំក្នុងខួរក្បាល» នៅសាលប្រជុំមន្ទីរពេទ្យកាល់ម៉ែតកាលពីរសៀលថ្ងៃទី២១ ខែតុលា ឆ្នាំ២០១៦ ក្រោមអធិបតីភាពលោក
រាជធានីភ្នំពេញ ៖ មន្ទីរពេទ្យកាល់ម៉ែត បានរៀបចំសិក្ខាសាលាស្តីពី «ការវះកាត់ជំងឺមហារីកថ្លើម និងដុំក្នុងខួរក្បាល» នៅសាលប្រជុំមន្ទីរពេទ្យកាល់ម៉ែតកាលពីរសៀលថ្ងៃទី២១ ខែតុលា ឆ្នាំ២០១៦ ក្រោមអធិបតីភាពលោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត លោកវេជ្ជបណ្ឌិត Teo Kejia ទីប្រឹក្សា និងជានាយកផ្នែកវះកាត់ប្រព័ន្ធប្រសាទនៃមន្ទីរពេទ្យសាកលវិទ្យាល័យជាតិប្រទេសសិង្ហបុរី (NUH) លោកសាស្ត្រាចារ្យ វេជ្ជបណ្ឌិតAlfred Kow ទីប្រឹក្សា និងនាយកផ្នែកវះកាត់ថ្លើម និងលំពែងនៃមន្ទីរពេទ្យសាកលវិទ្យាល័យជាតិប្រទេសសិង្ហបុរី (NUH) និងមានការចូលរួមពីវេជ្ជបណ្ឌិត ជំនាញៗជាច្រើនរូបទៀត ។
លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត បានមានប្រសាសន៍ថា នេះជាកម្មវិធីពិសេសមួយដែលផ្តើមឡើងដោយមន្ទីរពេទ្យកាល់មែ៉តក្រោមគោលនយោបាយរបស់ក្រសួងសុខាភិបាល និងមានកិច្ចសហការជាមួយសាកលវិទ្យាល័យជាតិប្រទេសសិង្ហបុរី(NUH) គោលបំណងនៃសិក្ខាសាលានេះ គឺលើកយកតែការអភិវឌ្ឍលឿនចុងក្រោយនៅលើសកលលោកយកមកសិក្សា ដូចជាការវះកាត់ខួរក្បាល ដោយគ្រាន់តែចោះរន្ធតូចដែលមានជាដុំ ដុំពក ដុំមហារីក ការដាច់សរសៃឈាមក្នុងខួរក្បាលជាដើមនេះជាទី១ ហើយទី២-ការវះកាត់មហារីកថ្លើម ដែលជាបច្ចេកទេសចុងក្រោយលើសកលលោក ។
នេះគឺជាកម្មវិធីដែលយើងធ្វើឲ្យមានភាពប្លែកៗជាកម្មវិធីដែលយើងធ្វើទិវាវិទ្យាសាស្ត្រប្រព័ន្ធប្រសាទមានជារួមទាំងអស់ ហើយនេះជាការដែលយើងជ្រើសរកអ្វីដែលថ្មីដែលនៅលើសកលលោកធ្វើបានជោគជ័យហើយកម្ពុជាយើង យើងផ្សារជាប់ជាមួយប្រទេសសិង្ហបុរីដើម្បីឲ្យការដើរបោះជំហានរបស់យើងកាន់តែលឿនទៅមុខ ។ នៅតំបន់អាស៊ីប្រទេសសិង្ហបុរីជាប្រទេសមួយដែលមានការរីកអភិវឌ្ឍន៍លើផ្នែកវេជ្ជសាស្ត្រនេះជឿនលឿនហើយដែលមន្ទីរពេទ្យកាល់ម៉ែតយើងមិនមែនតែលើកនេះទេ គឺយើងមានសាកលវិទ្យាល័យ និងមន្ទីរពេទ្យល្បីៗនៅប្រទេសសិង្ហបុរីនេះ បានចងជាមិត្តភាពដៃគូនៃប្រទេសយើងដែលអភិវឌ្ឍន៍ក្នុងការផ្លាស់ប្តូរបទពិសោធន៍និងការនាំឆ្ពោះទៅកាន់តែជឿនលឿន ។
លោកសាស្ត្រាចារ្យឈាង រ៉ា បានបញ្ជាក់ថា វាជាបច្ចុប្បន្នភាព យកជំងឺទាំងពីរនេះមកពិភាក្សាក្នុងសិក្ខាសាលានេះ គឺជាបច្ចុប្បន្នភាពនៃប្រទេសដែលមានការអភិវឌ្ឍ ក្នុងនោះក៏មានជំងឺថ្មីៗ ដែលស្រាវជ្រាវកាន់តែជឿនលឿនទៅគឺយើងអាចឃើញ និងធ្វើការទប់ស្កាត់បានកាន់តែមានប្រសិទ្ធភាព ទាន់ពេលវេលា ដូចជាជំងឺមហារីកក្នុងខួរក្បាល ជំងឺសរសៃឈាមក្នុងខួរក្បាល ដែលជាជំងឺយើងទាមទារការស្រាវជ្រាវឲ្យទាន់ពេលវេលា ដោះស្រាយឲ្យទាន់ពេលវេលាហើយវាជាបច្ចុប្បន្នភាពមួយ ។ បន្ទាប់ពីសិក្ខាសាលានេះ នឹងធ្វើការវាយតម្លៃនូវការអនុវត្ត ដែលជាលទ្ធផលនៃសិក្ខាសាលានេះ ហើយនឹងមានជាគ្រូពេទ្យជំនាញ អាចយកមកអនុវត្តជាក់ស្ដែងនូវកិច្ចការនេះ ប្រហែលជា២ទៅ៣ សប្តាហ៍ខាងមុខនេះ ដែលអាចធ្វើទៅបាន ៕
ចែករំលែកព័តមាននេះ