ក្របួចបានទាំងសំបុក ! ប្រតិបត្តិការតាំងពីថ្ងៃត្រង់រហូតដល់រសៀល
ខេត្តកំពត ៖ កម្លាំងសមត្ថកិច្ចចម្រុះបើកប្រតិបត្តិការបង្ក្រាបក្រុមតាំងពីវេលាម៉ោងជា១២ថ្ងៃត្រង់ រហូតដល់រសៀលថ្ងៃទី២២ ខែតុលាឆ្នាំ២០១៦ ទើបបង្ក្រាបបានទាំងសំបុក …
ខេត្តកំពត ៖ កម្លាំងសមត្ថកិច្ចចម្រុះបើកប្រតិបត្តិការបង្ក្រាបក្រុមតាំងពីវេលាម៉ោងជា១២ថ្ងៃត្រង់ រហូតដល់រសៀលថ្ងៃទី២២ ខែតុលាឆ្នាំ២០១៦ ទើបបង្ក្រាបបានទាំងសំបុក …
ខេត្តកំពត ៖ កម្លាំងសមត្ថកិច្ចចម្រុះបើកប្រតិបត្តិការបង្ក្រាបក្រុមតាំងពីវេលាម៉ោងជា១២ថ្ងៃត្រង់ រហូតដល់រសៀលថ្ងៃទី២២ ខែតុលាឆ្នាំ២០១៦ ទើបបង្ក្រាបបានទាំងសំបុក និងឃាត់ខ្លួនជនសង្ស័យជាចោរលួច និងកាច់សោ.កម៉ូតូបាន៦នាក់ ព្រមទាំងវត្ថុតាងមួយចំនួន ។
ជនសង្ស័យទាំង៦នាក់ដែលត្រូវសមត្ថកិច្ចចាប់ខ្លួននេះមិនទាន់ដឹងថា អ្នកណាជាមេខ្លោងនៅឡើយទេ ពីព្រោះពួកគេមិនទាន់សារភាព គ្រាន់តែប្រាប់ឈ្មោះ និងទីកន្លែង រស់នៅរបស់ពួកគេម្នាក់ៗដល់សមត្ថកិច្ចតែប៉ុណ្ណោះ ។ ជនទាំង៦នាក់រួមមាន ១-ឈ្មោះ ទី វណ្ណៈ ភេទប្រុស អាយុ៣៦ឆ្នាំ មានទីលំនៅភូមិកោះ ប្រាក់ ឃុំគគីរធំ ស្រុកកៀនស្វាយ ខេត្តកណ្តាល ។ ២-ឈ្មោះ សុខ ចាប ហៅ ភី ភេទប្រុស អាយុ៤៣ឆ្នាំ មានទីលំនៅភូមិចើងដើង ឃុំចើងដើង ស្រុកបារ៉ាយណ៍ ខេត្តកំពង់ធំ ។ ៣-ឈ្មោះ ប៊ូ ចំរើន ភេទប្រុស អាយុ៣៦ឆ្នាំ មានទីលំនៅភូមិប្រញ៉ង ឃុំធាយ ស្រុកបាភ្នំ ខេត្តព្រៃវែង។ ៤-ឈ្មោះ ហម វាសនា ភេទប្រុស អាយុ៣១ឆ្នាំ មានទីលំនៅភូមិកំពង់ ឃុំព្រះបាទជាន់ជុង ខេត្តតាកែវ ។ ៥-ឈ្មោះ ឌី កៃនឿន ភេទប្រុស អាយុ២៧ឆ្នាំ មានទីលំនៅភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម ។ និង ៦-ឈ្មោះ ជា ជ្រូក ភេទប្រុស អាយុ៣៥ឆ្នាំ មានទីលំនៅភូមិដំរីផុង ស្រុកឆ្លូង ខេត្តក្រចេះ ។
លោកឧត្តមសេនីយត្រី ម៉ៅ ចន្ទ័មធុរិទ្ឋ ស្នងការនគរបាលខេត្ត បានឲ្យដឹងថា បន្ទាប់ពីធ្វើការស្រាវជ្រាវស៊ើបអង្កេត និងកំណត់មុខសញ្ញាបានច្បាស់ ដោយមានប្រជាពលរដ្ឋបានបាត់ម៉ូតូជាច្រើនគ្រឿងក្នុងនោះរាប់ទាំងបាត់ដោយកាច់សោ.កផងដែរកំឡុងពេលនៅក្នុងខេត្តមានកម្មវិធីតាំងពិពណ៌ពាណិជ្ជកម្មថៃ និងលេងខនស៊ឺតប៉ុន្មានថ្ងៃមុននេះ ទើបលោកបានដឹកនាំកម្លាំងនគរបាលខេត្តសហការជាមួយនគរបាលក្រុងកំពត បានបើកប្រតិបត្តិការបង្ក្រាបក្រុមចោរលួច និងកាច់សោ.កម៉ូតូនេះតាំងពីថ្ងៃត្រង់រហូតដល់រសៀលទើបអាចឃាត់ខ្លួនបានរហូតដល់៦នាក់តែម្តង ។
លោកបន្តថា ខណៈពេលចាប់ខ្លួនសមត្ថកិច្ចរឹបអូសបាន រថយន្តឆ្លាម១គ្រឿង, ម៉ូតូហុងដាឌ្រីមសេ១២៥ ស៊េរីឆ្នាំ២០១៦ មួយគ្រឿង និងឧបករណ៍សោសម្រាប់ដោះ និងកាច់សោ.កម៉ូតូ១កំប្លេរផងដែរ ។
ជុំវិញករណីបង្ក្រាបក្រុមចោរលួច និងកាច់សោ.កម៉ូតូនេះ សមត្ថកិច្ចកំពុងនៅបន្តធ្វើការសាកសួរមិនទាន់បានចម្លើយសារភាពអស់នៅឡើយទេរហូតមកដល់ព្រឹកថ្ងៃទី២៣ ខែតុលា ឆ្នាំ២០១៦នេះ ៕
ចែករំលែកព័តមាននេះ